سؤال مهم للآنسات الخليج...موضوع مهم جدا للنقاش..حياج الله

وحيدة_الامارات :

السلام عليكم ... و صبحكم الله بالخير و النور و السرور.... حبينا نشارك على هالصبح الحلو عليكم ... من رايي فكرة تقبل الزوج من دولة خليجية ثانية موجودة ......... لييييش.... لأنه الحمدلله النسب و الأهل موجودين في دول الخليج و لله الحمد منذ قديم الأزل.... (شو الأخت شايفة رسوم بلاد العجائب اليوم الصبح)... المهم .... وايد بنات من الامارات متزوجات برع ...قطر و السعودية و البحرين ... و طبعا العكس موجود بعد... الحمدلله كلنا أهل ... بسسسسسسسسسسسسسسسسسسسسسسسسسسسسسسسسسسس شوفوا بس شو كبرها .... أنا ما عندي مانع اتزوج من دول الخليج... بس هذا الشخص بتكون عليه طلبات أكثر و ضغوط أكثر... لا تقولون اني شريرة بعد بس لأنه هالشخص انا بترك أهلي و ربعي و ديرتي علشانه فلازم يكون ماشاءالله عليه فوق المستوى و يكون عنده بيت و سيارتين و شغالتين و من كل شي اثنين اثنين ههههههههههههه اقص عليكم ترا ... بس سالفة البيت وايد مهمة لأنه لاقدر الله و صار شي و تركها شو يبتم لها من الحقوق بيطلقها و بيفرها بلادها حالها حال السيلانية... بسم الله على شباب الخليج ما يسوون جي أنا بس ابالغ..... بس المقصد انه يكون عندها ضمان ضمان ضمان .... عشان أولادها الخليجين و عشانها .... و اذا كانت الأمور غير ممكن انه ينتقل معاها بلادها ..ماشاءالله شي من الناس جي يسوون و مرتاحين.... لكن نرد و نقول حلاة الثوب رقعته منه و فيه.... لازم يكون من البلاد عسب يوم يسوي شي نسوي فيه الهوايل و ما يلعب بنا لأنه من دولة ثانية... الحمدلله دولنا نفس الشي و فيها الخير و البركة ... و انا احس بنفسي بتكون مغامرة كبيرة اني اتزوج حد من الخليج لأني واااااااااايد أحب الامارات و ما اصبر عن هواها الحار جاف صيفا بارد ممطر شتاءا...... الله يوفق الجميع بس كل بلد خليجي فيه نسبة معينة من البنات اللي طافهم قطار الزواج (كلمة عوانس تجيب الاكتئاب) يعني لو نوزعهم من داعلى دا يرتاح دا عن دا.... اسولف تراني ...بيقولون تخبلت وحيدة اليوم... المهم حبيت اشارك بوجهة نطري انه مافيها مشكلة من الخليج المهم يكون زين و مصلي و مستواه الاجتماعي و المادي زين عشان يغطي على عيب بعد البلاد عنه........... و سلامتكم

السلام عليكم ... و صبحكم الله بالخير و النور و السرور.... حبينا نشارك على هالصبح الحلو عليكم ......