مرحبا يامهااات ..مرحبا يامربية الاجيال ...
الام مدرسه أذا أعددتها أعددت شعب طيب الأعراااقي ..
باامهات بناتك وعيالك امانه برقبتك انتي اللي تربينهم انتي اللي راح تنتجي ثمار تربيتك صدقيني ماحد راح يستفييد مت ثمرة تربيييتك الا انتي وعيالك ... كنا نحزن لما نششوف اطفال ايتام من الام وخصوصا البنات نقعد نقوول مسكينه هالبنت ماله ام تربيه ماله ام تعلمه وتنصحه نطالعلها بشفقه واذا حصلنا منها خصله سيئه نقوول مانلومه ماله ام توجهه للصح باختصاااااار الام هي مراية عيالها الام هي مدرسة عيالها الام هي الاسااااااااااااس ياامهات ..ط
اما اللحين نسال الله العافيه والهدايه نقول لبعض البناات لو امها ماهي عندها افضل من وجووده مربيته على الغلط وتساعده لاهي تركت الغير ينصح البنت ويوجهها للصح ولاهي اللي ربت بنتها التربيه الصح ....
الرسول صلى الله عليه وسلم ماقال شي من فراغ ( اظفر بذات الدين تربت يداك )
لانها هي الام وهي اللي مربية اولادها وهي اللي راح يامن عياله عندها وهي اللي راح تبني مجتمع كاااامل ..
نسال الله ان يجعلنا من الامهات الصالحات ..
انا اليييوم جايبه لكم مثاليييين لتربية امهااات لعيالهم اتمنى تستفيدووون منها والله انها وااقع هالمثالييين حقييقه عايشتها بحياتي والا الان وانا اشووف حصيلة هالمثالللين ..
المثال الاول وحده من قريباتي حرمه بصراحه لاتعليم ولاشي عايشه بقريه والله يابناات قريه هي وزوجها رزقهم الله بااولاد الام ذي مشهوود لها بقوة شخصيتها وبدينها القوي رغم انها ماتقراا ولاتكتب بس سبحان الله اللي يبي الدين يسره له الله حفظت القران وماشاء الله دينه ولاترضى بالغلط من ناحية الدين اولادها يدرسون فكانت تقومهم لصلاة الفجر واذا ماقامو ماتقوومهم للمدرسه تخليهم ناييمين تقول وش لهم بعلم الدنيا مادام علم الدين ماله قيمه عندهم وكانت شديده اذا صحى متاخر بعد طلووع الشمس وهو ماصلى الفجر كانت تشده وتضربه وتقوله صل قدام الناس بساحة المسجد وكانت تفشله ماصلى اليوم فلان تراني ماني راضي عنه طبعا هم بقريه والمسجد عبار عن مسجد بسيط والموجودين بالحاره اقربااهم وبيوتهم بعد بسيطه واذا جاب شهادته تفرح له وتقووله ياله يارب تفرحه بصحيفته بالاخره ويالله يارب تنفعه بعلمه يارب وتقوول لولدها فرحتي ياولدي ورضاي عليك ماهي صحيفتك الدنيا صحييفة الاخره ...
كبرو الاولاد وانتقلو للرياض يكملوون دراستهم طبعا عزابيه واخذو شقه وكان زوجي معهم بالشقه وكان يقوولي زوجي تدرين ان فلان يهاوشني اذا تاخرت على الصلاه واخذتني نوومه يقعد يحرجني بالحكي ويقول انت اكبرنا المفرووض تعلمنا مو حنا نعلمك ويقوول زوجي انه ماينام الا يصلي الوتر ولا يروح للدوام الا يصلي الضحى رغم انه عادي شاب كالشباب الا ان الصلاه اهم ماعنده هو واخوانه ويطرد اللي مايصلي من الشقه وسبحان الله توفت امهم الله يرحمها ويسكنها الجنه وتركتهم وهم توهم باديين بدراستهم الجامعيه ومع هاذا للحد يومكم هاذا وهم مثال للصلاه والدين وهم شباب لها متوفيه امهم عشر سنين وازوود واللحين عيالها اللي معها ماجستير ورتبه عاليه واللي درس بالخارج بعثه وخلصها له يومين جاي واللي دكتوور واللي وظيفته زينه بمنصب زيين والباقي يدرسوون الجامعه الله يوفقهم ..
امهم راحت وماهمتها شهادة الدنيا كثر ماهمتها شهادة الاخره وماشاء الله ظفرو بشهادات الدنيا وهم دراستهم بقريه ولاعندهم الامكانيات اللي تتوفر لعلمهم الا الصلاة والتوكل على الله ودعاء امهم الله يرحمه ..شفتو كيف تثمر التربيه ربتهم على خوفهم من الله وعلى المحافظه على الصلاه زرعت بقلوبهم حب الاخره قبل الدنيا وماتت وكملو مشوارهم وهم على اللي تربو عليه الله يحميهم ماشاء الله وينفعهم بعلمهم ...
اما المثال الثاني اللي له اسبوعينم وانا شايفته والله كل ماتذكرته حسيت بضييقه وقهر معقووووله الناس لحد الان على جهلهم وهم يظنوون انهم على علم وتطووور ..
وحده من قريباتي واموون واجد عليها زوجها قرييبي ومن محارمي لها بناات بصراحه شوي متحررات باللبس نصحتهن وماردن علي قلت لامهن قالت كل البنات كذا وعند الحريم عادي لبسن عبايات كتف وقلت ماله داعي العباءه للستر ماهي للبهرجه قالت امهن حللها الشيخ ومافيها شي كلمت البنات قالن ناخذ راحتنا بالتسوق قلت انتن لابزران ولاشي وش الراحه اللي بتاخذنها ماردن علي خاطري اكلم ابووهم بس ماموون كثير تركتهن وقلت مادام الام عندها علم وراضيه بسلامتهم انكرته بقلبي مع والله العظييم اني احس بغيره وقهر ليش بنات محافظات وامهم بعد معروفه انسانه محافظه وابوهم انسان غيور على دينه ومحافظ مارضى عليهم وخصووصا اني والله احبهم من قلبي قابلتهم باستراحه الاسبووع اللي فات عندهم مناسبه وماشاء الله معطي ربي بنتهم جمال وبياض وجسم لا اله الا الله بس للاسف مااستخدمت هاذي النعم بمايرضي الله مع انها طالعه قمر قمر ماشاء الله كانها عرووس الا ان لبسها فاتن طلبن بعض الحريم يسلمن على ابوهم وانا لاني من محارمه بسلم عليه جاء للمقلط اللي بالاستراحه وقبل مايدخل شفت البنت واقفه بالمقلط بصراحه خفت تفتن ابوها ( على نياتي ) ولانه مايجووز اللبس قلت لامها انه ابوها بيجي يسلم لايشوفها بالمنظر ذا ضحكت وقالت ايييه عادي مافيه شي وقفت مانطقت كلمه وحده ..
ذي تربيه بنظركم يابنااات ...الغلط من هو عليه تفكييري والا تفكييرهم الغلط معقوووله تتهاون الام بذا الشي
معقوووله في ناس تستهههين باجسام بناتها
اجل ليش نستغرب زنا الارحام اذا الحريم عادي من السره للسره على قولتكم ابوها وش مو رجال والا بعد الارحام عادي من السره للسره ..
الله يهدي الامهااات ويهديني لطريق الحق ويهدي كل بنت لطريق الحق ..
استغرب من الام يوم تقول ماقدر على بنتي انا ادري ان الجييل ذا رايه اللي يمشي ولكن انتي يالام عندك سلاح ولا كل الاسلحه عند حل ولا كل الحلوول قومي توضي وصلي لك ركعتين باخر الليل وانتي ساجده ادعي بصلاح بناتك وهدايتهن ادعي الله انه يعينك على تربيتهن والله ثم والله لو شديتي على بنتك بنيه صادقه وخووف من الله مع الدعاء لاراك الله العجب العجاب اللي يبي الخير يسره له الله بس حنا مره مرتين ونسكت ونضحك بوجيهن ولا بعد نمدح اللبس لو تجيبه البنت اللبس وتقول وشرايك قولي مالي راي باللبس العاري خليها تعرف انك مو راضيه بالشي ذا وكارهته وكل ماشفتيها لابسته طلعي دمعتين وقولي قدامها والله يارب ماني راضيه وكارهته من قلب وهي طالعه من ذمتي لباتحملني ذنبها خليها تعرف انها على غلط لاتعقدينها زي مالتقوولون ولاتقدرين تمنعينها وغيرها بسنها لابسه بس حسسيها بالذنب كرهييها باللبس ...
يارب ياحي ياقيووم اسالك هدايتي وهدايت اولادي وكل ام مسلمه يارب ..
يارب اعن الامهات المسلمات على تربية اولادهن وبناتهن التربيه التي ترضيك ...
اتمنى ماتزعلووون انا ماقصد ازعل احد للتنبيه فقط .....
لا فض فوك كلام صحيح ميه بالميه
غير ياقلب لا تحزن