السلام عليكم ورحمة الله
في يوم حبيت اغير واسوي شي مومالوف بالنسبه لزوجي طلعت الدجاجه جلست اناظرها ياترى اش مصيرك اليوم خخخخ
لين خطرت ببالي الشاورما وادق على اختي واتاكد من الطريقه وسويتها وقلت خليني استفيد وافيد وما ابخل بها على خواتي الحوائيات يستاهلون حبيباتي
انا سويتها مرتين في اسبوع واحد لانها عجبت زوجي بس مره سلقت الدجاجه ومره لا
نبدأ بسم الله الرحمن الرحيم
المكونات
حبة دجاج اذا كان الطبق لشخصين
ملعقة مايونيز
ملعقة زيت سمسم
فلفل وكمون وملح
كزبره وبقدونس
حبة بصل مقطعه حلقات
الطريقة
جيبي مقلاة تيفال (طاوه)او اي نوعيه مايلزق فيها الاكل
حطي فيها ملعقة المايونيز والزيت السمسم وترمين الدجاج في الطاوة رمي لين تولع الطاوة نار زيحركة المطاعم واللي تخاف لاتسوي زي الحركه طبعا الدجاج منزوع العظم ومقطع شرايح بطول نصف الاصبع
غطي شويه وكل شويه حطي شووووية مويه حركي الطاوه وقلبي لين ينشف الدجاج ويسير الدجاج نص استوى
بعد كذى حطي الفلفل والكون والملح وحلقات البصل وقلبي وغطي لين يستوي الدجاج ويذبل البصل وارجعي اخر شي حطي الكزبره والبقدونس وارفعي النار عالاخر وقلبي وحركي الطاوه لين تحسي انه تحمر ونشف وخلاص
ملاحظة الطريقة الثانية سلقت الدجاجه وقطعتها بفرامة الملوخية بس حسيت الاولى اطعم لان نكهة الدجاج ماراحت في السلق
اتمنى اكون اضفت شي له فايدة في عالمنا عالم حواء الرائع وشكرا
يسلموووو الايادي