Analysis Services
السلام عليكم و رحمة الله وبركاته
مثل ماقريتوا في العنوان عندي عزومة رجال تقريبا 12واحد يوم الجمعه فطور انا كل سنه زوجي يسويها وعدد اكبر ربوعه وخوانه بس السنه قلت له ربوعك في يوم وخواك وحريمهم في يوم ثاني لاني اشتغل للرجال واقابل الحريم وهم يجون من العصر بيساعدوني ويعفسوني عفاس والعيال فوضى فمقدر السنه هذي
المهم بنات ابغى مساعدة في الاطباق الحلى خلصت عليه
بس عندي السلطات والمقبلات والرئيسي لانيابغى اغير في الاطباق راح اقول لكم انا شسويت العام الماضي وانتي شوفوا لي بديل واذا حلو اخليه ما اغيرة

الحلى
كان كيكة شوكولاته وكنافه وشيز كيك
غيرت الى حلى الكاسات ومتردده اسوي كنافه وشيز كيك
المقبلات
كان سمبوسة جبن وسمبوسة لحم وكبة برغل وكبة لبنيه سووها الملاقيف في خر لحظه قال ايش مشتهينها تخيوا وانا اطلع ااطباق وهم يتشهوون
السلطات
فتوش وسلطة خيار
معجنات
زعتر وجبن وبيتزا صغاار
والرئيسي
كبسة دجاج ومعاها شي ثاني نسيته
يالله بنات اسعفوني بتغيير المنيو باشياء حوة وتنفع اعمله قبل بيوم يومين بس ماحظه زوجي ما يبغى شي فيه بشميل ما يحبونه
استودعكم الله
ولكم دعوه طيبه
11-09-1433 هـ, 04:10 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينك ويعديها على خير ياارب ويكتب اجرك والله ماادري على حسب يعني اذا في فئة كبار بالسن سوي مرقوق واذا عادي اعمارهم سوي لهم الاشياء الاساسيه مثل سمبوسه وشوربه ومكرونه بشاميل وورق عنب وتبوله وحمص وفتوش ومعجنات وبيتزا الحلى مدري الفطور الاول لقيمات مع كنافه مع اصابع جبن وقشطه وتمر وعصير وقهوه والباقي من عندك اذا تبين تسوين كبسات او صواني ايدامات او صواني سمك الله يعينك يااقلبي اهم شي قبلها بيوم خوذي ورقه وقلم وحددي بالضبط وش تسوين من كل شي علشان ماتنعفسين وتنسين وربي انا ارسم بالورقه شكل السفره ووش اقدم فيها واشوف شكلها يجمل او لا يااحليلنا الله يكتب اجرنا فدديتك واتمنى من الاخوات يساعدوك بافكارهم
11-09-1433 هـ, 07:20 مساءً
 
صلحي المنتو الكذاب وصينية مصقع واللقيمات ومحاشي مثل بطاطس وكوسه وملفوف وصلحي مهلبيه وجلي الوان وكنافه وبعد سبرنغ رول بالدجاج او الخضار وصلحي معجنات بعجينة البف باستري


اتمنى اكون ساعدتك
الله يعطيك العافيه
11-09-1433 هـ, 07:56 مساءً
 
انا اقولك سوي لهم فطاير بيتزا صغيرة وفطاير جبن ولبنه بزعتر يعني اعجنيها من الليل وافرديها واقطعيها دوائر وثاني يوم بس دخليها فرن بعد ماتحشينها
وسوي بعد سلطه مكرونه بارده مع تونه وذره ومايونيز
وسوي توست محشي بالفرن يعني كشني لحمه وحطي معاه مايونيز وبعدين اخذي توست وحطي عليه من لحم وسكريها بطبقه ثانية من توست وبعدين حطي بيدك زيت وضغطي على وجه بزيت ودخليه الفرن من فوق بس
وسوي معكرونه بيتزا
وسوي حلى بف باستري بقشطه والعسل وسوي حلى تشيز كيك باتوفي وحلى خليه نحل وبسبوسه
خليه نحل وبسبوسه حطيه في صحونقصدير اللي حجمها وسط تسوينها فيها اكثر من صحن واريح بعد ودخليها مره وحده فوق بعض في الفرن تنفع للعزايم
وبعد سوي مهلبيه وجلي من بدري في صحون بلاستك اللي تكون معاه غطاء حقت فول والعدس فهمتيني عشان تحطينها فوق بعض في ثلاجه واسهل وماتاخذ مكان واجد وتسبب لك زحمه بثلاجه
وسوي بعد لقيمات وفتوش بالخبز محمص


اتمنى افدتك ان شاء الله واي استفسار انا موجوده وراح ارد عليك يالغاليه



وعندي بعد شغلات حلوة بس قلت اعطيك هذي تشوفينها اذا عجبتك
11-09-1433 هـ, 08:03 مساءً
 
ياعمري يالبى العزايم والله اني احبها>>>>بتنجلد ههههههه

شوفي ياعمري امممممم.
اهم شيء تكونين صاحية من بدري تقربياًع 12او11اهم شيء بدري

وقبلها بيوم تكونين محضرة الكأسات والصحون والسفر بضم السين هههه حقت الاكل عشان يسهل عليك كل شيء

وكاتبة بورقة الاشياء اللي راح تسوينها. وكاتبة ملاحظاتك مثلا. أنظف المجلس حق الرجال

اعطر مدخل البيت فهمتي علي ياروحي

الأطباق الرئيسية كبسة دجاج

الصواني اممممم إبداع ولذييذة والله.

صينية دجاج بالقشطة وربي روووووعة
او مصقعة باذنجان او محاشي
وعندي طريقة لمكرونة باشميل بدون لاتحطين كريمة الخفق ولا باشميل
هي نفس الطريقة بس بدال لاتحطين باشميل حطي جبنة موزريلا وضعيها كطبقة أخيرة

وكمان سوي ورق عنب وأكيد طبعا تكونين لفته من قبلها بيوم عشان الوقت
الحلى اممممم

كيكة الجالكسي مررة رووووعة
كناااافة
حلى الكآسات
حلى خطوط الهيرشي ههههههههه تراه مهوب اسمه كذا أنا اخترت له هالاسم والله يجنن اذا تبينه أنا أقولك الطريقة

المعجنات
سوي بيتزا وخلية نحل وبف باستري بالجبن

يا شيخة اختصري وقولي وين بيتك ودي الزق بكل وحده عندها عزايم.
واسوي لها إبداعات وابتكارات ههههههههههه


وانا في خدمتك من عنوني
11-09-1433 هـ, 08:29 مساءً
 


الساعة الآن 08:35 .