لااله الا الله.
الله يعطيك العافيه ..

ياعمري ليه ماتشتغلين الشغل العميق مره وحده
يعني..،
شوفي طريقتي
انا قبل كل اخر شهر يعني قبل الرواتب
كل يوم امسك غرفه وحمامها
يعني السبت غرفة النوم التنظيف العميق من شبابيك جدران ترتيب وتنظيف التسريحه والكمكيمودينه كل شي بحمامها تكرمين
والاحد الصاله وحمامها تكرمين
الاثنين المطبخ كاامل بالحدران بالارفف بالثلاجه وهكذا

وخلاص من تجي العزبه يكون كل شي نظيف بس ترتيبها

وخلاص كذا ترتاحين
ومع التنظيف اليومي من تكنيس وتمسيح وشطف الحماملت تكرمين
وكل شي بوقته بترتاحين وتريحين بالك

وبعد اذا تبين حطي بكل حمام علبة بخاخ فيها ديتول مخفف ماء وسطل وماعليك الا تشطفينه بالمويه وبعدها رشي بكل مكان ديتول وبس
وحتى الايدامات من يجيبهم زوجك نظفيهم وقسميهم باكياس النايلون

وبس
اتمنئ اني افدتك 

ونسيت اقولك غسيل الملابس خصصي لك يومين بالاسبوع اذا كان عددكم قليل طبعا
والله يسهل عليك ياارب وياجرك
واوصيك بـ سبحان الله والحمدلله والله اكبر قبل النوم ثلاثين مره واكثر
وربي بتحسين براحه ونشاط وحيويه اذا صحيتي

السبت : كي الملابس + تنظيف الفرن ومن جوانب وداخل يعني عميق + اذا عندك زوايا في المطبخ مفتووحه مو مقفله تنظفيهاا
بأضافه الى ترتيب البيت ومسح الحمامات والطبخ
الاحد: اذا عندك مثلا دولاب للبخور او دولاب للضيوف يعني دولاب خارجي فهمتي على تنظيفيه +تنظيف الثلاجه عميق +طي الملابس
بأضافه الى ترتيب البيت ومسح حمام المستخدم والطبخ
الاثنين : تنظيف التسريحه ولوازمهاا + غسل الملابس + نفض ومسح كل الغبره والتحف الي في البيت
بأضافه الى ترتيب البيت ومسح حمامات والطبخ
الثلاثاء : كي الملابس +طي ملابس + تنظيف سله البصل والثوم + كنس كل فرش البيت
بأضافه الى ترتيب البيت ومسح حمام المستخدم والطبخ
الاربعاء: متابعه ترتيب دواليب الملابس ودواليب المطبخ + تنظيف البراده ومسحهاا
بأضافه الى ترتيب البيت ومسح حمامات والطبخ
الخميس : مسح بلاط البيت كامل حتى المجالس + مسح الابواب
بأضافه الى ترتيب البيت ومسح حمام المستخدم والطبخ
الجمعه :غسل الملابس +نفض ومسح كل الغبره والتحف الي في البيت
بأضافه الى ترتيب البيت ومسح حمامات والطبخ
هذا جدولي
الي ساعدتني في تنظيف البيت ايش
اول شي الفرن انظفه واغطيه كله حتى الزجاج بالقصدير وكل سبت انظفه مرات عميق ومرات مرور الكرام لانه نظيف
زوايا المطبخ مخليهااا فاضيه على طول امسحهااا بمنشفه مبلوله
الثلاجه كل مااستعملتي شي رجعيه محله واذا تبقعت من اي شي على طول مسحيهاا
التسريحه خلي درج للاستعمال اليومي بس والباقي رتبيه ززين
خذي من فنيله ابو الشباب القطنيه واغمسيها بس مو كلها بمويه وشويه ديتول ومعطر ملابس عشان ايام تمسيح الغبره وتنظيفه جهه للمسح وجهه للتنشيف
سله البصل نظفيها زين وافرشي مفرش تحتهاا وحطي البصل بعد ما توخرين قشوره المتناثره
كنسي كل الفرشات حق البيت بس قبلها نظفي المكنسه وحطي فيهاا مسك عشان الريحه
اي شي تغسلينه على طول تطويه من الملابس والي تحتاج كوي خليه ليومه في سله داخل الدولاب
بلاط البيت انصحك في الممسحه الدواره بصراحه رووعه
اي بقعه على طول مسحيهاا ببمسحه ويوم الخميس مسح البيت كامل
الحمامات في الحمام المستخدم اليومي حطيت علبه مطهر داك مخلوط بكلوركس ومساحه ومكنسه للدعك وانتي داخله الحمام اشطفيه واطلعي مايحتاج مجهود مرره
الابواب وانتي فاضيه جيبي منشفه وبخاخ حق الخشب ومسحيها كلهاا بتقولين تعب بس مث لكل باب دقيقه واشتغلي بسرعه بترتاحي
النوافذ كل شهر مررره غسليهاا تغسيل كامل
والمكيف امسحيه من برا بمنشفه مبلوله بمعطر الي تحبيه واخر الشهر طلعي كل الابواب حقه وغسليه عميق
الخضره اول مايجيبها زوجك افرزيها زين وقطعيهاا وقسميهااا على ايام وبس
ويارب اني افدتك بشي
وابي منك دعووه اني اكمل دراستي اذا مو هذا الترم الترم الجااي محتااجه هذي الدعووه مررره

أنا تقريبا توظيفي الأسبوعي لان عندنا غبار وعلى طول يتكوم ويصير مدخل بيتي مؤ تمام وانا بعض الأشغال احتياطي بس ولاغرفه النوم والإدراج والخزائن كل شهر الترتيب ومحدده يؤم لها