السلام عليكم ورحمة الله وبركاته
هذا اول موضوع لي بالقسم هنا .. من زمان وانا متابعاكم واتشجعت اخيرا وقلت انزل وصفاتي وان شاء الله تعجبكم
اليوم جبتلكم البسبوسة بالكنافة على طريقة منال العالم.. الصراحة الوصفة لذييييييييذة والكل بالبيت بحبها
نبدأ بالمقادير:
خليط البسبوسة
2 كوب سميد
2كوب سكر ناعم الحبيبات
2 م.ك جوز هند
2 كوب زيت
6 حبات بيض
2 م.ك حليب مجفف
2 م.ص بيكنج باودر
1 م.ص فانيليا
الحشو
1 كوب جوز
ملعقة قرفة
1/4 كوب سكر
الكنافة
1/4 كوب زبدة
250 غرام كنافة
اول شي نجهز الكنافة
انا استخدمت هادا النوع واستعملت اقل من ربعها
بعدين نقصها بالمقص حتى تصير زي القطع الصغيرة يعني شعرات صغيرة كتير
نحطها بالقدر مع زبدة ونحمرها على النار لحتى تشقر ما نحمرها كتير حتى ما تنحرق لما نحطها بالفرن
نخليها نفس الصورة
الحين نجهز الحشوة
نكسر الجوز حسب الرغبة ناعم او خشن انا كسرته قطع كبيرة شوي لاني بدي ياه يبين لانو لو فرمنا الجوز ناعم ما هيبين طعمه .. بعد ما نكسره نخلطه مع القرفة والسكر بس انا بصراحة حطيت رشة سكر لانو البسبوسة فيها سكر وراح نسقيها شيرة بالاخر فراح تكون حلوة زيادة
الحين دور البسبوسة .. انا استخدمت الاكواب والمعالق المعيارية
نحط كل المقادير سوى في الخلاط ونخلطهم
هيك بنكون جهزنا كل اغراضنا ومش ضايل غير نطبقهم على بعض
بنااااااااااااات بلييييييييييييز الله يخليكم لا احد يرد راااااجعة لكم
يلزم عليك تسجيل الدخول أولًا لكتابة تعليق.
الصفحة الأخيرة
بعدين نحط نصف خليط البسبوسة وعليها الحشوة كاملة ونرش فوق الحشوة شوية كنافة
بعدين نحط النصف الباقي من البسبوسة ونفرده كويس
اخر شي نرش الكنافة على الوجه
ندخلها الفرن على درجة حرارة 180 لمدة نصف ساعة انا اخدت معي من ربع لثلث ساعة على نار عالية شوي وحمرتها من فوق ما طولت معي لانو الكمية اقل
هان بس طلعناها من الفرن شوفو كيف محمرة كويس وشكلها بشهي
نسقيها بالشيرة ونتركها تبرد بعدين نقطعها عشان تكون متماسكة لو قطعناها وهي ساخنة راح تخرب
هان بعد التقطيع
يميييييييييي لذيييييييييييييييييذة
مع القهوة فظييييييييييييييييييعة
هيك بكون خلصت موضوعي بنصحكم تجربوها لانها فعلا رائعة وبتنفع في رمضان
ان شاء الله يكون الشرح واضح لانو هاي اول مرة انزل موضوع طبخ وان شاء الله ما تفشلوني لانو مرتين كتبتو وانمسح وهاي ثالث مرة والي عندها اي سؤال انا حاضرة
لا احلل نقل مواضيعي الا بذكر المصدر