Analysis Services
أفا يا بنت بــــــــــــــــلادي ليش ... اصبري واكيد بتكونين على رأس قائمة المتميزات .. طولي بالج يا الغاليه ... واصبري واكيد بتنالين لا تخربين على عمرج واكيد في البدايه تكون عثرات

تحياتي لج
22-07-1426 هـ, 07:57 مساءً
 
مشكورات خواتي على التشجيع ورفع المعنويات
22-07-1426 هـ, 08:06 مساءً
 
طولي بالج اختي ملاك
ومن صبر نال

انا مثلا اسمي مش موجود من بين التاجرات
بس الحمدلله كل يوم والثاني احصل وحدة مطرشتلي عالخاص وتبا شي
والحمدلله كذا بنت اشترت مني
وكلهن واثقات فيني وبعضهن والله اني اول مرة اتعامل معاهن ومستعيلات عالفلوس يبون يحولونها باسرع وقت حتى قبل ما اوفرلهم الشغلة
وانا اشكر لهم هالشي وهالثقة اللي صدق تفرحني وااايد وتعطيني ثقة اكبر بنفسي

وشي وااايد بنات يطلبون شي ونتفق على كل شي
وتقوللي خلاص بحوللج الفلوس
وتروح ولا ترد
انا مارجع اسألها ليش ماحولتي ولا انا قاعدة اترياج ،،،لا
اتريا كم يوم حولت كان بها
ما حولت ،، راسها سالم
يمكن صارتلها ظروف
يمكن غيرت رايها
يمكن اجلت طلبها
واايد من هالحالات تصير
وفي احسن العائلات

بس المهم الصبر
وحطي فبالج ان اللي ربي كاتبنه بيصير
واستخيري قبل كل شي
يعني قبل ما تحطين اي موضوع لج
استخيري وتوكلي على الله
واذا فيه خير لج وربي كاتبلج تربحين من وراه بتربحين لو شو ماصار


والسموحة
22-07-1426 هـ, 08:08 مساءً
 
عساكي تكوني رجعتي عن قرارك
22-07-1426 هـ, 08:09 مساءً
 
مشكوره اختي الطير المهاجر على التشجيع....

اختي المتحضره ماعرف كيف اشكرج على تفاعلج معاي لكن و الله تعرفين صارلي مثل احساس بالفشل...يعني انا ما اعرض بضاعه عندي الا و انا متاكده منها ويوم ما الاقي التفاعل اللي كنت اتوقعه احس بالاحباط و الاكتئاب...مش لاني ما كسبت او ربحت...لا و الله....لكن لاني احس باني مثلا شخص غير مرغوب فيه او فبضاعته. وغير موثوق فيني..محتاجه شوية وقت افكر واشوف شو اخطائي وان شاء الله خير
22-07-1426 هـ, 08:15 مساءً
 


الساعة الآن 06:15 .