الطبق الثاني اللي سويته وطلع وايد حلو اهو طبق الربيان بزبدة الثوم خذيت وصفته الصراحه من مجله طبخ

المقادير :

كيلو ربيان ( حطيت كيس امثلج ) دانة الكويت
بقدونس مفروم
اصبع زبده
6 فصوص ثوم مدقوقه
بشر ثلاث ليمونات مع عصيرهم
نص م بشر البرتقال
ملح
هيل
زنجبيل
( اقول مو اتروحين الجمعية اتدورين بشر البرتقال والليمون ) ترى انتي تبشرينهم ابروحج عن الرباده والكسل

المهم تخلطين الخلطه السابقه واتنقعين الربيان فيها بعد ما اتنظفينه ، فيه ابظهره مثل الخيط لا زم اتشيلينه مو اتخلينه ترى اتهزئين وتطلعين ماتفهمين بعدين نقعيه بالخلطه لمده نصف ساعه بعدها حطيه مع خلطته ابصينية الفرن ودخليه بحراره عالية 200 لمدة 10 دقايق او لما ينظى

عاشوا عاشوا شا لو شالو ترى خلصنا تقدرين اتحطين يمه صوص الجبن تطلعين كشخه او عليكم بالعافيه

حسبي الله ونعم الوكيل ترى محد فيكم لي حد الحين دعالي دعوه سنعه اشدعوه هالبخل الله يعين لو طالبتكم فلوس
30-07-1426 هـ, 02:52 مساءً
 
اخت rawnd الله يسهل لج ويهديج ويوفقج وينولج الا ابالج ماشاء الله عليج خوش مرة سنعه هذا وانتي بالبدايه ماشاء الله وان شاء الله اجرب بعض طبخاتج الحلوه اذا صار لي مزاج ادخل المطبخ لان هالايام ابو لعيال مسافر وانا ولعيال امشينها نواشف ادعي الله يرده لي بالسلامه واحييج على هالروح الحلوة وخفة الدم ياحليلج تشبهيني
01-08-1426 هـ, 05:58 مساءً
 
الله يرده لج بالسلامه يا نغم في حياتي وايخليه لج مثل ما تحبين يارب مشكوره على التشجيع
01-08-1426 هـ, 08:07 مساءً
 
هاي بناتين اتصدقون ولهت عليكم:10_8_11:

لا عاد مو لهالدرجه سمنت صج بديت اتحسن بالطبخ بس لي الحين اهدومي مازالت ادش فيني
يايبت لكم كم وصفه انما ايييييييييييييييييييييييه جناااااااااااااااااااااااااااااان
اول مره يضبط معاي شي من الاطباق الرئيسيه بحيث احس ان اييييييييييييي هذا الطباخ السنع فهمتو علي اوكييييييييييي عفية على الشطار
معاي على الخط
سويت افخاذ دجاج بالفرن من كثر ماهي لذيذه خلص زوجي الصحن عني يامال العافية

مااتصورون اشكثر فرحت من نوع قام يتشيحط على ربعه بالدوانية او ياخذ من اطباقي يييييييييييييييييي ونااااااااااااااااااااساااااااااااااااااااااااااااااااااه

والحين خلني اقوللكم اشسويت
02-08-1426 هـ, 10:39 صباحاً
 
تحتاجين الى:
افخاذ دجاج مثلج( ماايعطل مستريح)
حلقات بطاطس
حلقات طماط
حلقات جزر
حلقات بصل

للصوص:
نصف كاس ستيك صوص
نصف كاس عصير ليمون+بشر الليمون اللي عصرتيه
نصف كاس ماي
ملعقتين اكل زيت
بشر زنجبيل
ثوم مدقوق
ملعقه معجون طماط
اورجانو ( زعتر يابس)
نص ملعقه صغيره بهار امشكل ( قوطي اخضر مال الهنود)
نص ملعقه بودره البصل والفلفل الاسود
حبات هيل
ملعقه اكل خل
تخلطينهم كلهم

الطريقه:

اتنزلين الدجاج الى الثلاجه على ما اتخلصين الخلطه واتقصين الخضار بعدين اتطلعينه وتغسلينه بماء دافىء وتفركينه ابليمونه وتحدثين في كل فخذ خطوط طولية بالسكين ( لا لا انتي مو مشموله بالتنزيلات مو اتشخطين روحج بالسكين ترى اتروحين فيها )

بعدين تحطينه في صحن فايركس له خطى واتصبين عليه نص الصوص واتغطينه لمدة ساعه بالثلاجه ثم تصفيه في صينية الفرن تحته وفوقه خضار واتصبين باقي الصوص واتغطينه بقصدير واتسوين بالقصدير فتحات بالشوكه قليله وادخلينه الفرن لمدة ساعه ونصف وبعدين اتقدمينه بالعافيه

لحظة لحظة اذا اسألوج وين الرز قوليلهم هاذي اكله تاكلونها بالخبز واتشمرون لها المذاريع ياالله عن الهلاااااااااااااااااااااااقه

اي شذي شيخي عليهم
02-08-1426 هـ, 10:54 صباحاً
 


الساعة الآن 10:13 .