السلام عليكم ورحمه الله وبركاته. مبارك عليكم الشهر والله يجعلنا من صامه ايماناواحتسابا بنات حابه اسألكم اذاكان بيفطرعندك ضيوف كيف تجهزين له وخصوصا اذاكنتي لوحدك لاشغاله ولاشي وودك يكون فطورك حلوومتكامل طبعا الحلى نسويه من الليل لكن المعجنات وللقيمات والصياني وغيره ودك تسوينها بس الوقت مايكفي مشاءالله اشوف بعضهم مبدعه بالفطورنبي نستفيد كيف ينظمون وقتهم ومتى يبدون بالطبخ والعجن وكذا وجزاكم الله خير
04-09-1433 هـ, 06:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي حتى الصياني من الليل
تجهيز بس
يعني مثلا مكرونة بالباشميل
تسلقين المكرونة وتععصجين اللحم
وتسوين الباشميل
وتزبطين الطبقات بالصينية وتتركينها لين تفتر
لأن اللحم أكيد بيكون حار والباشميل
المهم وبعدين تغلفينها بقصدير وبالثلاجة
والظهر ماعليك إلا تدخلينها الفرن

وكذلك بالنسبة للمسقعة
جهزي كل طبقاتها من الليل

السمبوسك والسبرنق رول لفيه من الليل

إذا محشي احشيه من الليل واطبخيه اليوم الثاني

وعلى هذه الأمثلة قيسي بقية الأصناف

كمان سفرتك مديها من الليل
ورصي عليها كل شي كزبادي الشوربة والملاعق ومناديل السفرة
وكاسات الماء والعصير
وصحون الغرف



أتمنى أكون أفدتك
04-09-1433 هـ, 06:17 صباحاً
 
المعجنات اسويها قبلها بيوم وافرزنها زين وبالعزيمه بالمايكرويف القيمات ابدا فيها بعد صلاة العصر والسمبوسه ولما تخلص اكون مجهزه سخانات احطهم فيها لحين التقديم
الصواني اكون مجهزتهم الي ينقلي او يسلق او يحمس وبعد ما احط كل شي بالصينيه احطه بالفريزر واليوم الثاني بالفرن
وبكذا حوست القدور وطبخ جامد مافي
والشوربه بعد اسويها بدري بعد صلاة العصر عشان اخلي القهوه والشاي قبل الاذان بس
اما التمر اوزعه قبلها بيوم والعصير اسويه باليل وبالثلاجه
والكاسات والفناجيل والبيالات والمعالق وغيره ارتبها بالطوفريات و اغلفها
مجلس الرجال ابخره باليل وافرش السفره و اوزع المناديل وصحون العجم واقفل الباب ونفس الشي بمجلس النساء
الزمزميات احط فيها بهارات القهوه والشاي احط البتون وأجهزها يعني ابريق القهوه احط القهوهوفيه والشاي احط السكر فيه والنعنا واخليها عشان مايضايقني الوقت وانحاس وانسى شي
القشطه والبنه والزبادي اوزعها بصحون مع صلاة الظهر
04-09-1433 هـ, 06:19 صباحاً
 
ررررفع وجزاكم الله خيراللي ردوا علي
05-09-1433 هـ, 02:03 صباحاً
 
رفع للفائده
06-09-1433 هـ, 06:10 صباحاً
 


الساعة الآن 01:28 .