بسم الله الرحمن الرحيم
ابدخل بالموضوع بسرعه وبدون مقدمات وابي مشورتكم
انا وزوجي الحمدلله ماناقصنا شي ومتفاهمين ومتفقين على كل امورنا ولا أنا اللي اسمع لتحريش وكلام الوالده الله يطول بعمرها ولا هو يسمع لكلام احد يعني احنا اسره ملتزمين ومتفقين ان مهما حصل بينا احنا اللي نحله من دون تدخل احد في حياتنا
بس تجيك اوقات ودك تفضفضين لاحد وتقولين عن اللي بداخلك وان شكيت لام زوجي عبتي راسي على ولدها وان شكيت لامي نفس الحاله ويمكن امي تكون مقهوره اكثر وبالاخر اسكت والتزم الصمت لحد ماالامور تتيسر
لكن ماتطري على حياتنا مشاكل ولاخلاف الا لما زوجي يطلع بكلمة ابي اسافر انا يجن جنوني واقلب الدنيا وبالاخر واللي براسه يسويه
في جميع المرات كنت امشيها واسكت واقول اخرب بيتي عشان سفره اتعوذ من ابليس واذا رجع من السفر كان مافي شي صار ........... بس في كل المرات كان السفر لدول الخليج
بس هالمره ملزم ومعند الا يسافر اسبانيا وانا رافضه وزعلانه وكل يومي بس ابكي وجالسه عند اهلي عشاني تعبانه صاير الضغط مرتفع عندي بسبته وانا حامل وفي كل مره يحذروني من الضغط واخر شي قال الدكتور ممكن تكون عندك ولادة مبكره وحالتي الصحيه والنفسيه متدهوره
واهلي يقولون لاتسمحين له يسافر واخواني طلعوا الشيب براسي بسبب الكلام اللي قالوه لي وماكان بيدي غير البكاء لحد مااتعب ويدخلوني المستشفى وماعاد فيني اتحمل
كلمت امه وابوه بس من دون فايده ......لانهم هم اللي عودوا عيالهم على السفر في الخارج واخرتها ماعاد قدروا يسيطرون عليهم
طيب ابي حل ماابيه يسافر عجزت وانا امنعه ..... وهو عشان يخليني ارضى قال اذا ولدتي بنروح نتمشى بماليزيا وانا رفضت قلت ماابي ماليزيا ولاشي انا ابيك انت وسكت ولاعاد رد علي
وانا من القهر قلت ماعاد انا مخربه جسمي لحمل وغيره هذي اخر مره احمل فيها بتفرغ لنفسي وبس حتى مسؤلية بيت ماعاد اشيل هم واتحمل وقلت ابي شغاله تسوي كل شي تقوم بعيالك وبالاكل وبنظافة البيت انا انسانه بعيش حياتي ماني دافنتها عشانكم واي سفره مع اهلي ماراح ارفض توقعة انه بيرفض وبيقول شي والله اني انصدمة من ردة فعله لقيته من ثالث يوم جايب تاشيرة خدامه وسواق ويقول اذا تبين اقدم على مربيه بعد عشان المولود الجديد ماعندي مشكله اهم شي رضاك والله قعدت ابكي من القهر
انا ماابي هذا كله انا ابي احافظ عليه شورو علي ايش الحل عطوني رايكم
الله يهديه ويبعد عنه السفره على خير
يلزم عليك تسجيل الدخول أولًا لكتابة تعليق.
رودينااااا
•
والله مالك غير الدعااااء والاستغفااااااار واستودعيه الله انا والله حاسه فيك وزوجي الخميس بيسافر ماليزيا وبعدها اندنوسيا وقلت له ماني راضيه وزعلت بس اللي براسه بيسويه قبل كان الخليج الحين ماليزيا وطقتها وربي شايله ههمم بس بعد الدعاء واللستغفار احس هديت شوي انتي انتبهي لصحتك وللبيبي مراح ينفعك احد واشغلي نفسك باي شي واسفهيه طنششششيه تلقينه بيمل من نفسه والله يعينك ويعيني
مابيدك شي ليش تتعبي نفسك وتنقهري
ادعي ربك انه يحميه واستودعيه الله وخلاص
بس لاتهملي نفسك ولا عيالك عشانه وهو بالاخير بيسوي الي براسه .
ادعي ربك انه يحميه واستودعيه الله وخلاص
بس لاتهملي نفسك ولا عيالك عشانه وهو بالاخير بيسوي الي براسه .
الصفحة الأخيرة