أكيد بتدخلون عشان تعرفون اش هي البهارات؟


البارح كنت في السوق ومريت العطارالسوداني قبل يأذن بلحظات أبشتري ماء من الثلاجة

ولقيته مسوي حركة غريبة عند باب المحل
حاط سلال كبيرة وكل سلة فيها نوع بهار حب مش مطحون سلة كزبرة سلة كمون سلة كركم سلة فلفل أسود سلة بصل جاف سلة ثوم جاف وشي أصفر كنه بامية وشيء بيج كنه جزر يابس...... ألخ
والحريم عنده زحمة مرة وانفتحت شهيتي للشغل والسناعة وقلت خلني اسوي مثل الحريم الي يبيعون بهارات بعالم حواء ولما أسألهم مايردون علي خلني اسوي بهارت صحية لافيها ماجي ولا اجي نموتو


فقلت :
عطني بعشرة بصل جاف
عطني بعشرة ورق غار
وافتح فمي أبقول عطني
إلا والمذن يذن العشاء وصاحن الحريم وصاح السوداني يله يله واعطيه العشرين وأخذ هالكيستين
ويدق أخوي يله أذن اطلعي ....


ولا اكتمل حلمي بالبهارات
الغريب في الموضوع إن بعشرة ريال ورق الغار طلع كثير ولاأدري ويش يطعم في الأكل لأني مجربته من زمان حطيته ولا ماحطيته مافيه ولا له طعم!!


فعلموني وشي فايدة ورق الغار ومافيه مانع نستفيد من بعض في تصليح البهارات وخبرتكن وشطارتكن ياخواتي


عاد ماأنسى البهارات الي مجربتها الي من البقالات :
بهارات مهران أحس نكهتها رايحة
بهارات اسناد فيها معزز النكهة وغالية وطعمها رايح
وبهارات فيجيا فيها يانسون مهي زينة
وبهارات ناتيونال فيها حمض الستريك ومعززات كثيرة للنكهة
وبهارات تشان رهيبة لكن فلفلها أكثر من بهارها
وبهارات الأمير الي في علب بلاستك مليانة فلفل
وبهارات البحرين في علب بلاستك مليانة حلبة


يله انتظركن


21-08-1433 هـ, 04:35 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله حالي حالك معرف فالبهارات شي بس انا استخدم بهارات المراجل واحسها مش بطاله
با ابعرف الحريم ليش صاحن
21-08-1433 هـ, 04:59 مساءً
 
رررفع
21-08-1433 هـ, 05:25 مساءً
 
-: رفــــــــع:-
21-08-1433 هـ, 06:16 مساءً
 
انا اشوف وحده تجيب البهارات المشكله الحب من العطار الي يجي فيها خلنجان وليمون ناشف وكسبره ناشفه والاشياء الي معاها وتطحنها بمطحنه القهوه لمن تصير بورده وتحط ملعقه صغيره مع كل طبخه راااائعه وريحتها احلي جربوها وادعوولي
21-08-1433 هـ, 06:33 مساءً
 


الساعة الآن 08:18 .