Analysis Services
[align=center]بسم الله الرحمن الرحيم[/align]

اخواتي العزيزات انا وحده اعترف بحرقه اني وحده غشيمة طبخ
صارلي فتره وانا من كتب لي وصفات لي تصفح بالمنتدى لا عدمناه انشاء الله في رحلة لتعلم الطبخ
والان بعد حوالي الشهرين من المحاولات الجاهده والجهد الجهيد يسرني ان اشارك اخواتي المبتدآت بمجموعة من الاطباق السلطه لا تضحكون علي امانه عليكم
والاطباق والحلو اتمنى اني افيدكم وكل ما راح اسوي شي يضبط راح ابشركم واكتب الوصفه
على فكره لا احد يحرجني يقول حطي صورة الطبق ترى ما اعرف اللي اتعلمني الله يجزيها الخير ولا تقولون حطي رابط راح اريحكم واكتب الوصفه كاملة
هيا بنا نبدأ رحلة الطبخ هووووووووياااااااااااماااااااااللل هيييييييييييييييييييييي
20-07-1426 هـ, 11:48 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جربت لي حد الان نوعين من السلطه السريعه والغريبه

اولا
سلطة الناتشز
( منقوله من المنتدى الغالي)
خس امريكي
بصل اخضر
طماطم
ناتشوز
فلفل اخضر
الصلصه:
جبن كرفت سايل 4 م ك
حليب سائل حسب الحاجه
بودرة ثوم ربع ملعقه صغيره
اعشاب عطرية ( مو لازم)
فلفل اسود ربع ملعقه صغيره

توضع الصلصه على نار هادئة لما تثقل اهم شي يكون طعم الجبن غالب عليها
----------------------------------------------------------------------------------
ثانيا :
سلطة المعكرونه باللبن
منقوله من احد الكتب

معكرونه مطبوخه تكون من النوع الجامد يعني مو اذا حطيتيها بالنار تتفلل مثل اللي شكلها محار
خس
فلفل اخضر
ذره

الصلصه
ربع كوب زيت زيتون
نص ملعقة بودرة الثوم او ثوم مهروس
كوب روب
نص ملعقة كبيره نعناع ( مو لازم)
ربع كوب ليمون

تخلطون الصلصه واتحطونها على المعكرونه وباقي المكونات تطلع اتيننننن

وللحديث بقية انشاء الله بس اسمع التشجيع صدقتي روحي شني هيهيهي
20-07-1426 هـ, 12:02 مساءً
 
هذا الطبق منقول من المنتدى وهو رائع جدا وناجح اذا انا فلحت فيه بعد اشتنطرون

المقادير:
نص كيلو فاصوليا خضراء طازجه طبعا انا ماعرفت المقدار رحت شريت كرتون من الجمعية وسويته كله
علبة فاصوليا بيضاء
م ك عصير ليمون
2م ك خردل
2 م ك عسل
نص ملعقة شاي فلفل اسود انا خففتها الى الربع لاني ما احب الحار
نص ملعقة شاي ملح هم خففتها للربع

الطلريقة:

-تسلق الفاصوليا الخضراء في ماء على نار متوسطة حوالي 5 دقائق ثم تصفى وتترك جانبا
-تخلط المقادير الباقيه عدا الفاصوليا البيضا على نار متوسطه حتى تثخن ويضاف لها الفاصوليا الخضراء
-تصفى الفاصوليا البيضه وتضاف على الخليط وتترك على النار 7 دقايق
-انا بالنهاية طلعت طلعه او اظفت المعكرونه اطلعت شي عجيييييييييييييب

جربوها او عليكم بالعافية مقدما وادعولي بالتوفيق
20-07-1426 هـ, 12:19 مساءً
 
تسلمى يا غالية يالا جربى أكتر وقوليلنا
20-07-1426 هـ, 12:46 مساءً
 
العجينه مأخوذه من المنتدى الله يجزيها الخير اللي حطتها ، لينه جدا اتظل لي ثاني يوم لينه تصلح حق السحور انشاء الله في ارمضان الله يبلغنا اياه واياكم

العجينه:
4 كاسات دقيق ابيض انا ابصراحه ما احب سالفة الكاسات حطيت 4 اكواب عشان ما اتخربط لان الكاسات وايد احجام

6 م ك حليب نيدو
نص كوب زيت
ملعقة ونصف ك بيكننج باودر
2 م ك خميره
2م ك سكر
نص ملعقه ص ملح
ثلاثة ارباع كوب ماء دافىء للعجن

الطريقه:
- تنخل المكونات الجافه مع بعض في اله خاصه للنخل محد قالي انا اكتشفت اتصدقون هيهيهيهي
-تخلط المقادير الجافه مع الزيت جيدا ثم يضاف الماء وتعجن هوبا هوبا شدو حيلكم
هييييي لما اتصير عجينه ناعمه
-تترك لتخمر تحطينها في صحن السلطه البلاستك اتغطينها ابفوطة رطبة والله ماادري شالحكمه بس جذي قريت في الكتب
-تاخذ ربع الى نص ساعه بعدين تحشينها جبن كيري ولا اسهل واتسوينها كور اذا انتي شاطره تطلع متساوية انتي وقوة نظرج اذا نظرج اضعيف البسي نظاراتج او خلي احد يصورج ابهالوضع
-ادهني صينية الفرن باشوية زيت ورشيها بالطحين وصفي الكور السحرية اللي هلكتي وانتي تحشينها متباعده عشان ما تلصق لما تنفش بعدين ادهنيها بصفار البيض ورشي عليها سمسم ودخليها الفرن بدرجة حرارة 180 بعد 10 دقايق طلعيهم بثقه جدام الحبيب وشنج عارفه النتيجه مسبقا مو حاطة ايدج على قلبج مو وقته الشماته ترى

او عليج بالعافية او ذلي زوجج فيها كل 10 دقايق سأليه اعجبته والا لا لما يكره عيشته :10_1_103v

ترى اتغشمر مو اتسوينها باجر يدعي علي زوجج
20-07-1426 هـ, 12:49 مساءً
 


الساعة الآن 02:40 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏