الله يبرد ع قلبكك وتصرفك عين العقل وكلنا مرينا بتجربتك صح ما نسينا بس ع قولتك علشان لايقول انتي مقصره معي وسلامتكك

شوفي حبيبتي
انا في الاول شفت رسايل جوال لواحده يقول لها ياصباح الورد
يصيرون رومانسيين ويسالها عن اختبارها ايش سوت
وكانت تكلم من جوال موب لها من جوال احد من اهلها
وهو ارسل لهاعلى ذا الجوال يقول خذي لك جوال وانا اصير اشحنه لك
يوم شفت الرسايل ذي وتجيني رجفه في نفسي
رحت اساله على طول والمضحك المبكي في ذي اللحضه كان يكلمها بالماسينجر يوم دخلت اساله انكر طبعا قال هذه الرسايل واحد اليوم طلب مني الجوال وما ادري وش ارسل
الحيت عليه الين اعترف
واعتذر وقال انها نزوه وما عاد يعيدها
بعد فترة رجع يطول على الماسينجر اوقات طويله واستمر كم سنه على ا الحال
والشك كان ياكلني اكل
الين ذا اليوم احصل رساله يهنيها برمضان
انجنيت رحت كلمتها على طول اعتذرت وقامت تبين لي ان العلاقه مجرد مكالمات جوا ل لا اكثر
كلمته وعصب علي وفقد اعصابه
كان يوم مشؤم اتصلت على الوالد وجاء على طول قلت ابي اتطلق وانا ابكي واشاهق
رحت معه قعدت كم يوم الا هو جاي ويعتذر ويحاول يراضيني بالكلام طبعا
لنا الحين سبع سنوات على ذي القصه لكن ما نسيتها
ليش لانه كان يعلمها بكل صغيرة وكبيرة في حياتنا
كانت تعرف ادق التفاصيل عننا

وانا اللي زوجته ما يتكلم معي كلمه الا بصعوبه ولا اعرف عنه شيء
الحين الحمد الله في حاله من العمل للبيت
جواله بدون رقم سري
لكن ارجع واقول مالهم امان ولو تجيهم فرصه اي رجال ما يترددون
وتقريبا كلهم خونه
والله العظيم احيانا اغلط بالرقم ويرد واحد وارجع اسكر همن يبتل يزعجني بالاتصال
سبحان الله على عقولهم

نسال الله الهداية لكل الازواج
حسبنا الله ونعم الوكيل
توكلي ع الله واحسني الظن بالله في دعائك ولا تقصرين مع الله بالدعا وبيفرج الله همك في السجووووود

تصرفك صح ميه بالميه
وعن تجربه سويت نفس الي سويتي بس انا هددته انه لوتكرر هالشي مارح اجلس عنده ولادقيقه وحده واعتقد تهديدي خلاه يخاف ويحسب حساب
طبعا رجعت اعامله عادي زي اول والحمدالله ماتكرر الموضوع ثقي ان تصرفك كله حكمه
بس لازم تضمنين انها ماتدق عليه او تحاول فيه

تصرفك صح ميه بالميه
وعن تجربه سويت نفس الي سويتي بس انا هددته انه لوتكرر هالشي مارح اجلس عنده ولادقيقه وحده واعتقد تهديدي خلاه يخاف ويحسب حساب
طبعا رجعت اعامله عادي زي اول والحمدالله ماتكرر الموضوع ثقي ان تصرفك كله حكمه
بس لازم تضمنين انها ماتدق عليه او تحاول فيه