أنا عني اشتريت مره موبايل من واحد من المنتديات مب هني...وبعت نظاره حق وحده من خلال منتدى ثاني...والحين ان شاء الله لي تعامل مع الأخت( طائر الطنان ) أرسلتلي الفلوس وأشكرها على ثقتها الكبيره وبإذن الله باجر بييبلها الأغراض من الشركه...
يعني فيه نسبة ربح من خلال المنتديات بس مب وايد مقارنة بخارج المنتدى طبعا...
المواقع الإعلانيه أي المتخصصه في الاعلان تربح أكثر من خلال تجربتي لأن الأشخاص اللي يدشونها يكونو جادين أكثر وأنا بعت وايد من خلال هالمواقع...
يعني الى الان اللي ردوا يقولون نسبه وجود الربح من هالمنتدى تكاد تكون معدومه صح ..؟

اكيد خارج المنتدى .. بيكون فيه ربح اكثر وانا اقولكم ليه ..

ولفرضيه انا عندي بضاعه .. عرضتها في المنتدى :

الردود بتكون كالتالي :
اما عبارات شكر وبالتوفيق والبضاعه حلوة ..

او طلبات على غير سنع بدون شرى ..

ومانلوم الاخوات لانهم بيكونون مترددين 90% بالميه والاسباب كالتالي :

1\ خوفهم من عدم مصداقيه التاجرة .. وممكن تضيع فلوسهم على غير سنع ..

2\ غلا سعر البضاعه وممكن يلاقونها في مكان ثاني لو دوروا او يوصون احد يعرفونه ويكون السعر اقل .. لان الشعر مايشمل بس البضاعه لا بيشمل سعر التحويل وعموله التاجره ..

3\ عدم تاكد العضوه من جوده المنتج وماتبي تجازف وتشتري شي ماشافته على الطبيعه .. مثل الاقشمه والعطور وغير وغير ..

وغيرها ن الاسبااب ..

لكن انا لو بعرض بضاعتي عند جمعة اهلي مثلا :

بيكون الاقبال اكثر ناس :

1\ الناس يعرفوني وواثقين فيني ..


2\ شافوا جوده البضاعه وعاينوها عن قرب..

هذي ابرز الاسباااب ..

انا الان ياتاجرات .. ابيكم تتكلمون عن هل فعلا ربحتوا من المنتدى ؟؟؟
على حداثة عهدي في هالقسم إلا اني جربت الاثنين ( البيع والشراء )

بعض الــبـنـات هنا ماشاءالله عليهم ثـــقــــه وتـــــعـــامــ ـل روعــــــه

وبعض البنات يمكن يرغبون بالتعامل مع التاجره لكن تكون ظروف قاهره .... ناخذ الموضوع معهم بحسن النيه لأن الله أعلم بظروف البشر ....
إما انه ماتوفرت معها الماده .. أو الوقت مو مناسب .. أو ماعندها أحد يرسل الفلوس للبنك ويدخلها بالحساب .. أو ماعندها أحد يجيب الأغراض اللي اشترتها وتكره انها تنتظر يمكن تخرب البضاعه ...
وأحيانا تغير رايها يمكن البضاعه ماناسبتها ومافيها شي .. طالما أنها ماحجزت وتعبت التاجره وهي تطارد وراها ( وهذي النقطه الخطأ ) .... وحلها بنظري تكون بإلغاء الحجز إذا ماردت عليك عدة مرات وتصريف البضاعه طالما المشتريه ماردت ولااعتذرت ....

أوقات أنا نفسي أمر ببعض هالظروف وأطلب معلومات وودي بالغرض لكن ظروفي تمنعني في الوقت هذا وما أبي احجز الشي واتعب التاجره معي لذلك أقول خيرها بغيرها وان شاء الله يمر وقت مناسب واقدر اطلبه مره ثانيه ...

أما الربح غالبا برا النت أكبر ... وهذا برأيي شي طبيعي ..... لأنك في النت تحاولين تخفضين تعملين حساب الشحن لأنه أحيانا مكلف ... بس هذا مايمنع انك تتاجرين في النت ... بالذات ان كان ماعندك مكان تصريف ثاني للبضاعه لقلة المعارف مثلا أو كنتي بدون عمل وحابه تشغلين وقت فراغك ...

واستخدام التقنيه في اشياء مفيده حلووووو ...

والخلاصه ...
لما تكون البضاعه حلوه وتتعرفين على ناس يستاهلون التعامل معهم .. ليه لأ ؟

يشرفني كل من تعاملت معها سواء بالشراء أو بالبيع خوات وغاليات علي

وأنا أشجع على هالمشروع
يابنت يافاضيه ياسهرانه تعالي هنا (لقاءنا الليلي مع الكريم)

¤تقبل الله دعواتكم وصيامكم وقيامكم¤

~*¤ô§ô¤*~ كل عام وأنتم بخير ~*¤ô§ô¤*~

(¯`·._) (أعاده الله علينا وعليكم بالمسرات) (¯`·._)


الساعة الآن 06:22 .