ماشاء الله تبارك الله
اخباركم بنات حبيت اوريكم مجموعه بسيطه من طبخاتي وبعض تطبيقاتي
اول شي نبدى بالشيره العسليه لحبيبة زوجها صراحه خيال الله يجزاها خير سويت كميه كبيره وعبيتها بعلية زجاج > عشان تجلس كل الرمضان لو برى الثلاجه مايضرها بشرط انك تحطين عليها عصير ليمون عشان ماتتكسر وهيل انا اضفت حبات هيل يمكن 8 عشان الهيل يحفظها ماتخرب وهذابعد مابردت شوي وهي لسى بالقدر صورتها
وهذا تطبيقي
وهذا رابط حبيبة زوجها
http://forum.hawaaworld.com/showthread.php?t=2650820
ثاني تطبيق لي هو بان كيك امول وهذا معتمده من زمان لذيذ يمعنى الكلمة وهنا قبل ماحط الصوص
وهذا رابط امول
http://forum.hawaaworld.com/showthread.php?t=2700367
اللحين نجي لطبقين دسمين من مطبخي
هذي الصياديه بالسمك ( طبعا هنا لونها فاتح المفروض اغمق لكن زوجي مايحبها غامقه عشان كذا ماكثرت البصل المحموس
طريقتها
اول شي يتبل السمك بليمون وبهارات السمك وكزبره ناشفه وشوي كركم عشان يشيل الرائحه ثم يدخل الثلاجه ساعه ثم تجهزين بصل محموس ووخلي لونه غامق شوي بس لايصير اسود عشان مايخلي الصياديه مره انا خليته بني بعد مايبرد شوي حطيه داخل الفرامه مع بهارات ووقد راس الاصبع زنجبيل اخضر وشوي صلصله وقرفه وماجي وكم راس ثوم وفلفل اسود وماجي وملح شوي خليهم يضربون بالهراسه ثم ع النار حطي شوي او سمنه او زبده ثم حطي شوي بصل مقطع صغير واحمسي مع هيل او قرنفل عدل ثم لاشقر حطي خليط البصل المحموس واذا تبين تزيدين بندوره مفرومه زيدي بعدين جيبي قطع السمك المتبله وخليه شوي تطبخ مع الخليط هذا عشان يكتسب طعمم السمك دقايق بس ولاتغطين القدر عشان ماينضج السمك بعدين شيلي قطع السمك وقصري ع القدر بعدها غمسي حبات السمك ببيض وطحين مخلوط معاه بهارات عشان النكهه واقليهم بالزيت وشيلي قطع السمك بعد التحمير على جنب بعدها تكونين منقعه رز حطيه على بالقدر اللي فيه الخلطه وزيدي عليه ماء اللي يغطيه بس وخليه يطبخ واذا استوى جيبي قطع السمك وحطيها ع الوجه وغطي القدر دقايق ثم اغرفي وقدمي
البرياني بطريقتي المعتمده
تحمسين بصل جوانح وتقلينه وتحطينه ع جنب ثم تحمسين بصل عادي بالقدر مع هيل ومسمار وقرفه عدل بعدين تضربين بالهراسه ثوم وزنجبيل اخضر كبر راس الاصبع وتضيفينه ع البصل وتحمسين ثم تضيفين البندوره المضروبه بالخلاط وتضيفين بهاراتك كمون بزار كزبره ناشفه فلفل اسود واللي تبين من المنكهات ولاتنسين الماجي ورشات الملح ثم تضيفين علتبتين زبادي وتضيفين الدجاج المقطع الى قطع متوسطه يعني نص الدجاجه اقطعه الى 4 قطع ثم توطين النار وتخلينه ينضج بهداوه ثم تحطين بقدر اخر زبده تذوبينها وتضعين الرز المنقع مسبقا وتغمرينه بالماء المذوب فيها ماجي وملح وبهارات وتخلينه على نار عاليهه عشان يصير نثري وتخلينه يستوي نص استواء فقط يعني مجرد ماينشف الماء من الوجه وتمسكين حبات الرز تلقينه حب نص استواء شيلي الرز واذا فيه ماء اشخليه ثم جيبي البصل المقلي اللي قلتلك بالبدايه خليه ع جنب وضعي نصه فوق خليط الدجاج ثم طبقه من الرزيعني نص الكميه تقريبا ثم ضعي باقي البصل فوقه ثم غطيه بطبقة اخرى من الرز وغطي القدر بقصدير وخليه ع نار هاديه بعدين اقلبيه بصحن المفروض يزين ببقدونس وليمون بس ماعندي :22:
وبس اتمنى تعجبكم تطبيقاتي وطبخاتي والف شكر لكم وادعولي بالنقل والذريه الصالحه
