الله يكون بعونك

لازم الرجال يقدرون ويتنازلون شوي
مافيها شيء الشغاله تطبخ

او جيبي قدر ظغط وتعلمي وزنية الرز والوقت والمويه

تسويه مضغوط عشرين دقيقه بعد مايضفر وطفي او مكرونه حمراء بالدجاج نفس الشيء

ومره ايدام بقدر الضغط وشوية رز مع قدر الضغط
يعني نص ساعه وانت مخلصه وخلي الشغاله تجهز لك كل شيء
والله يعين احنا الغداء كبسات اساسي والصواني وغيره عشاء
وانا وزوجي نادر السلطات لان احيانا بدالها احط ورقيات خس او جرجير وكراث
يعني نوعي والله يعينك تجين تافله العافيه مالك خلق وقفة مطبخ

اسمحي لي اذكر لك تجربة سابقة قبل حوالي سنة ويااااااااااااااااااارب تنعاد .. وقبل اي شي مبرووووووووك الوظيفة الله يعطيك خيرها ويكفيك شرها وصدقيني اذا رتبتي وقتك راح تنبسطييييييييين وتقولين ليتني متوظفة من زماااااااان ..
نجي للمهم المفرزنات فرزني الاتي وترى اكتب من تجربة ناجحة :
1 اطبخي عدس حق حوالي اسبوع خليه يبرد تماما بعدها وزعيه ع حسب عددكم في اكياس نايلون وع الفريزر
2 كشني كشنة حوالي 8حبات بصل وراس ثوم مهروس وحوالي 12حبة طماط نصه قطعيه ونصه اطحنية وخليها تتسبك مضبوووط وضيفي صلصة وملحي شوي
3 اطبخي حوالي 3حبات فول وضبطيها وزينيها وبرديها ووزعيها باكياس وع الفريزر
4 قطعي خضار مشكلة وكشنيها وحطي الموية ع حافة الخضار واضغطيها ربع ساعة بعدها برديها ووزعيها باكياس وع الفريزر
ا5 اللحم او الدجاج اطبخيه ف الليل وبرديه ثم ع الفريزر واذا جيتي حطيه ع النار وبعد مايغلي اكبسي والا تصرفي فيه مثل ماتبين
6 حتى الرز انقعه احط له مويه وادخله الثلاجة ومايتكسر ولاشي بالعكس يصير طويل بزيادة وينطبخ بسهووووووولة
7 البطاطس اشتري الجاهز المقطع بما ان عندك عيال عشان اذا مافيك تطبخين تقلين لهم باسرع وقت
8 اطحني بهارات , قهوة , وبهارات قهوة , بسكوت عشان الحلويات , حمصي خبز للسلطات , جهزي شيرة وحطيها بالثلاجة , لو عندك فواكه اعصريها وحطيها بعلبة ف الثلاجة , السلطات قطعيها وحطيها بحافظات بلاستيك و ع الثلاجة , البروست او الشاورما او صينية الدجاج كلها تقدرين تتبلينها وتدخلينها الثلاجة لين تطبخيها .
9 صلحي كيكة الزبادي وغطيها بحليب نستلة وجبن وموجيها بالشوكولاته وغطيها مضبوط بقصدير وع الثلاجة
كذلك نفس الشي للبسبوسة , الفطاير ماجربت افرزنها احس حلاتها طازجة ومع عجينة العشر دقايق ماتحتاجين تفرزنين لانها حييييييييييييل سريعة وتسوين منها اللي يخطر ببالك بيتزاء فطاير جبن خبز بلغاري زوارق لبنه اقماع دونات سينابون فطاير دجاج تونة سمبوسة فرن بالالة حقت البف قرون فلفل اللي يطري عليك .
10 الكشنة المفرزنة تساعدك ف الكبسات وف البيتزاء وف المكرونة وف الشوربات وف كل شي
11 واخيرا خلي عندك ع المجلى علبة بخاخ مليانة كلوركس وفيري وماء كل ماتخلصين بخي الاواني والمجلى والفرن وامسحي بالاسفنجة او المنشفة واستمتعي بمطبخ نظييييييييييييييف
خلصنا من سالفة الطبخ
واهم شي بيتك يكون مرتب وعملي مايكون مزحوم بالاثاث عشان مايضيع وقتك وتعبك واشتري الاجهزة اللي تساعدك والاهم من هذا كله الاذكار المعينة ع شغل البيت وحاولي تنامي بدري عشان يكون وقتك مرتب ونفسيتك حللللللللوة ياحلوة
وآآآآآآآآآآآآآآآآآآآآآآآآآسفة جدا جدا جدا ع الاطالة بس حبيت افيدك بتجربتي السابقة ودعواتك لي بالوظيفة الحكومية .