اقتباس مشاركة  (قدها لا بغيت)
البنات ماقصور عليك بطريقة الترتيب

انا بقلك على اهم المقاضي بما انا مقبلين على رمضان بلغنا الله واياكم رمضان واعاننا على الصيام والقيام
البهارات بانواعها ومناديل ورقيه واكياس لحفظ الاطعمه مقاس ثمانيه لحم ودجاج وشوربة اش تحبي الحب او الشوفان برغبتك معجون الطماطم هذي اهم مقادير عمل الشوربه نجي للمعجنات اخذي الدقيق الكويتي الخميرة الفوريه البكنج بودر الملح السكر الزيت البيض الجبن بانواعه كيري مثلثات ميوزرلا زيتون شرائح نجي لاهم مقادير الحلا حليب محلى بسكوت الشاي دريم ويب وقشطه وزبده وسمن فارم نسكافه شوكلاته بودره هيرشي شوكولاته كريم كارميل جيلي نشا كاسترد حليب بودره فانيليا حافظات بلاستيك

هذي اهم المقاضي نجي لطريقة العمل

في رمضان جهزي شوربتك في الليل وسوي كمية كبيره تكفي اربعه ايام وطبعا طلعي اللحم منها وعبيها في حافظات او اكياس المقدار اللي يكفيك في اليوم واحفظيها بالفريزر لو تجلس شهر ماتتغير طعمها انا كذا طريقتي مع الشوربه اجهز حقت اسبوع وماعليك الا انك تنزليها اذان العصر على جنب وقبل المغرب بساعه سخنيها واخلطي طماطم وكسبره وثوم وخليها تطبخ معها تعطيعا طعم لذيذ

والحلا جهزيه من الليل وحطيها باحفظه او غلفيه بصينيته ماعليك الا تقدميه

والمعجنات انا اعجنها كل يوم لاني اسوي كميه قليله ونفس عجينة خلية النحل نفسها البيتزاء اذا عددكم قليل نفس العجينه سوي منها عشر حبات خلية النحل وسبع حبات بيتزا مثلا لفي خلية النحل وحطيها على جنب ورتبي المكان وسوي البيتزاء وصلصة البتزاء تقدري تجهزيها من فتره وتوزعيها باكياس وتنزلي متى مابغيتي

السمبوسه اذا تقدرين اعجنيها بالليل ولسويها وجهزيها وفرزليها واذا تحبي تسويها بوقتها سهله انا ماقد سويتها بالعجين دايم بالرقايق الف كميه كبيره تكفي لانص رمضان وانزلها قبل ماقليها بساعات علشان ينفك الثلج

والعصيرات جهزيها بعد ماتتسحري وتنظفي مطبخك سويها وحطيها بالثلاجه

وبالنسبه للمعجنات لاتويها كلها في يوم واحد مثلا يوم فطورك شوربه وخلية نحل وسمبوسه وصينيه توست او مكرونه او بليله او اي شي تحبي يكون من التنويع وحلا ولاتنسين التمر والسويق مههههم خخخخخخخخخخخخخخخ والماء والعصير وصحن فاكهه مع ان الفاكهه افضل شي بالسفره بس ماحطها ماحد ياكلها ان شاء الله فهمتي علي في التنويع

واهم شي وانتي بالمطبخ اكثري من الحوقله < لاحول ولاقوة الابالله > والله ربي يبارك في جهدك ووقتك

واعرفي انتي اش بتسوين للفطور اول شي وادخلي وجهزي صنف صنف واول ماتخلصي من شي مو ترمي كل شي بالمجلى غلط الملعقه اغسليها والصحن اشطفيه بسرعه لاتراكمي النحاس لو تراكم انسدت نفسك عن الطبخ

نقطه مهمه او ماتدخل المطبخ نزلي الشوربه والسمبوسه علشان يفك ثلجها وجهزي المالح والطبق الرئيسي وحضري نحاس الفطور كامل بصحن كبير عندك في المطبخ واول ماتفرشي السفره جيبي صحنك الكبير فيه كل حاجاتك تحطيه وتعبي بس واهم شي قبل الفطور بنص ساعه على الاقل تكوني جالسه لذكر وقرئة القران والدعاء


وبالنسبة لاولدك ماذكرتي اعمارهم

اذا صغار سوي لهم فته او عصيده او معصوب او رز او مكرونه ولاتنسينهم برمضان يمتون من الجوع اصحي قبل وقتك بساعه اكليهم وشطفي لهم وغيري بجايمهم علشان مايزعجونك بالمطبخ شغلي لهم التلفزيون علشان تشتغلي بالمطبخ برواقه


ادري اني كثرت هرج وقرررررررقره


بس اذا اعجبك تنظيمي لاتنسيني من دعوة من قلب ربي يحفظ لي امي وزوجي واطفالي وربي يرزقني الجنه واياهم واياكم

تعبت وانا اكتب









ماشاء الله تبارك الله عليك كلامك يريح
استغفر الله العظيم


الساعة الآن 04:45 .