السلام عليكم
بقولكم مشكلتي الي تعبتني كثير يبنات وندمانه كثر شعر راسي علاالي كنت اسويه بس قدر الله وماشاء فعل
انا احب اشكر اولا الاخت كيك وعسل سمحتلي اجدخل بمعرفها وافضفض عن الي بخاطري ربي يجزاها خير الجزاء
انا متزوجه من 8شهور يعني لسه عروسه وحمد لله مبسوطه مع زوجي طيب وحنون ومايشوف غيري ياربي لك الحمد ع هالنعمه طيب بتقولو وين المشكله المشكله انو قبل زواجي كنت انبسط مره اذا حد م دحني وانا مابمدح نفسي بس حمد لله فيني جمال ومعروفه بهالشي بين اقاربنا وكانو الحريم يمدحوني لامي وانبسط مرره واحس بثقه بس وش الي انا ندمانه علي انا عماتي وخالتي واقاربنا حتى بعضهم تكون قريبه لامي او من بعيد تصير لنا كانو يجون يجمعون عند امي وعزايم وكذا وبيت اهلي ماشاءء الله ما يخلى من الضيوف انا كنت اترزز بكثير واكشخ واكونعلى سنقه عشره واذا شفت الرجال طالعين اسوي نفسي ماره عشان يشوفوني وكنت انبسط بالعشور الي احسه خصوصا ازوج جارتنا كنت امر من يمه دايم واذا جيت اطلع ا لكليه البس جزمتي عند الباب وهونازل واتلكع اسوي نفسي البس الكعب وهو يكون نازل لدوامه وامر من يمه وعطري ريحته تفوح وبيدي انواع الخواتم والدلع واتدلع بالمشي قدامه وهو مررره واضح عليه مبهور فيني
والله ادري هذا الكلام مفروض ماقوله بس لاني اعتبركم اخواتي بفضفض لكم لان تئنيب الضمير ذبحني وياليت كنت اسوي كذا مع جارنا بس مع ازواج خالاتي وعماتي وبنات عماتي وبنات خالي وكل من يخطر ببالكم اسوي نفسي رايحه اجيب اغراض او اني ماره بالغلط ويجي وجهي بوجه الرجال وكنت انبسط لاني اكون باحلى طله وهيئه والكل يمدحوني وكنت استخسر نفسي ع اي واحد فيهم بس احس اني مرغوبه لما ا شوف نظرات اعجاب وانبهار الي حولي وكنت اترزز بكثره بالمجالس عند الحريم والحين تزوجت رجال حنون وطيب ومتدين وربي انه غير فيني الشي الكثير طبعا هو امادري عن الي كنت اسويه قبل زواجي به بس غيرني كثير خلاني اتقرب من الله وحببني بالالتزام وصرت شبه ملتزمه وهو كان مخليني على راحتي يقول تبين دش تبين اي شي اجيبه لك ماجبرك على شي بي الافضل لنا كذا وكذا وكنت اتاثر ربي اغناني به عن كل الناس ربي يحفظه لي بس الي صار اني ندمانه مره على الماضي الي كنت اسويه ولما اشوف بنات خالي وبنات خالاتي احس بتانيب الضمير اكيد ازواجهم شافوني وبدا يقارن بيني وبينه واحس اني ظلمتهم وش اسوي صعبه اني اروح لكل وحده اقول انا ت رززت عند زوجك وهو مار او هو خارج او طلع من البيت وابيه يشوف جمالي وحلاتي صعب مره مره وانا مدري شسوي والله احيانن اكره نفسي وارجع استغفر واروح لحضن زوجي وهو حاس اني متضايقه بس مابين له ابد وش اسوي بنات شوور علي خايفه انحرم من هالزوج الحنون الطيب او بربي يعاقيني على الي كنت اسويه

خلاااص ياا اختي... التووبه النصووحه و الندم هو الحل .. واذا بليتم فأستترو.. ربك غفور رحيم.. ادعي لهم ان الله يسخر لهم ازواجهم و استغفري ربك.. الحل بيد خالقك و بيدك مش بيد البناات.
الندم اول مراحل التوبه ، استغفري ربك ، وعاهدي الله انك ماترجعين لنفس حركاتك اول واخلصي النيه

وانسي اللي فات لانه من الماضي والشيطان يبي يعكر لك حياتك ، فانسي وارمي كل شي ورا ظهرك

واكثري من الاستغفار
توبي الى الله واستغفريه توبي الى الله توبه نصوحه ....
اعلمي وثقي ان الله غفور رحيم ,,,,
اعلمي ان الله الي سترك وانت عاصيه له قادر ان يسترك وانت تأبه له ....
اكيد صعبة تقوليلهم انك ترززتي جدامهم وتعتذريني
واكبر غلط انك تخبرينهم وانسي الموضوع
بالنسبة للي كنتي تسوينه غلط بغلط بس الحمدلله ان الله عوضك
بزوج يخاف الله وهذي اكبر نعمة لج
وباين انك ندمانه علي اللي سويته فالله غفور رحيم
حاولي انك تتقربي الي ربك اكثر وان شاء الله ربي يسامحك لانكي تبتي
فالله يحب التوابين
ولاتنسين ان تشكري الله علي نعمة الزواج برجل صالح
والله يوفقك ويصلحك


الساعة الآن 09:08 .