يارب ياكريم العطاء ارزق من تجاوبني بهالايام لفظيله

حبيبتي ربي ياجرك ان شاء الله على كل شي تسوينه ف بيتك ولزوجك ولعيالك

ويكفيك انه اجرك مثل اجر المجاهد في سبيل الله

وبالنسبه للمواعين حاسه فيك مو الكل يقدرون يتحملونها

بس باقولك شي تسويه بنت خالتي ما شاء الله يدينها تجنن ما كانها تكرف في المواعين

تحط سلمك الله جمب المجلى حق المواعين علبة كريم جلسوليد حاطه عليه شوي ليمون

واول ما تخلص من غسيل المواعين تمسح يدها بالمنديل وعلى طول تدهن يدينها بالكريم

حتى لو تغسل كوب واحد


اما الرجلين شي بسيط ولا يكلفك شي خلي عندك ف الحمام وانتي بكرامه اي شي تفركين فيه رجولك

الحجر حق الرجول او اي شي

وبعد ما تخلصين شور على طول تجففين رجولك وتدهنينهم بمرطب وانا افضل مرطب عندي

يفتح البشره بشكل حلو ويشيل البقع ويخفف السواد في اي منطقة

اللي هو زبدة الكاكاو من فازلين رووووووووووووعه قليله ف حقه

وهذا استخدميه للجسم كامل قبل تلبسين ملابسك


بتحسين بالفرق بعد مدة قصيرة بلا خلطات ولا خرابيط ولا ضياع فلوس عالفاضي




انا خواتي عجازاااات من يوم قلت لهم عن زبدة الكاكاو وهم يدعون لي


موفقة يالغاليه

الله يعطيكى العافيه ...بالنسبه ليا انا قبل ماانام لازم ارطب جسمى كله باى كريم حتى لو فازلين ...بس اهم حاجه بعد اى غسيل للصحون رطبى يدك باى كريم... والله يعينك ويعينا..

اولا احتسبي الاجر في كل كبيرة و صغيرة تسوينها لبيتك وزوجك و عيالك ..

ثانيا ..خذي تجربتي و استمري عليها عدة ايام و بتلاحظي النتيجة ..

وانتي تغسلين المواعين (( اكيد فيها دلة قهوة)) خذي بواقي القهوة اللي في اخر الدلة و افركي يدينك دقائق

و بعد الغسيل نشفيها و رطبيها بأي كريم و بتدعيلي .

عشان ماتطفشين وتملين دوري ع الاشياء السهلة
واللي ماتاخذ وقت
يعني مثلا للوجه استخدمي حليب سائل وحليب بودرة اخلطيهم وحطيهم على وجهك من قبل تبدين شغلك واذا خلصتي اغسليه
لان هالخلطة كل ما طولت كل ماصارت نتايجها أحلى

اليدين مرتين بالاسبوع سنفريها بليمون ويملح وخليه خمس دقايق واغسليبه

الجلوسيليد مايطلع من مطبخك كل ماغسلتي يدك امسحيها وادهنيها

رجولك رطبيها بجليسوليد وفازلين والبسي شراريب
وف الحمام افركبها بسنفرة وحجر الرجول او بشوية ملح.لو ماعندك.سنفرة

جسمك خذي ملعقه ونص سكر وملعقتين حليب وملعقتين رز مطحون
وحطي عليهم شوي حليب سايل لاتكثرين بس يصير مثل السنفرة ثقييلة
وكل ماتتروشين افركي بها جسمك 10 دقايق
لو استمريتي عليها اسبوعين بتتزحلق ملابسك من كثر النعومة

اهم شي رطبي جسمك ولاتخلينه يجف ابد واهم شي بعد الاستحمام وقبل النوم

لو استمريتي على هالاشياء البسيطة وخلبتيها عادة عندك بتكونين ملكة خلال فترة قصيرة باذن الله


بس لاتنسيني من دعواتك بجد احتاجها