Analysis Services
  • «
  • <
  • 1
  • 2
  • 3
  • 4
  • 5
  • >
  • »
اللحم اشتري طازج و بعدين نزليه من الفريز الى الثلاجه قبل بوقت في الليل عشان يذوب على راحته لاتطلعينه من الفريز برا على طول صح بيذوب لكن ينزل الماء اللي فيه و يروح الطعم معاه واذا عندك مايكروويف راح يسهل عليك التذويب كثير في دقايق .. وكشني اللحم بالبصل و اذا ماتحبينه افرميه ناعم مره مايبان
10-09-1433 هـ, 12:15 مساءً
 
اهم شي تغسلين اللحم كويس ومثل ماقالوا لك الاخوات اغليها قبل
10-09-1433 هـ, 12:33 مساءً
 
إذا تبين سمبوسة مضبوطة بقولك الطريقة
تحطي شوي زيت يمكن ملعقة طعام وتحطي اللحم المفروم على نار وسط عشان يستوي بدون ما ينشف او ينحرق وتقلبي ممكن ربع ساعة لين ما يستوي واطفي النار
تجيبي صينية ثانية وتفرمي بصلتين كبار وتكشني للبصل وهو يجهز البصل حطيه على اللحم وحطي ملعقة كبيرة كمون وملح وترى الملح ما ينحط لين تستوي اللحمه في اي طبخة
وقلبيها مع بعض وخليها على النار خمس دقايق نار اقل من الوسط مع التقليب واخر شي بعد ما تطفي حطي حزمة كزبرة ونص حزمة بقدونس مفروم فرم خشن وبالعافية
وهذي المقادير لكيلو لحم
لفي السمبوسة وفرزنيها
10-09-1433 هـ, 02:08 مساءً
 


هذي طريقتي يالغاليه ..

دام المفروم انتي تفرمينه في البيت يعني من الذبيحه فسهله مايحتاج تسلقينه ..

حطي المفروم في قدر على نار هاديه ..راح تلاحظين انه يخرج منه ماء اتركيه حركيه من فتره وفتره واذا شفتي الماء باقي شوي مره يعني المفروم مب ناشف مره ..حطي بصل مقطع قطع صغيره وحركيه راح تلاحظين برضه تخرج منه ماء حركيه لين ينشف ماءه ويذبل البصل وحطي ملح وفلفل اسود وكمون ..

ارفعيه عن النار واتركيه يبرد تماما ..

تكونين مجهزه بقدونس وبصل اخضر مفروم تحطينه على اللحم واللحم بارد لاتحطينه وهو حار وبرضه انتيهي يكون في البقدونس والبصل المفروم ماء ..

واحشي سمبوستك وبالعافيه ياقلبي

10-09-1433 هـ, 02:45 مساءً
 
اقتباس مشاركة  (ماسه الحب)
انصحك اول اسلقي اللحمه وصفي مويه السلق يعني كبيه عشان تروح زنخه اللحم وبعده افرمي البصل وحطيه على اللحمه ولبيه شوي لان تنشف وحطي بهارات السمبوسه وبعده طفي عنها واتركيها تبرد وحطي الخظار وقلبيها واحشي السمبوسه وسلامتك
هذي طريقتي انا بعد
10-09-1433 هـ, 02:53 مساءً
 


الساعة الآن 02:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏