اليوم بكتب الطريقة بدون صور ولما اعمله بنزل الصور
المقادير انا لاني بعمل كية كبيرة فمقاديري بتكون بالكيلو
نبدأ
المرحلة الاولى
مرحلة نسميها البس للسميد حتى يتشرب السميد
2 كيلو سميد خشن
2 كيلو سميد ناعم
ليش النوعين علشان يبقى متماسك ويكون هش
سمنة للحلويات اي نوع تحبي
مستكة
محلب
تطحني المحلب
وتطحني المستكة مع ملعقة سكر حتى ما تلزق بالمطحنة
وتضيفيهم للسميد الي خلطتيهم مع بعض
وتيجي كل كاسة من السميد(الخشن خلظناه مع الناعم)
مقابلها كاسة سمنة
وتضلي تعجني فيهم وتفركي لغاية ما تحسي ان السميد والسمنة اختلطو بشكل جيد
وتغطيه وتتركيه يوم كامل
المرحلة الثانية
مرحلة العجن
حليب بودرة +ماء الكمية حسب النظر تجهزي ولما انت تشوفي اذا خلص
طبعا تجيبي خميرة ملعقتين كبار مع شوية سكر وتضعيهم عالخليط السابق
وتبدأي العجن تضيفي حليب شوي شوي لغاية ما تمسك معك العجين وتعمل كرة
واذا تحبي ضعي كاسة طحين حتى يتماسك اكثر مع العجن
وتتركيه يختمر ساعة على الاقل
المرحلة الثالثة
تجهيز الحشو
اذا بدك بجوز عين الجمل
تفرمي الجوز وتحطي قرفة وقطر حتى يتماسك معك القطر
العجوة
جيبي عجوة معجونة جاهزة اسهلك وضيفي الها الزبدة والقرفة المطحونة
فستق حلبي
افرميه وحطي معه قطر او ماء زهر
المرحلة الرابعة
مرحلة الحشي
تتاكدي اذا عجينتك خامرة اضغطي عليها باصبعك اذا رجعت العجينة زي ما كانت يعني ارتفعت بعد ما ضغطتيها باصبعك يني خامرة وتبلشي تكوري وتحشي
والمرحلة الاخيرة
الخبز وما تطولي عليها كثير
ولما تبرد ترشيها بالسكر المطحون
الطريقة سهلة بس انا طولتها حتى اشرح بالتفصيل
والله معتمدتها اكثر من 3 سنين من لما بلشت اعمل معمول
وكل من ذاقها يوخذ الطريقة
جربوها وادعولي

ورح انزل الصور
الف شكر لك

سبحان الله وبحمده ،، سبحان الله العظيم
تخمر بدون خميرة مع جزيل الشكر
اقتباس مشاركة  (اتمنى ولد)
تخمر بدون خميرة مع جزيل الشكر
انا متعودة احط خميرة
شاكرة مرورك
الف شكر على الطريقه ماعندك طريقه معمول طحين اختى اتمنى ولد هي كتبت ٢ ملعقه خميره


الساعة الآن 02:19 .