السلام عليكم
من باب حب لاخيك ماتحب لنفسك
ومن باب من فرج على مسلم كربه في الدنيا فرج الله عليه من كرب الاخره
ومن باب من كتم علم يلجم به بلجام من نار
حبيت اضع لكم هذه التجربه الغريبه
دائما كنت ارى اغلب البنات يعانون من هالاعراض
بعضهم من طلعله جرثومة المعده
وبعضهم فيتامين دال
وبعضهم قولون
وبعض فيتامين ب12
وياخذون العلاج لكن مافي فايده او تحسن
دائما كنت ادخل القسم واشتكي من الاختناق والخفقان
وهما شعوران يمثلون الموت
لان من جد كنت احس احد يسحب روحي كل شوي
كرهت كل شي
ماعاد ابي اسوي اي شي
اتذكر قبل تجييني هالحاله كنت بصحتي
واقول يالله كنت في نعمه ماحسيت بها الا الان
يارب لك الحمد على كل شي وحتى الان عندي من النعم التي انعم الله بها علي
هناك ناس في المستشفيات في حاله حرجه
هناك من يعاني حروق شديده وعندما ياتيه النوم ويتقلب يلصق جلده بالفراش ويطلع صراخه من شدة الالم
فبالرغم الالام الي فيني لكن الواحد لما يشوف مصايب الناس تهون عليه مصيبته
صحيح ان الالام ليست جسديه ولكن مؤثره
لان اذا ذهبت الطمأنينه كيف نتهنى بالعيش
كل مااعاني منه اختناق وخوف وخفقان
اذهب الى المستشفيات في حاله يرثى لها
اقع على سرير المستشفى وانا اتشهد
كل مستشفى ذهبت لها اثبتو انني لااعاني من شي يجعلني اختنق وخفقات
حللت تحاليل فاقت الالفين ريال
بالاخير
لم يجدو عندي الا نقص في فيتامين دال وفيتامين ب12
كل يوم تاتيني الحاله
خصوصا عند شرب السوائل واكل السكريات
بالرغم اني حللت سكر 3 مرات طلعت سليمه
الى ان جيت في يوم وكلت امري لله
التووكل شي عظيم
اسمعو الشيخ مشاري الخراز وهو يتكلم عن التوكل
ولايتحقق التوكل الابشرطين
الاعتماد على الله وبذل الاسباب
وقلت خلاص بس من مستشفى لمستشفى
حتى زوجي افتقر والله
الى ان جيت في يوم
وجتني رساله بالواتسب من بنت جيراننا
تحكي عن ايات السكينه
وعند مدى تخفيفها عن الانسان
بعدها بدات الحاله تجيني
والمصيبه اذا اجتمع الاختناق مع وسواس الموت مع الخفقان
هنا خلاص الواحد يطيح عالارض وينتظر الروح تطلع
يالله وطرت على بالي ايات السكينه
ركضت عالابتوب وشغلت رقية السكينه للشيخ العجمي
وجلست استمع
بعد ماخلصت حسيت في مكان الرئه بتعب وكانني مسويه عمليه في هالمنطقه
وتمددت عالسرير شويه
فجاءه بدات الاعراض تختفي
والله شي غريب واحساس غريب
لما كل يوم تجيك هالحاله لمدة 3 اشهر متواصله
وفجاه تختفي
اليوم لي اربع ايام تقريبا والحمدلله
الحاله بغت تجيني اولا وكنت خارج البيت والحمدلله اخف من قبل
ومااستمرت راحت والحين ان شاء الله بسمع ايات السكينه عشان انام براحه
احب انبه
يابنات والله مافي اعظم من الصحه
نعمه عظيمه
حصنو انفسكم
ادعوو الله لايبلاكم
سمعت الشيخ العريفي يقول ليه تنتظرو المصيبه تجي
ادعو قبل لاتجي انها ماتجيكم
واحمدو الله واشكروه على كل النعم الي وهبها لكم
في ناس ماتشوف
في ناس ماتشم
في ناس تتالم ماتنام
احمدو الله على كل شي
حتى الامان والطمانينه
وي الاخير ادعلي الله يرفع عني وعن اطفالي
ateen @ateen
عضوة نشيطة
يلزم عليك تسجيل الدخول أولًا لكتابة تعليق.
نفس الحاله معي اختي وسويت مثل ماقلتي بالضبط صحيح تنفع معي بس وربي احيان تجيني الحاله قويه مره
رحت وحللت وطلع عندي نقص حاد في فيتامين دال
تدرين اذا جلست فتره ماخذت حبوب الفيتامين ترجع لي الحاله
اقولهم ادمنت عليها شكلي
حالي الحمدلله تحسن مع الرقيه وايات السكينه والاستعانه بالله
ومع الفيتامين اختفت الحاله نهائي
بس اخاف اتعود على الحبوب وربي مدري هو حاله نفسيه وتعلقت بالحبوب والا صدق نقص فيتامين دال ياثر
الله يجعله اجر وتخفيف ذنوووب
رحت وحللت وطلع عندي نقص حاد في فيتامين دال
تدرين اذا جلست فتره ماخذت حبوب الفيتامين ترجع لي الحاله
اقولهم ادمنت عليها شكلي
حالي الحمدلله تحسن مع الرقيه وايات السكينه والاستعانه بالله
ومع الفيتامين اختفت الحاله نهائي
بس اخاف اتعود على الحبوب وربي مدري هو حاله نفسيه وتعلقت بالحبوب والا صدق نقص فيتامين دال ياثر
الله يجعله اجر وتخفيف ذنوووب
الصفحة الأخيرة
جزيتي عني وعن الجميع بالخير الدائم والشفاء العاجل