السلام عليكم

اشتقت لكن ياحلى حريم وبنات وعجز خخخخ زمان عنكم


كل رمضان اسوى لقيمات ياربي تفشل فشل ماهو صاحى شي حيونات وشي متسدحات خخخخ

وشي ياربي لك الحمد كلها زيوت وتعالو شوفو انواع السب والتحطيم

إعلان


لكن الحمدلله بفضل ربي علي رمضان هذا نجحت بفضل من ربي الحمدلله رب العالمين

وصارت مثل سذا




بسم الله نبدا اسراري فيها وهي معرفه واكيد كلكن تعرفنها بس اللي مثلي نجهلها وابي اساعدهن ويرفعن راسهن فيها

طبعا بقول طريقتي

العجينه بالنظر وهي معروفه دقيق +ملح+ سكر + حليب + خميره + ماء للعجن


نجي لطريقتي

اولا انا مخصصه قدر صغير للقيميات اقليها فيه وشرط شرط اللقيميات لازم لازم زيت كثير غزير

اذا قليل صدقيني ماهي ناجحه


ثانيه العجينه لاتحلينها لاسائله ولاعجينة مثل عجينة الفطائر

لا خليها عجن متوسطه


ثالثا خلى الزيت يسخن زين (لان لو ماهو ساخن بطول اللقيمات وبتصير قاسية معك حتى لو مظبوطه )

رابعا جهزي فنجان قهوة فيه ماء وملعقه صغيره


خامسا استخدمي يدك اليسار ( ههه ماعرف اشرح ) المهم اخذي من العجين بيدك اليسار بالاصبعين الاخيرة الصغير ومدبب هههه واللي جنبه يارب فهمتو علي

وبالملعقه شليها وحطيها بالزيت وهو ساخن

وقلبي بالملعقه الكبيره وكل بعد شوي قلبي وبس

ورشي عليها شيرة وبالعافيه على قلوبكم

اسال الله العظيم ان يسعدكم في هذا الشهر الكريم ويفرج همومكم وينصر اخوننا بسوريا وبكل مكان

ويارب ينصرنا على حافز هاللي ناشبين لنا فيه يانه عزنا ورفع قدرنا ويجلس لنا طول العمر يارب ألف قلوبهم

علينا


وعيدكم مبارك من بدري اول من عايدكم عسى عالم حواء يهدوني ههههاموت بالهديا بس محد يعطينن وجه


مع السلامه

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ما شاء الله عقبالي

ما فيها نشاء كيف

تكون مقرمشه
حسبنا الله سيؤتينا الله من فضله انا الى الله راغبون
تسلمين
يعطيك العافيه
ما ادري حاسة هاللقيمات عاملة أزمة

ياجعل مسراها العافية يالغالية

وإن شاء الله اللي ماتضبط معهم يجربوا طريقتك

لقلبك الود
بالضبط كانت ماتضبط معي وذسويت نفس الي قلتي ونجحت وبالصدفه فتحت موضوعك تو
طبعا تعلمت من كثر التجارب الفاشله
استغفر الله العظيم
سبحان الله وبحمده


الساعة الآن 10:08 .