ابوي وامي مالهم غيري وانا ودي اروح..!

الله يشرح صدرك ويفرج همك وييسر امرك يا اختي
وربنا يخليهم لك ويخليكي لهم
انتي بنعمه كبيرة
يكفي انك بالمدينة المنورة
وانك بصحة ماشاء الله وحوليكي اغلى الناس ربنا يحفظهم
صدقيني كل واحد فينا مبتلى والله يكتبلنا الاجر
انا لي سنين نفسي اعيد على والدي واجلس معهم

لكني متفهمه مشاعرك انتي محتاجة فقط تغيير
لو تقدر وحده من خواتك تجي تجلس عندهم فترة كزيارة
وانتي روحي مكة او زوري وحده تانية من خواتك المهم اتغيري

ونصيحة لا اتكوني حساسة ولا تهتمي ابدا براي او نظرة الناس
لانه دايما نظرتهم قاصرة ولو كنتي ملاك ليطلعوا فيكي العيوب
فطنش تعش تنتعش :)

حبيبتي الله ييسر لك امرك ياقلبي

والله مدري شقولك .. انتي نفس حالتي بالنسبه للتعلق الشديد بالمدينه لدرجه لما كنا نصيف وانا بنت عند اهلي كنت ازعجهم بالصياح والنواح على المدينه كله ابي ارجع لها .. مع اننا تغربنا سنوات خارج السعوديه بس لسى متعلقه فيها جدا جدا

وبالنسبه لوضعك حبيبتي حاولي تشوفي لك صديقات كويسات ,, سبحان الله بعض البنات لما يتزوجو تلاقيهم كانهم طايحين على كنز اسستغفر الله بس

حاولي تخرجي وتغيري جو ترا افكارك دي كلها نتاج الضغط اللي عليك من سنوات وعاادي جدا حبيبتي انتي بشر وتطفشي وتتعبي وتبغي لا تحسي بالدنب لانك تبي تغيري جوك
بالنسبه لرفضك العرسان عشانهم يستقرو خارج المدينه حبيبتي ترا الغربه مع الزوج مو متلها مع الاهل وربي مختلفه جدا جدا واكيييد مع الزوج اسهل واحلى .. حطي ببالك ان اي مكان تجتمعو فيه انتي و زوجك بحب راح يكون وطن بالنسبه لك والاماكن ماتفرق كتير ,, شوفيني على قد تعلقي بالمدينه بس احث زوجي انه يحاول ياخد انتداب خارج المدينه كتغيير جو
لان الحياه مع الزوج غير عن حياه الاهل .

الله يسعدك حبيبتي على اهتمامك و مراعاتك لاهلك ودا شي يدل على حسن خلقك وطيبك .. اتمنى تكون عندي صديقه مثلك ولو حبيتي نتواصل راسليني حبيبتي

مرحبا أختي إن شاء الله تتوظفين وتتزوجين وتتحقق كل أمنياتك بس أكثري من الدعاء والإستغفار ,وكل الناس عندها مشاكل وهموم وتفكر تهرب من المكان هربا من المشاكل ,وبالنسبه لمواقف صديقاتك الموقف الأول لما طلبت منك تغطي وتطالع فيك مو بس لأنك غير متزوجه فيه بنات بتغار على زوجها من صديقاتها حتى لو كانت صديقتها متزوجه وخصوصا وقت زواج يعني أكيد أنك متشيكه وحاطه ميك أب فلاتاخذ بخاطرك ,والموقف الثاني صاحبتك ماعندها أسلوب وأنتي حساسه بزياده ولاشي طبيعي ياأهلها يازوجها يباتون معها وغير المنطقي أنك ياصديقتها بتباتين معها ,المفروض جاملتك وتشكرت موقفك النبيل بس عادي هذا درس لك والحياه دروس لاتعرضين خدماتك على ناس ماتقدر الخدمات والتضحيه,والله يوفقك ويسهل أمرك.

سبحان الله على أني رحت للمدينة
ماعجبتني احسها ميته مافيها حياة ..أحلى شي فيها مسجد الرسول اللهم صلي وسلم علية..بس الشهاده لله اهلها مرررره طيبين. بس احس العيشه فيها صعبه ..و
كل انسان له رائي
ع العموم ادعي ان ربي يرزقك الزوج الصالح وبالعكس حتى لو تغربتي ورحنا لأي مدينة ثانية فبالعكس راح تعيشي وتنبسطي لان الغربه مع الزوج غيرً ..
أنا تغربت عن اهلي وتنقلت في اكثر من مدينة
صح أني اشتااق
لكن مع الزوج وتتعرفي على ناس راح يتغير إحساسك وانتي اللي تقدري تصنعين لك وطن في اي مكان تروحيه