السلام عليكم ...

كنت أفكر فالموضوع وايد ....
وقلت أستشيركن يا خبيرات التجميل ...

تنصحوني بالعمل في هالمهنه .. ؟؟ كخبيرة تجميل ؟؟؟
علما بأني بدون دورة أعرف أحط المكياج .. وجربت أكثر من مرة علي وعلى غيري .. وكانوا يمدحون المكياج ...

أحس لو اني خذت دورة وتمكنت .. بكون ناجحه فالمجال ...

بس .. في سؤال ؟؟
هل هي شغله متعبه ؟؟؟
تاخذ وقت وايد ؟؟
ربحها على قد الشغل ؟؟ ومضمون وشهري ؟؟؟

وياريت لو بنات الامارات يقولولي .... بنجح ؟؟؟ خصوصا ان في وايد بنات طلعن هالايام ؟؟؟



ماعرف والله أنتظر استشارتكن ومشكورين
هاي الايام ذاع صيت البنات المواطنات وصاروا بالطلب والحجز

توكلي على الله اختي

والله يوفقج ان شااااااء الله


تحياااااااتي
انا بعد مع الاخت
والربح مضمون

بس عندي فكرة احسن

لان معظم البنات صاروا يحطون مكياج ومافي حد شاطر في التسريحات

ليش ما تتخصصين في الشعر يكون احسن لج

واظمن

والله يوفقج
اختي العزيزة السلام عليكم ورحمة الله وبركاته: فعلا الدراسة راح تصقل موهبتك وراح تخليكي تبدعي في مجالك وكفايه إن عندك حب ورغبة لهذا المجال وإن شاء الله ربي يوفقك
والمهم إنك تبدأي وتتوكلي على الله وترى مكسبها مضمون بإذن الله خاصة إذا عملتي شغل مميز وتابعتي كل جديد لأن هذا المجال يتجدد بإستمرار وكل يوم في صرعه جديدة وإنتي لازم تكوني متابعه فيه والله يوفقك
[center][size="6"][color="Red"]
( ان لم تستطع الاقلاع عن الذنوب فزاحمها باالطاعات )







اضغطي على الصوره لمعرفة لماذا حذف توقيعك .
انا مع الخوات في كل كلمة قالوها
انا خبيرة تجميل بس شغلي كله بالبيت وما اروح لأحد اي وحده تريد مكياج تجيني للبيت لاني متزوجة ومرتبطة بأسرتي صعبة علي شوي
بس اقولك توكلي على الله تراها شغله مربحة ومضمونه بإذن الله
بس الأفضل انك تاخذي دورة في التجميل ولو بشكل بسيط وما شاء الله الأمارت فيها اكثر من صالونومعهد ومركز يعلم هالمهنه
لأنه مهما قلتي تعرفي في المكياج لما تدرسيه بشكل صحيح بتقولي انا ما كنت اعرف شيء
ودايما خلي مكياجك مميز يعني في لمسة تدل على حسك في التجميل
وتابعي بإستمرار مجلات التجميل اولا بأول علشان تعرفي آخر صيحات الموضة في التجميل وتابعي برامج التجميل لأنها رح تضيف شيء لمعلوماتك ودايما ترددي على محلات التجميل علشان تعرفي آخر ما طرح في الأسواق من مواد تجميل
ودائما وابدا لا تستخسري انك تشتري ماكياج غالي لزبوناتك لانه الغالي ثمنه منه وفيه
بس احيانا في شغلات ممكن انك تستعملي اشياء متوسطة السعر
لكن اهم شيء كريمات الأساس والش\و سواء الأكوا او العادي اختاري من ماركات معروفة على الساحة التجميلية مثل كريولان و بن ناي و ماك وفور ايفر وستيج لاين
كل ماركة تتميز بشي معين
وركن الماكياج زاخر بهالأمور خذي لك لفه فيه بتلقي نفسك تكونت عندك قاعده واسعه من المعرفه ما شاء الله البنات خبيرات

ادري طولت عليكي بس حبيت افيدك من تجربتي اللي بداتها ولا زلت مستمرة فيها


والله يوفقك


الساعة الآن 08:54 .