استشارة عاجلة .. اخو زوجي تزوج هل لازم اجيب هدية لزوجته والا لا ؟؟

طبعا حبيبتي لازم تروحي تباركي وتجيبي هدية غاليه ( على حسب ماديتك )
عشان تبيضي وجهه زوجك طبعا ...

اتصلي عليها بالتلفون واعزميها في بيتك وسوي لها عشاء محترم وقدمي لها هديتك .. إذا في بالك تهدينها ..

طيب سؤال .. هل زوجك ساعد أخوه بالزواج ؟؟ إذا اييه ساعده واعطاه فلوس او اي شي فأنتي خلاص ماله داعي تهدينها ..

أنا اخو زوجي تزوج وساعده زوجي بمبلغ خمس ألاف ريال .. يعني خلاص ..

وأخوه الثاني غير لأنه تزوج صديقتي فأهديتها اسواره بحوالي ثلاث ألاف ريال, غير مساعده زوجي لأخوه ..

يعني على حسب حالتك الماديه , لا تضغطين على نفسك , وبعدين مده شهر طويله , كان اهديت اياه بعد الزواج على طول

إشتري لها ساعه أو أسواره أو عقد ناعم , واهم شي أهتمي بطريقة التغليف وجيبي معك صينيه شكولاته راقيه إذا رحتي تزورينها , واتفقي انتي وحريم العيال تروحون سوى

اذا كانوا اهل زوجك بسوون زي الاستقبال في بيتهم للعروس اوعزيمه اعتقد يكفي انك تسلمين عليها وتباركين لها
اما اذا كانوا ماراح يحطون
الافضل انك تتفقين مع زوجات اخوانه انكم تجتمعون وتروحون لها او هي تجيكم في بيت اهل زوجك عشان ما تحرجونها وتثقلون عليها
والافضل انك تهدينها
والف مبروك :icon28:

اذا مااهداه زوجك لازم تهدينها واذا مهديه اكتفي بباقة ورد والا شكولاته
وممكن انك تتواعدين انتي وحمواتك وتروحون لها او ممكن انك تعزميها في بيتك

شابورة
البندري محمد
الذبانة الدايخة
حبايب ريم
هلا بنات
شكرا لمشاركاتكم
اول شي انا نسيت اقولكم انه انا راح اعزمها هي واخو زوجي وابعملهم عزيمة
بس ما ادري اروح اباركلها في بيتها اول او لا

ثاني شي .. ايه زوجي اهدى اخوه حق سفرة شهر العسل كااااامل .. ما ادري اجيب فوقها هدية لها والا لا ؟؟؟؟
وابو زوجي بيعزمها في بيته قريب
والله ما ادري وش اسوي