Analysis Services
اقتباس مشاركة  (**رومانسية**)
حبيبتي سوي حلا ويكون مميز
عندك لك بعض الحلويات اختاري واحد منها وكلها روعه وتنفع لرمضان

طبعا أي منهم حطيه بالعلب البلاستيك روحي محلات اللي تبيع كل شي أتوقع عندكم اسمه مهجة أو شي زي كذا
واشتري علب بلاستيك راقية للحلا

أول شي تشيز كيك
وسويه بطريقته العادية وممكن تحطين الطبقة الأولى بسكويت مفروك بزبدة والطبقة الثانية كيك أبيض مفتت وبعدها الجبن أي خلطة معتمدة عندك واخر شي باي فيليغ

الحلا الثاني
هذا ينفع بعل الحلا الدوائر تلقينه في محلات البلاستيك
أول شي خذي الكراميل الاسود اللي مع الكريم كراميل وصبي بكل علبة نقطة بعدين سوي كريم كراميل عادي وصبي بكل علبة شوي ودخلبهم الثلاجة
لما يجمد طلعيه وجيبي علبة قشطه اخبطيها شوي بالشوكة وصبي على كل علبة ملعقة وحطي فوق القشطة بسكوت مدور ديمة ينباع في السوبرماركت وبرضو دخليها الثلاجة
أخر شي سوي كريم كراميل مرة ثانية وصبي فوقه ودخليه الثلاجة وسكري الغطا وتمتعي باحلى حلا رمضاني
المقادير ذي تكفي عشرين علبة

الحلا الثالث
الطبقة الأولى بسكوت مشرب بحليب وممكن تكسريه في العلب
الطبقة الثانية علبى قشطة + 6 كيري + دريم ويب + شوي حليب
وحطيه على البسكويت وحاولي تقفلين اي فراغ ودخليه الثلاجة
بعدها فككي رمان على الخلطة او قطع فراولة وسوي جيلي فراولة وصبي عليهم ودخليه الثلاجة
وممكن كيوي وجيلي أخضر او نوعين جيلي تسوين بعض العلب اخضر بعضها احمر

هذي انواع حلا اللي اعرفها سوي واحد منها وسوي صينية اي شي او سلطة المقليات حلوة برمضان

دعواتك عورتني يدي وانا اكتب
الف شكررررررررررر
ماقصرتي والله ..جزاكي الله خير
ان شاءالله بجرب كل الوصفات طول رمضان
24-08-1433 هـ, 10:37 مساءً
 
اقتباس مشاركة  (الوحيدهـ*)
خذي صنف واحد يكون كميه كبيره وبسسس
اصلا هما مو محتاجين زياده اصناف وحوسه
وكل زياره نفس الحركه
شخصيا انا وزوجي نفطر ببيتنا اول يوم كعائله ونزورهم العشاء واليوم الثاني نفطر كلنا عند اهل زوجي وكنت اخذ لي ثلاث ارباع اصناف وبالاخير الاكل متكدس والسفره زحمه
صرت ااسوي صنف واحد واكثر الكميه وخلاص
مثلا خذي بف
لو سمبوستك العاديه مميزه خذي سمبوسه انا سمبوستي مميزه فلما اخذ منها ما يبقى شيئ منها وكمان لان لفتها صغيره فيموتون عليها
ووحده من سلايفي تجيب سلطه اصلا لو تدخل بدونها ياويلها خخخخخخخخخ نموت على سلطتها ربي يوفقها
ووحده منا متميزه بالمعجنات ووحده بالحلويات
فكل وحده تجيب الصنف معاها
او الصنف اللي زوجها يحبه
وخلاص وترى اهم شيئ جيبي اغراضك شبه موزعه
يعني قسميها بالصحون البلاستيك وقصدريها او بالصحون القصدير
عشان بس تنحط على السفره وما تكلفي عليهم بغسل المواعين
وكمان يكون التقطيع او التوزيع بالشكل اللي يرضيك
وممكن تجيبي الكاسات البلاستيك اللي لها غطاء
وتسوي فيها مهلبيه بيضاء وعليها طبقة جيلي تبرديها تصفيها بكرتونه وتاخذيها معاك بشكل جميل
ممكن تلفي ورق عنب وتوزعيه بصحون صغيره وتاخذيه معاك
المهم شيئ مرتب وموزعع وبس
مشكووووره حبيبتي وفكرة الاشياء الموزعه في صحون بلاستيك عجبتنييييييييييييييييييي
24-08-1433 هـ, 10:45 مساءً
 
اقتباس مشاركة  (نتالو)
سوي ششبرك مرررررررة لذيذ وسهل خاصة اذا سويتي الشيش وحطيتي العجينة بعد ما تحشينها في الفريزر
او سوي شيش طاااووق لحم او سمك مرررررة لذيذ وما اتوقع يسووونة كل اللي عليك جيبي فليه سمك او دجاج صدور وبعدما تتركينها في الخل والليمون نص ساعة اغسليها وتبليها
انا اتبلها بليمون وثوم وزيت زيتون وشوي صويا صوص واتركهم ليلة بااثلاجة وقبل الشوي ننصف ساعة انقعي عيدان الشوي في موية
بعدين شكشكيها في عيدان اشوي بالتناوب بينها وبين البصل والفلفل الاخضر والطماطم ودخليها الفرن نشوي من تحت وقلبي لحد ماتستوي وذا تبين نكهة الشوي حطي فحم وشوي زيت وبس اتمنى اكون فدتك
مشكووووره حبيبتي..تم حفظ الوصفه
24-08-1433 هـ, 10:47 مساءً
 
الله يسعدكم يارب كلكم ..وكل اللي ترد عليا
24-08-1433 هـ, 10:48 مساءً
 


الساعة الآن 09:40 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏