السلام عليكم

يابنات ياليت كل وحدة تعطيني فكرة لمشروع ناجح
لأن كل مشاريعي فاشلة
عند أخوي سواق هندي وسيارة يخليه يوصلنا وموافق لو شغلته
بتوصيل الحريم أو طلبات التاجرات من بيتها او من شركة الشحن
لكن يبي عنوان الزبونة قريب من منطقته (جنوب الرياض)
وممكن يوصل من السويدي ومن الشرق مثل الملز الفيحاء الربوة
الروابي والعزيزية والشفاء والخالدية وغبيرة
عشان يمدي السواق يروح بدون تأخير والمحرم متوفر
ويوصلهم لكل أحياء الرياض عادي
المشكلة من وين أجيب الزبونات

المشكلة من وين أجيب زبونات لتوصيل المشاوير
أعرف طباخة طالبة مني أحط لها اعلان ولي نسبة من الأرباح
المشكلة ماعندي زبونات أوفرهم لها

فيه معلمة خصوصية المرحلة المتوسطة تطلع لبيت الطالبات
المشكلة كيف أجيب الطالبات

أنتظر منكم الحلول والأفكار لمشاريع بسيطة ماتحتاج راس مال كبير

الله يرزقك ويشغل وقتك بماهو خير لك
امين
وانا بعد ملييييييييييييي ت من جلسست البيت
مع اني عندي شهاده ثنوي واعرف البنت والحاسسسب وكيف ابرمجه بسس ماعندي شهاده ع كذا
انا عندي مشرع عادي بسس يبيله صبر ووقت
_اذهب_ اشري اذا رخص وابيع اذا غلاااا
يعني حلو تستفيدين منه لو اربح بصيط
.. اموفقه
> تبي وظيفه او مشششروع صغير



بخصوص المعلمة تبع الطالبات انا ادرس ثالث متوسط و انتي من معارفك او جيرانك قوليلهم اذا فيه بنات يبغون مدرسات قولولي انا اعرف وحدة تدرس وهم راح يدلوك بدون مقابل
سبحـآن الله
وبحمدة ...
سبحـآن الله
العظيم ،،،

إدعوآ لي ربي يحقق كل أمنـيـآتي
جاتني فكرة على غفله

المهم البنات اللي يعرفوا للإكسل فيه أشياء تسووها للمحلات والعقارات شي زي الجدول أنا أخوي جا يقولي ماتعرفوا للإكسل قلتله لا

يقول طلب واحد يسويله جدول او شي زي كذا تقريبا 3000 أو 7000 ريال والله أعلم إذا ماغلطت فشي حلو لو وحده من البنات تعرف وتحطين بتوقيعك إنك تعرفي ومستعده لعمل جداول وأمور الإكسل وممكن تلاقي أحد يتفق معاك

وموفقين يابنات برضة ممكن تشتغلي للمعلمات بعمل مثلا عرض على البرامج مثل البور ومطويات حجات زي كذا أعذروني أنا ماني فاهمه بالبرامج بس شي قاله لي أخوي وقلت يمكن وحده فيكم تعرف وتحاول وربي يوفقها وأكسب أجر


الساعة الآن 07:56 .