يسلمووو ع الموضوع
22-07-1426 هـ, 01:32 مساءً
 
هذا الطبق عطتني وصفته صديقة اسمها ام فيصل الله ايباركلها في نفسها واعيالها ***** الله

بسكوت بالككاو والكريمه

المقادير :

علبة كريمه كيديدي ( تقدرين اتحطين بداله الدريم وب اذا ماتوفر )
بسكوت بازل اصفر ( ماعرفته حطيت بداله بتي بور المطاحن)
3 علب قيمر نستله
6 حبات ككاو آروو ( ادري باتقولون اشتعوه بس الطعم ايييييينننننن يعني يسوه )
قالب زبده
7 ملاعق سكر

الطريقه:

- نذوب الككاو مع الزبده في حمام مائي ( وييييييييييييييييي التعليق المعتاد )
حمام مائي يعنى تحطين الجدر وفيه ماي على النار واتحطين داخله جدر اصغر وفيه اللككاو مع الزبدة عشان يذوب بفعل الماي الحار مو النار مباشره

- نخلط الككاو الذايب مع القيمر والسكر بالخلاط
-نصف البسكوت ابقاع الصحن وانشربه ابحليب ما حطيته بالمقادير عشان اتحطين اشوية يدوبك اتذوبين البسكوت لا اتزيدين عشان ما اتصير في طبقة حليب تحت زييييييييييييين ديري بالج
-اتصبين خليط الككاو فوق البسكوت وادخلينه الفريزر عشان يجمد اسرع

-تخلطين الكريما بالخلاط او باليد اشوية واتصبينها فوق الطبقتين القبليين وادخلينه الثلاجه او قبل التقديم اطلعينها واتزينينه ( انا كسرت ككاو فليك وزينت فيه )

او عليكم بالعافيه
لحظه لا تنسووون تدعوللي وتدعون لام فيصل ترى ماكو شي ابلاش ابهالزمن
22-07-1426 هـ, 01:49 مساءً
 
هذا الطبق خذيت وصفته من احد الكتب سهل وحلو ويصلح حق ارمضان وحبو البيت عندي حيل

اسمه ( بسيمه )
يمكن اللي اخترعته اسمها بسيمه والله مايندرى كل شي ايصير

المقادير :
1كوب طحين
1كوب سميد
1 كوب جوز هند
1كوب سكر
1 ونصف كوب حليب
1 كوب زيت
1م ك بيكننج باودر
نص م ص هيل مطحون

ترى هذي لعبة الاختصارات انا نسيت اعلمكم اياها م ك يعني ملعقة كبيره
و م ص يعني ملعقه صغيره كشخه قمت اعرف والبركة في المنتدى الله ايديمه وايديم رواده ***** الله

الطريقه :
:- تخلط المقادير الجافه ثم يضاف الزيت والحليب ويخلط جيدا حتى تحصلين على خليط طري ومتجانس ( يعني اتحسين انهم حبو بعض )32
- يصب الخليط في قالب مدهون ويرش علية الفستق ويخبز في فرن متوسط الحراره ( يعني 180 )

- واطلعينه مو تاكلينه على طول ايشوقج ديري بالك لا تنصلخين الركاده زينه

ملا حظات :
بالنسبة حق كلمة مدهون ومرشوش لا ايروح بالج على دهن العود والا ماي الورد تري مدهون يعني داهنينا ابزيت ومرشوش اما باطحين او فستق على حسب المكتوب حبيت اوضح لان الغشم مرات ماله حد انا امجربه
22-07-1426 هـ, 02:19 مساءً
 
بسم الله

الحمد الله على سلامتك .اختي .ويعطيك العافيه على هالاطباق الحلوة

حبيببتي ابعطيك لقيمات تجننننننننننن وكل من عطيته ايها يدعيلي .وخاصه المبتدئات

كوب دقيق .

م ك خميرة فوريه

م ك حليب بودرة

م ك نشأ

م ك زيت

م ك سكر

ثلاث ارباع الكوب ماء

تخلطين المقادير كلها وبعدين تضيفين الدقيق وتخلطين زين .وتتركينه مده ساعه او نصف ساعه وتشكل كما هو معروف .وترش بالشيرة او الدبس المخفف بالماء
22-07-1426 هـ, 10:36 مساءً
 
الشعله مشكورة الغالية بس باسألج هاذي الوصفه مافيها روب ولا بطاط ايقولون اللقيمات ما تضبط الا فيهم عادي بلاهم؟
السؤال الثاني تعااااالي لا تنحاشين تحمليني الله ايخليج محد رد على بتفاعل غيرج الله ايكثر من امثالج يغثوني الساكتين اتهقين لو شارية اللآله اللي يقلون فيها كان أأمن يعني الزيت ما ايطشر فيها
22-07-1426 هـ, 11:04 مساءً
 


الساعة الآن 09:57 .