Analysis Services
  • «
  • <
  • 1
  • 2
  • 3
  • >
  • »
ممكن نركبهآ تنفع

آول شي حطي آلبطآطس آلمهروسة مملحه ومبهري وملعقة جبن سائل أو موزريلآ
وآلـطبـقة آلثآنية دجآج مفروم أو لحم مفروم طبعـآ مملح ومبهر وعليه كزبرة وبقدونسس
وآلــــــــطبقة آلثآلثـــة حطي آلبآذنجآن آلمقــــلي ودخليهآ آلفرن شوي

آن شآء آلله تنفع
02-09-1433 هـ, 04:13 صباحاً
 
طبعآ آللحم آو آلدجآج ممكن تكشني وتحطيه يطلــع حلو ^_^
02-09-1433 هـ, 04:14 صباحاً
 
اهرسي البطاطس وملحيها اذا تحبي وبهريها بفلفل اسود وزعيها بالصينيه

الطبقه الي فوقها كشني بصل وثوم ولحمه مفرومه لين تستوي اللحمه وحطي ملح وفلفل اسود وكمون

قطعي بادنجان زي البطاطس اصابع وجزر بالسكين قطعيه شرايح مو بالمشرحه حقت الجزر وفلفل رومي شرايح

اقلي الباذنجان وحطيه على جنب والجزر والفلفل برظو اقليهم حطيهم على اللحمه وحركيهم بس ولعي النار عشان تختلط النكهات سوا حطيها فوق طبقة البطاطس ومن فوقها سوي في الخلاط جبنه تقريبا 4 ملاعق و3 ملاعق مايونيز وعلبه قشطه واخلطيهم وحطيهم في الفرن لين تتحمر من فوق لذيذه بمعنى الكلمه وراح تدعيلي ^_^

على فكر انا الغي البطاطس المهروسه واسوي بطاطس مقليه عاديه وواحطهم مع اللحمه والخضار اليقليتها واكمل باقي الوصفه زي ماهيا

بس شكلي بجرب المهروسه جبتيلي فكرة يسلمو هههههه

ولا تقولين ابغى شي على قدي مكون من باذنجان وبطاطس لانو مايطلع حلو كذا لازم تسوي كشنه منها تقدري تاكلي وتحسي انك اكلتي شي وتعبا بطنك مو تاكلي بطاطس مهروسها مع باذنجان احس ولاتنسي الباذنجان شي طري سوا قليتيه ولاشويتيه وبتصير صينيتك كله مهروس في مهروس زي اكل الاطفال او المستشفيات انا زمان قبل لاتزوج ماعرف شي في المطبخ لدرجه ماعرف اصب مويه لابويه لما يطلبني اوصل لين عنده والمويه كلها تنتطش وانا ماشيه وتصير نص الكاسه هههه

بس دحين صرت ماشاءلله مرة احب الطبخ وحياتي كلها في المطبخ هههههه

لدرجه صارو الحريم يطلبون طريقة اكلاتي

راح تتعلمي بس ادي نفسك فرصه لانو اسهل من الطبخ مافيه وربي الرسم والخياطه صعبه مرة بس الطبخ شي ممتع

طلعي مهارتك في المطبخ حاولي تصيري فنانه وتتفنني في اكلاتك وتبتدعي قدام زوجك لانو الوصول لقلب الزوج معدته ^_*

طولتها عارفه ههههه بس والله ابي احمسك وجربي الي قلتلك عليها مرة طعمه اليوم سويتها بس بدون البطاطس المهروسه

استودعتك الله
02-09-1433 هـ, 04:56 صباحاً
 
اقلي البطاطس والباذنجان بس قطعيه حلقات رقيقه وبعدها حطيها في صحن وقطعي شرايح طماطم ورشي عليها ملح وبهارات وسوي باشميل وحطيها فوقه ماتشبعين منها لذيذه
02-09-1433 هـ, 05:13 صباحاً
 
up
02-09-1433 هـ, 05:37 صباحاً
 


الساعة الآن 06:02 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏