ابي تعليمي يابنات بجداره اخترت تعليمي ايام تقديمم المكرمه ....

معي ماسترررر تعبت فيه وكرررفت فيه كرف الويل

اقلها وظيفه تعليميه ،، مابي الاداريه مابي مساعد اداري و مرتبه سادسه وراتب 6 آلاف

كيف أحول من اداري الى تعليمي وين اروح وايش ألطريقه

حسبي الله ونعمم الوكيل على هالظلم الوظيفي ،،

صحيح انها نعمه من رب العالمين وأحسن من لاشئ ،، لكن يابنات أنا صبرت ١٣ سنه وبعد هالصبر ابي شي حابته ومقتنعه فيه كل معارفي وصديقاتي معلمات

يابنات قهرر يذلوننا بهالوظيفه ويحطوننا بوظايف اقل من مستوانا ،، قال ايش قال لكم حق سنتين تقدمون على التعليمي ،، ابررررر تخديرررر ماوظفونا يوم حنا عاطلات عشان يلتفتون لنا وحنا على راس العممممممل

بليزز

الي بتجرح بردها لا تكتب ررد


دعوواتكم تعبت من الهمم والززعل
02-09-1433 هـ, 12:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يرزقك ويرزقني مافيه الا التقديم على جدارة هذا اللي سمعت
02-09-1433 هـ, 12:57 مساءً
 
ياليت اختي تقولين لي وش تقديرك باالبكالوريوس وش تخصصك
02-09-1433 هـ, 12:59 مساءً
 
نصيحه من اخت تبين ترتاحين بحياتك اتركي فلانه وعلانه انتي اقتنعي برزقك وقولي الحمدالله على الصحه والعافيه وترى امور الدنيا كلها تتعوض باذن الله
الله يهديك انتي حطيتي ببالك هالشي اولا نكك قليلة حظ هذا تعذيب نفسي لك وغير كذا حسبتو التدريس قمة مااحد يوصل له للمعلوميه اغلب المدرسات تعبانات معه لا يغرك الراتب ترى مافي بركه الا من رحم ربي واقولك شي كثير من المدرسات طالبو انهم يكونون اداريات اريح واحسن وفيه تغير اكثر ترى التدريس روتين
وانتي ماتدرين وين الخير فيه صدقيني الخيره فيما اختاره رب العالمين والله اني شفت في الديوان بنات درسو بالخاص 10 و11 سنه ومعهن ماستر يقولون حمدنا ربي يوم جانا اداري مانبي التعليمي كرف وهم وانتي تقدرين تطورين نفسسك وتوصلين للي تبين اللي اعرفه اللي معهم ماستر مايسعون للتدريس بالعكس يبون اداري بالاشراف والتوجيه
انتي خلي املك بالله قوي وادعي ربك وصدقيني ربي يسر امرك ويكتب لك الخير
02-09-1433 هـ, 01:10 مساءً
 
والله أني ناصحه لك لايصير همك الدنيا والله ماتفلحين..ترى كلنا فاتنا شي كثير بالدنيا كنا نبيه بس ربي أعلم وين الخيره لنا فيه فالذلك نصيحه أخت محبه الزمي الحمد والشكر في كل شيء تفكري بنعمة الله عليك بجسدك والله أنها من أعظم النعم...السعاده وأنا أختك مو بالمال والمركز السعاده في محبة الله وشكره في السراء والضراء...أسألي الله دائما رضاه والله تسعدين...أحبك في الله
02-09-1433 هـ, 01:19 مساءً
 


الساعة الآن 04:14 .