يالغلاا .. كلنا بالبداايه مانعرف ..
ومنهم محدثتك .. أحم احم جبناااااااااا العييد بالبداايه
والحين ماششااء الله ست بيييت ..

اول شي سمي بسسم الله . وفري كل الطلبات عندك علشاان ماتحتااسي . لاتخلطي كل الاشيااء مع بععض ابدي بالتدرييج ..
ربي يووفقك يارب

لاتصعبييييييييها وهي تسسهل
02-09-1433 هـ, 06:58 صباحاً
 
طيب حبيبتي بقول لك علي طريقه عجينه مرررره روووووووووعه


تجيبي ٢ كاس حليب سائل. لازم تكون دافي

واربع ونص كاس طحين منخول

ملعقه كبيره خميره فوريه

ملعقه ملح

فنجان قهوه سكر ناعم

ربع كوب زيت

اول شي تحطين الحليب. والزيت والملح والسكر وتخلطينهم مع بعض

وبعدين تضيفين الخميره لطحين وتحركينها

وبعدين تبدئين تحطين الطحين بالتدريج لين تخلصينه واعجنيها كثير. اذا شفتي ان العجينه مرررره لينه اضيفي دقيق شويه
واعجنيها واعجنيها كثير واضربي عليها لين تتكون زي الكوره وتكون ماتلصق في يدك

بكذا تكون تمام حطيها في كيس لمده ساعه. واستخدميها وربي روووعه


اعمل منها كروسان وسينابون وخلية نحل ولفايف الزعتر وبيتزا وفطاير لحم ودجاج وتونه

والله روووووعه. كنت استخدم عجينه العشر دقايق بس لمن عرفت هاذي استغنيت عن عجينه العشر دقايق

والله الكل يسالني عنها
02-09-1433 هـ, 07:09 صباحاً
 
استعيني بالله قبل بدء العمل وتوكلي عليه ربي يوفقك
02-09-1433 هـ, 07:26 صباحاً
 
هذا ردي كتبته قبل شوي لاحدى العضوات

اذا كانت مقاديرك مضبوطة مستحيل تتلصق

باعطيك مثال

انا استخدم عجينة 10 دقائق

كاستين مويه + كاستين دقيق +ملعقتين اكل خميرة + فنجان سكر + 3 ملاعق حليب بودرة + ثلث كاس زيت

وذرة ملح تخلط جيدا بالمضرب السلك او الخلاط او العجانة جيدا جيدا

اتركيها تقريبا عشر دقائق او ربع ساعة تلقين حجمها زاد مرة اضيفي لها كاستين وثلثين الكاسة دقيق

واعجني بقوة في البداية تتلصق وتشوفيها حايسة لكن استمري بالعجن بدون ماتضيفي شي

وبعدين شيليها فوق وارميها بقوة في الوعاء عدة مرات واتركيها خمس دقايق بس واستعمليها


وترا اي عجينة اذا ضبطتي مقاديرها اهم شي فيها مدة العجن لازم تعجينها لفترة طويلة وتضربيها بقوة

ولاتزيدي لها لاموية ولاشي بس استمري في الضرب والعجن

وماراح تحتاجي لادقيق ولازيت عند الفرد
02-09-1433 هـ, 10:24 صباحاً
 
خوذي هذي العجينه مضبوطة وماتحتاج عجن قوة اذا عجنتيها قوه بتصير احسن ومب لازم لانها حلوه وهي كذا
كاس مويه
فنجان سكر
فنجان حليب ناشف
ملعقه خميرة
ذرة ملح
حطيهن بعلبه بلاستيك كبيرة شوي اريح لك واخلطيها بالملعقه شوي
جيبي كاسين طحين مثل كاس المويه عشان تضبط معك واعجنيها اذا شفتيها لينه شوي زيدي ملعقتين طحين
واعجني شوي واخر شئ نحط فنجان زيت اعجنيها وغطيها كويس ولفيها بسماط اذا مستعجله حطيها بالحوش عشرين دقيقة واستخدميها
تراها روعه للفطاير والخبز والبيتزا والسينابون والخليه اي شئ ببالك سويه
هذي العجينه يوم كانت بنتي برابع ابتدائي تسويها وضابطتها ماشاء الله عليها
02-09-1433 هـ, 11:41 صباحاً
 


الساعة الآن 07:42 .