وحبيت اعطيج طريقة الكريم كراميل السهله

لذيذه وسهله وصاكه

وهذا رابطها

http://www.hawaaworld.net/showthread.php?t=371424

مشكورين او ما قصرتو بردتو جبدي الله يبرد عليكم دنيا وآخرهlaugh2

راح اجرب كل شي اللقيمات والكريم كرميل وعجينة العشر دقايق بس المره الياية بلبس نظارات الغوص وانا اصب اللقيمات والله يستر

الله ايعافيها اللي اتعلمني طرق حق صواني بسيطة بالفرن لحوم بس تتبيلات مضبوطه مثل الربيان والريش ( شني غزرت يحليلي) :-

اما بنات بقولكم قصة وحدة غشيمه مو اتحسبون انا الله وكيلكم هاذي اردى مني قررت اتسوي كيكه بطلت كتاب الطبخ قامت اتحط المقادير شي ورا شي لين اوصلت الى المقدار PP فكرت شنو يعني هالمقدار confused

وفجأة قالت ايييييييييييييييييييييييييييييييييي عراااااااااااااااااااااااااااااااااااااافت
شنو اتوقعون حطت
حطت بيبسي هااااااااااااااااااااااااااااااهااااااااااااااااااااااااهااااااااااااااااااااااا
والله من صجي مسكينة صارت مطنزة بيتهم قلت لها تحمدين ربج مو عند ريل اهلج ماردهم ***** الله باتفارجينهم لبيت ريلج وينسون والا الريل جان ايمسكج البااااب
rawnd



للمحاماه والاستشارات القانونية والعقود بدولة الكويت



من مواضيعي


سويت نوع حلووووووو وايد حلوووووووووووووووو

هذي الوصفه انا خذيتها من كتاب المطاحن ( الله يهديج قاعدين ابمستشفى)

وي الطرييييييييييييييييييييقاااااااااااااااااااااااااا سامحوني تونييييي يديييييييييييييييداااااااااا

انزين شني مصختها

المقادير :
بسكوت للشاي مطحون افضل بيتي بور المطاحن لانه حالي وخفيف حطي 40 قطعه وبعدين زيدي ( اللي تستخسرهم او ماايكون عندها اتحط بداله شوفان كويكر كوب )

ثلث كوب حليب مركز ومحلى
علبة قيمر نستله 170 غ
2 ملعقة ككاو بودر ( كادبوري اينن )
شرائح ككاو ( اللي اتصير شنها سكر امغلف صغيره يزين فيها الدونات والكيك )

الطريقه :
يطحن البسكوت بالخلاط واذا مالج خلق عصبي راسج او جابلي التلفزيون وحطي الهاون وقعدي هبدي بالبسكوت لما ايتفتفت

يضاف له الحليب والقيمر والككاو البودره ويعجن باليد جيدا
حتى تتكون عندج عجينه متجانسة اتشكلينها على شكل كوربحجم الجوز ثم تغطى بشرائج الككاو وتصف في قوالب الكيك الورقيه عشان اتسوين لها جو اشويا

وتترك بالثلاجه لحين التقديم وايد حلو اذا سويتوه ادعولي
:: ترا ايوايه جدام الناس ما ايفشل يعني تقدرين تعتمدينه وبعد لين ايحبونه اليهال 04
وللحديث بقية ***** الله
rawnd



للمحاماه والاستشارات القانونية والعقود بدولة الكويت



من مواضيعي


ها ضيقت خلق يا الطيبات وينكم صخه ما اكو احد
يا الله عاد تلحلحوا اشوي تفاعلوا سووا جو ترى الدنيا ما تسوا
اييييييييييييييييييييييييييييييييييي اكييييييييييييييييييييييييييد قاعدين تطبخون الغدا

يعني ما تنقصتولي بصحين من غداكم ( طراره)

ابي اقوللكم عن سلطه جربتها خذيتها من المنتدى وصفتها اذا ماني غلطانه لام عزيزان بس شنوووووووووووووووو سلطه اتخسي سلطة المطاعم اتيننننننن

السلطه اهي سلطة الجرجير
بكتب لكم المقادير ( ترى تفلسفت وضفت اشياء ما اعبر ايدي تحكني اذا ما طولتها واهي قصيره)

شدتين جرجير اختاري اللي اتكون شاتره مو ذبلانه واتكون اوراقها كبيره يعني اتعرفين الفرش سنعه

مشروم اتقصصينه شرايح رفيعه

جبنة بارمجانا شرايح رفيعه تلقينها بسيتي سنتر ترى غاليه لا تتفاجئين واتحلطمين على

اهي حاطه طماط امجفف بس دورته او مالقيته فاستغنيت عنه

صنوبر امحمص

الصوص ( وايد مميز وعجبني حيل الله ايوفقها يارب اللي اخترعته )

2 م ك دبس الرمان ( ويييييييييييييييييييي هذا شنو بعد -التعليق المعتاد )
تلقينه يم ربعه ماي اللقاح وجماعته بالجمعية

اشوية ليمون ( حطيت 2 م ك )
اشوية زيت زيتون 2 م ك

اذا الطعم حامض حيل ضيفي اشوية سكر ( اينن حامض ما حسيته يحتاج )

والحين يا شطوره خلطي الكل والجميع من المكونات لا احد يزعل على فكرة الكمية تكفي 2 ذربين اذا انتي وزوجج حاريين بطن ضاعفي الكميةلا ايقول تطبخ واتمن ادري ما ايعبرون يسكتون خلطي الصوص او حطي عليهم

او عليكم بالعافيه
ادعولي وادعو لصاحبة الوصفة ترانا متفقين ان ما كو شي بلاش
rawnd



للمحاماه والاستشارات القانونية والعقود بدولة الكويت



من مواضيعي


بنات نسيت اقوللكم سويت معكرونه اتينن لا صج حلوه مو اتحسبون امدح على الطل
اي هاذي يا حلوين ماخذه وصفتها من كتاب

اسمها
بيني مع صلصة الطماطم

المقادير:
نص كليو غرام معكرونة بيني ( اللي جنها انابيب بس نصيحه لا اتيبون المطاحن اختاري شي ثاني ) يعني شيس كامل فوحوها وزهبوها

شرائح رفيعة جبنة بارمجانا اللي قلت لكم عنها فوق ( حطيت بدالة موزاريلا احلى وارخص )


مقادير صلصة الطماطم:

ثلاثة ارباع كليوغرام طماطم مفرومة تقريبا خمس حبات
بصلتان مفرومتان
حص ثوم مدقوق
نص كوب من الخل الاحمر
ملعقة كبيره من البقدونس المفروم ( تقدرين اطنشينا بس في احلى )
ملعقتان كبيرتان من زيت الزيتون
ملح نص م ص
بهار مشكل ( مال الهنود اللي ابقوطي اخضر ) نص م ص
زعتر بري اورجانو


الطريقه :

تحمسين البصل بالزيت لما يذبل بعدين اتحطين الثوم ثم الطماط ثم الخل والبقونس والصعتر اليابس لمدة 15 دقيقه لما اتصير الصوص ثقيله اخر شي اتضيفين الملح والبهار وتخلطين عدل بعدين اتصبينها على المعكرونه واتزينين بالجبنه حطي فوقها الموزريلا وشوفي اشبتصير واااااااااااااااااااااااااااااااااااااااااااااااااااااااااااااااااو

ملاحظات:
اللي عندها يهال ادعل وما ايحبون البصل تحط الصلصه بالخلاط ولا من شاف ولا من درا تضربها ولا احد يدري شنو المكونات

حق حمولتج نفس الشي اذا راضيه عليهم علميهم المكونات مو راضيه غاثينج ذيك الليله او قاطين كم نقزه 024اغفلي بعض المكونات بدون جذب

بس حطي بالج الخدامه ما اتفتن ::

ملا حظة ثانية ترى حسيت الصوص ايينن حق البيتزا مع تخفيف الخل اشوي بجربها مع عجينة العشر دقايق واقولكم اشصار ادعووووووووووووولي

ودعتكم الله بيبااااااااااااااااااااااااااااااااااااااااااااااااااااااااااااااااااااي
rawnd



للمحاماه والاستشارات القانونية والعقود بدولة الكويت



من مواضيعي




الساعة الآن 04:01 .