السلام عليكم ورحمه الله وبركاته
مبارك عليكم الشهر بنات بستشيركم بشغله فكت مخي وعجزت وانا افكر تنفع ولا ما تنفعواتمنى تفيدوني افاده خوات ويجعل كل حرف تكتبونه نصيحه لوجه الله بميزان حسناتكم
انااملك مبلغ لاباس فيه وغير مستقره لاني اسافر مع زوجي واجي بالاجازات لبيت اهلي واهله وهم بمحافظه وحده والوضع ببيت اهلي شوي صعب وزحمه من الاخر لا يطاااااق وبيت اهل زوجي نفس الشي تقريبا انا ما اقدر اتكلم الحين لاني اجي بس بالاجازات
بس جنب اهلي ارض قايمه الثلاث جهات وهي ملك جارتنا كبيره بالسن ولما كبرت عيالها باعو بيتها وراحت عندهم وبقت الارض ما احد اشتراها(ادري ساااااالفه طويله بس تحملوني)
المهم بما انها محافظه مو مدينه كل الناس يقولون انها حسب السوق قيمتها 20 الف تقريبا واحتمال ارخص لانها مثل ما قلت لكم الناس انتقلوا من الحاره من حوالي 15 سنه وهم يحاولون يبيعونها بس لان الاراضي رخيصه الناس تروح للاحياء الراقيه وحي اهلي متوسط
انا فكرت اشتريها بالفلوس اللي عندي لاني من يوم تزوجت اي شي يرفض زوجي يجيبه على طول اسحب من فلوسي والحين راح اكثر من ربعها واخاف يروح الباقي
الفكره اللي في بالي هي اشتريها وعلى قوله ابوي الارض اللي قايمه 3 جهات فرصه لانها توفرفي البناء والحقيقه ابوي فكر فيها فتره بعدين صرف النظر عنها واشترى الارض اللي جنب بيتنا من الجهه الثانيه لانها على شارعين
المشكله الوحيده فيها انها غربيه بس انا لما فكرت ارض مساحتها 500 وقايمه 3 جهات وجنب اهلي على طول
قلت يا بنت انتي مو مليارديره تختارين الواجهه ولا على كم شارع تفتح هذي مناسبه لفلوسي والعقار ضمان للبنت بهالزمن اشريها واخذ قرض من البنك على راتب زوجي اذا وافق طبعا انا قلت استشيركم بعدين افاتحه بالموضوع او احد من اخواني لاني ربه بيت ما عندي راتب وابنيها شقق واجرهاواسدد القرض من الاجار واترك شقه لي اذا جيت لا اضايق احد ولا احد يضايقني
احس راسي انفك وكلها 20 الف بس هذا اللي حيلتي لو عندي ملايين يمكن ما انام من التفكير بس الرجال مالهم امان وانا من زمان نفسي بعقار احس هذي فرصه مناسبه لي
مرات اقول لوحطيت فلوسي فيها اذا احتجت شي وزوجي رفض من وين اجيب ومرات اقول يا بنت ازنقي نفسك كم سنه لحد ما تاجرينها وتفرج
لعلمكم الاحياء الجديده بالمحافظه اسعار الاراضي من 100 وطالع يعني عمري ما افكر امتلك متر
بنات مثل ما قلت ابي مشوره خوات انا ابوي وامي كبروا بالسن واخواني لاهين بحريمهم ولا لي الا الله وزوجي هو طيب بس اذا عصب الله المستعان
والوحده ما تدري وش الله يكتب عليها تتوفق مع زوجها او تترمل ولا وش يصير فيها
انا مره وحده بس زوجي زعل علي وداني بيت اهلي ضاقت فيني الدنيا اشيل عيال فلانه وعلانه وفي غرفه كم متر مع الخدامه
ادري طولتها وهي قصيره بس والله فيني تردد فضيع ابي وحده شااااااااطره تقنعني ان اللي بسويه صح
عشان ارتاح واتكل على الله واشتريها
الله يعينك ’’
لا تنظروا إلى صيام أحد ولا الى صلاته ، ولكن انظروا إلى صدق حديثه إذا حدث .. والى أمانته إذا ائتمن ، وورعه إذا أشفى (من اقوال عمر بن الخطاب رضي الله عنه)
استخيري
واشتري الأرض
وبالنسبة لاخذ قرض على راتب زوجك
اصحي تسوينها
نصيحة
خلي حلالك لحاله الرجال مو مضمون
ممكن يتزوج ممكن يطلق ويضيع حقك بكل سهولة ...............
الرجال مالهم أمان
وبالنسبة للصرف هو مكلوف شرعا يصرف عليك
حتى لو كنت غنية
لبآ قلبكَ أشتريهآ وَأتكَلي عَ ربتس عَ الأقل تضمنين لتس شيء ........أستخيري بَ الأول وأفتحي الموضوع مع زوجك ..حتى لو أنتس تشترين الأرض وآلبنآء خليه ع مههل ككل مَ توفرت الدرآهم ككملي وأنتبهي أن ربي رزقكك ب درآهم الإيجار أستلميهم أنتي خوذي لتسديد القرض والبآقي دخليه بحسآبك لجججل يمككن تحتاجينه وأكتبيهآ بَ أسممك أفضل مً تضمنين وش يصير كَ بدآية رآح تشيلين هم لأنو الدين هم بسس حآولي تقتصدين لأنو مَ ضآقت ع الإنسآن إلآ ربك يفرجهآ همن رآآآآح ترتآحين و أهم مَ ع إلإنسآن رآحته ورآحة عيآله ع الأقل سويتي شيء لك ولعيآلك ...... وأسأل آلله آلعظيم إن يفرج همك وييسسر أمورك ربي يسعدك وعقبآل مَ تبشرينآ إنك شريتيه .......أتمممنى أفدتك
يَ ربُيْ لآ تعلقَ قلبيْ فيْ مَ ليس لي , وأرزقني رزقآً طيبآًوَ قرب لى منْ تمناه قلبى ياربُ ولا تجعل ذنوبىْ سبب فى عدم تحقيقَ امنيتىْ ♥♥♥آلمععرفَ مُشتركَ
أولاً:بارك الله لكِ في عملكِ و عمركِ ومالكِ والمسلمين والمسلمات أجمع
ثانياً:مثل هذي المسأله يستشار فيها أصحاب الخبره من أهل العقار وأمثالهم
لكن بقولك تجربة زميله لي كانت محتاره مثلك استخارت ومن ثم توكلت على الله واشترت ارض
ب10,000 ريال لأن المنطقه اللي فيها الأرض كانت خارج المنطقه العمرانيه
وكل من حولها يلوم فيها انها اشترت هناك واللي يقولها
قطيت فلوسك بالخلا ...الخ من عبارات التحطيم
وفي غضون 3 سنوات يكتب الله أن ينزل مشروع في المنطقه اللي اشترت فيها وترتفع اسعار
الأراضي و باعت الأرض ب130,000 ريال ما شاء الله لا قوة إلا بالله
فأقولكِ فكرتك طيبه محتاجه لإستخاره ومشاورة أصحاب الخبره والله يوفقك ويسهل أمرك وإخواننا المسلمين أجمع

بالتوفيق إن شاء الله


الساعة الآن 09:07 .