اخواتي المبدعات بنات حواء
الي عندها حلو اقدر استفيد من بسكوت الشاي من الي تنحط بالبايركس
بس ما فيه شغلات وايد
ابغي اشياء جديده حق عيالي ولكم الاجر
20-07-1426 هـ, 12:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلاااااام عليكم ورحمة الله وبركاته......
في عندي طريقة وايد حلوة وطعمها مثل الأيسكريم كنت أبي أنزلها في قسم الحلويات بس اللي مأخرني التصوير بكتب لج الطريقة وإذا سويتيها صوريها ونزليها عني <<<<< وحده كسلانة
المقادير:
الطبقة البيضاء:
3 م ط نيدو
2/1 3 قشطة المراعي الطازجة أو 2 قشطة نستله بس أنا أفضل الطازجة لأنها أحلى
1 فنجان سكر
*&* تخلطينهم مع بعض بالملعقة ما في داعي البلندر لأنه يخليه وايد سايل
طبقة الكاكاو:
نفس المقادير السابقة + 1-2 ملعقة طعام بودرة الكاكاو أو حسب اللون كيف تحبينه
*&* في صينية غمسي البسكوت في حليب ويا ريت يكون طازج وصفيهم جنب بعض وبعدين صبي طبقة الكاكاو وبعدين بسكوت وبعدين الطبقة البيضاء وزيني الوجه ببودرة الكاكاو أو خطوط من كاكاو سايل مثل النوتيلا ........... برديه بالثلاجة وعليكم بالعافية
هذا الصنف دايم عليه طلب من عيالي وأبوهم الله يجزاها خير اللي علمتني
20-07-1426 هـ, 03:57 مساءً
 
الله يجزيك الخير اختي
20-07-1426 هـ, 04:08 مساءً
 
شوفي ياستي
الحلى هذا
مرتين سويته
لكن للأسف نسيت أصوره
بس كل ما سويته أنهبلوا عليه
مع أنه في رايي عادي طعمه وشكله

لكن أنت جربيه وقولي رايك ..



آيـس كـريم بـ البسكويت . سهـل ولذيـ،ـذ ..؟
________________________________________


طريقه سهله و لذيذه ..

ان شاء الله بتعجبكم


المقادير:

1- كيس بسكويت سادة ( بدون كريم) -
2- علبة قشطة -
3- علبة حليب مركز-
4- علبة كريم دريم ويب ( بودرة) -
5- علبة كريم كراميل ( البودرة فقط) -
6- عدد2 ملعقة كبيرة سكر عادي
7- عدد 2 ملعقة كبيرة نسكافيه + كوب ماء + ملعقه كبيرة سكر مخلوطين مع بعض .


الطريقة:

- تخلط المقادير من 2 إلى 6 مع بعض وتضرب بمضرب البيض إلى أن يغلظ القوام حوالــــي 3-4 دقائق وتتكون كريمة كثيفة ، ثم توضع بالثلاجة .
-تجهز صينية مستطيلة وتغمس قطعة بسكويتة في المقدار 7 وترص طبقة كاملة من البسكويت ثم نضع طبقة كريمة ثم طبقة بسكويت والأخيرة تكون طبقة كريمة ويسوى السطح وتوضع بالفريزر مدة خمس ساعات على الأقل ثم تقطع وتقدم في الأيام الحارة


وبالهناء والشفاء .. ،،،
20-07-1426 هـ, 08:40 مساءً
 
الف شكر لكم خواتي
انا سويت الاول حلو وحة الامل وصورته الي لحقت قبل لا يخلصونه

21-07-1426 هـ, 05:31 مساءً
 


الساعة الآن 02:45 .