Analysis Services
زريدا الله يجبر ابخاطرج محد عبرني غيرك اتهقين محد غشيم طبخ الا انا والا الغشم نايمين هالحزة مايندرى
انكمل يا الحلوين صحصحو ياالله على قولة دكتور لنا بالجامعه الله يذكرة بالخير ولادي ما تاكلو فول عالصبح كلو عسل مابدنا نوم
20-07-1426 هـ, 01:00 مساءً
 
والله ونيسة يا rawnd

ماشاء الله طبخ ووناسة

مشكورة يالغالية

ولا تحرمينا من ابداعاتك
20-07-1426 هـ, 01:01 مساءً
 
هذا الطبق علمتني اياه وحدة من العايله الله يحفظها وايخليها لعيالها قولو امين

المكونات:

همبرجر خزان الحجم السميك
حلقات من البصل الابيض
حلقات طماطم
حلقات بطاط

طبعا تحطين البصل بعدين البرجر وفوقه الباقي بس وين اما في كيس الفرن( ينباع بالجمعية ) او في صينية الفرن واتغطينها بالقصدير انا جربت الاولى لان جذي علموني

تحطين عليها ملعقة كبيره صلصة الصويا الجاهزة مع اشوية ماي واتسكرين الكيس وتفتحين فيه فتحات بالشوكه عشان ما ينفجر واتحطينه بالفرن بحرارة 180 ياخذله ساعه وبعدين اتقدمينا مع الخبز ولا اروع

ياالله عاد ادعولي بنات
20-07-1426 هـ, 01:08 مساءً
 
هذه الوصفه من احد الكتب شوفو حتى الكتب عطيتها حقها سنعه اسم الله على
المقادير:
500 غ من البسكوت ادري ماراح اتعرفون اشكثر المهم تترسين ارضية الصحن اللي باتسوين فيه الحلو
2 م ك نسكافية مذوبة في نص كوب ماء ساخن
علبتان من قشطة نستله
كوبان من الكريمه انا حطيت دريم ويب
ملعقتان ك من مسحوق الككاو
كوب سكر ناعم

الطريقه تصفين البسكوت في ارضية الطبق كسريه عشان ما ايبين اي نوع عشان يضطرون يسالونج واتفلسفين عليهم اشوي اقصد الحمولة طبعا
اتشربين البسكوت بالنسكافيه لما يصير لين ، اتحطين عليه طبقة من الكريمه ، تخلط القشطه والككاو والسكر وتوضع فوق الكريما ثم يوضع بالثلاجه ربع ساعه قبل التقديم

ملاحظات:
- عشان الشكل يطلع احلى دخلي الطبق للثلاجة قبل لا اتحطين اخر طبقه عشان تجمد الكريمه شوي وبعدين رجعيه للثلاجه بعد ما اتخلصين
- تقدرين اتضاعفين الكمية واتحطين اكثر من طبقه

ومره ثانية عليكم بالعافية وللحديث بقية انشاء الله
بنات اللي عندها وصفه سهله لا تبخل علينا ترى تاخذ فينا اجر ولها منا الدعاء
20-07-1426 هـ, 02:02 مساءً
 
يعطيك العافييييييييييية
rawnd
على الأطباق الحلوووووة هذي
لا والله مانت غشيمة
شكلك سنعة ونص كمان
لا صدق ما شاء الله يعجبني
حماسك وإصرارك على التعلم ..

الله يوفقك إن شاء الله
ويحقق لك ما تتمنين ..
20-07-1426 هـ, 02:07 مساءً
 


الساعة الآن 10:28 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏