السلام عليكم ورحمة الله وبركاته
اول مره عرفت شي اسمه اسهم كنت بالاعداديه كنت افتح الجريده على صفحة الاسهم واقرا الارقام وافتتاح واقل واعلى سعراغلاق.ماكنت فاهمه ولاشي لكن اتخيل اني سيده اعمال واشتغل بالبورصه..ههههه
مالكم بالطويييله...المهم اشتريت اول اسهم عام2006 وعلى حظي انهار السوق وخسرت ثلثين راس المال وكان راس مالي40الف .وضليت على الاكتتابات صحيح تجيب الدبل على الاغلب لكن الاسهم شويه ماتسوى تعب الاكتتاب والبيع وغيره..والان دخلت السوق مره ثانيه من 2009
لكن المشكله ان ماعندي خبره كافيه انا علمت نفسي بنفسي صحيح الان والحمدلله ماعمري خسرت اكثر من20%.
لكن غالبا اتعلق بسهم لعدة اشهر...
انا اجلس على الشاشه من اول مايفتح السوق لين يغلق..ادخل على منتديات اسهم فيها متابعه يوميه وفيه اشخاص يوصون على الاسهم بعض توصياتهم تصدق وبعضها لا لكني مأثق فيهم ...لكن اضل في حيره مره اكون مستثمره ومره اكون مضاربه..صراحه اشوف ناس يكسبون باليوم 15%..20%..
وشللللللون ..سوقنا يتحكمون فيه الهوامير يعني مهما شريت بسهم رابح ونشاطه جيد وشركه ربحانه يجي هامور غثيث واتعلق معه لين ادوخ...وشركه ثانيه خسرانه مهدده بالايقاف تطير وتدبل عدة مرات...
طولت 
عليكم حبيباتي...مين عندها خبره وتربح من المضاربه او تعرف احد توصياته زينه..انتظر ردودكم ياهامورات.
16-10-1433 هـ, 11:56 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليك السلام انا مع توصيات قطر الندى لاني اثق فيها
16-10-1433 هـ, 03:28 مساءً
 
سمانا 2012 الحال من بعضه بس يمكن بديت قبلك شوي من نهاية 2003 م

وكل وقتي قدام الشاشه حتى لو السوق مقفل بس اتابع اسواق العالم

والمؤشرات والاخبار والله يعين

المعلومه في سوقنا هي اهم من التحليل الفني ولكن مشكلتي هالفتره

اغلب المعلومات اللي تجيني في التأمين وماشاء الله مضبوطه بالملي

بس مالي في التأمين لا ابيع ولا اشتري ولا اوصي

والله يوفقنا واياك ياارب

اختي بوح سما الله مشكوره على ثقتك والله يجملنا معك

ولكن لا صار شيء تريه من ورى الحرص ولاهو بيدي

لاني يشهد الله ابي الخير لكم لكن مرات يغدرون فينا

هوامير السوق والله ... واللله كريم
16-10-1433 هـ, 06:48 مساءً
 
اختي قطر الندى الله يرزقنا من واسع فضله انا متابعه من قبلكم للاسهم ودئما احب امشي وراى احساسي والحمد لله موفقه لا كن ما استغني عن اخذ المعلومه وجزاكم عنا كل خير
16-10-1433 هـ, 09:28 مساءً
 
في ابنك مسوية المحفظة
شكرا
17-10-1433 هـ, 03:54 صباحاً
 


الساعة الآن 11:06 .