من عوايدنا نجهز بقلاوة للعيد .. احيانا نشتريها جاهزة وأحيانا اجهزها بنفسي بالبيت والبقلاوة لها اشكال وانواع .. هالوصفة تعجبني لانها سهلة والعجينة روووعة والطعم خيال والأهم الشكل مره يواجه وكل من يذوقها يحسبها جاهزة ..
مقادير العجين:
فنجال شاهي حليب سائل
فنجال شاهي زيت
فنجال شاهي زبادي
بيضة
ملعقة طعام خل ابيض
فنجال شاهي نشا
3 كاسات وملعقة دقيق << يعني تحطين 3 كاسات دقيق وتزيدين عليهم ملعقة دقيق
ملعقة حلا ممسوحة بيكنغ بودر
ذرة ملح
بين طبقات العجين :
نشا
للوجه:
150 غرام زبدة مذابة
الحشوة:
جوز عين الجمل
الشيرة:
3 كاسات سكر + 2 ونص كاس ماء + عصرة ربع ليمونة
الطريقة:
1. اخلطي مقادير العجينة كلها واعجنيها حتى تتكون عندك عجينة لينة وقسميها لـ10 قطع متساوية وكوريها واتركيها لترتاح ربع ساعة.
2. افردي كل قطعة بالفرادة باستخدام النشا بحجم صحن كبير .. ضعي طبقات العجين فوق بعضها مع رش نشا بين كل الطبقة والثانية ..صارت عندنا 10 طبقات من العجين فوق بعضها بحجم الصحن الكبير وبين كل طبقة والثانية مرشوش نشا .. فهمتو علي
3. الان افردي الطبقات كلها مع بعضها افرديها قد ماتقدري خليها كبيرة مرة وبعدين لفيها رول وقطعيها بحجم اصبع .. خذي كل قطعة وافرديها بحجم كف اليد تقريبا وحطي جوز بالنص وسكريها (مافي داعي تضغطي على الاطراف ما راح تنفتح )
4. صفيهم بالصينية وصبي عليهم الزبدة المذابة وادخلي الصينية في فرن حار 200 درجة مئوية لحد ما تتحمر بعد ما تتحمر من الاسفل شغلي الفرن من فوق وخليها تتحمر على مهلها وبعدين طلعيها من الفرن وخليها تبرد.
5. جهزي الشيرة على النار وبعدين اتركيها تبرد شوية بس .. وصبيها على البقلاوة وهي دافية لاهي حارة ولا هي باردة <<النقطة هذي مهمة (الشيرة تكون دافية والبقلاوة باردة)
واتركي البقلاوة من 5 الى 6 ساعات لحد ماتتشرب الشيرة كامل وقدميها لضيوفك .
صدقوني هي سهلة وشغلتها مررة ممتعة .. انا طولت بالشرح عشان اوصل لكم الفكرة
واتفضلو الصور فيها شرح زيادة
جربوها الكل بينبهر بطعمها وبشكلها :love:
يعطيك العافيه