تعبت من حياتي الميؤوسه منها انصحوني

السلام عليكم

مالكم بالطويلة ببتدي ع طول بداية حابه اقولكم عن بعض المعلومات عنا عشان يتسنى لكم الفهم
تزوجت عمري 15 وزوجي يكبرني ب9سنوات ومضى ع زواجنا سنتين ونصف وانجبت ولد والحمدلله رزقني الله بالجمال ووهذ الشي يحبب زوجي لي وكنا براحة واستقرار ونحب بعض ماشاء الله تبارك الله ربي يخلينا لبعض

راح اذكر لكم ايجابيتنا وسلبياتنا

انا...طيبه احب الرومنسية والسوالف وعنيدة ومستفزة وحساسه واشوف نفسي دايما إن انا إلي ع حق حتى لو كنت انا الغلطانة وغيوررة جدا ع زوجي اغلب مشاكلنا بسبب الغيرة
زوجي...طيب واناني يحب الطلعات وجمعة الاصحاب والتي وفي والنت جلسته معي بالبيت يعتبرها إنه جلس معي ومو مقصر معي وغيور علي

بس في الفترة الأخيرة تقريبا قبل 3شهور كثرت المشاكل والخصام ع اتفه شي نتخاصم ونكبر السالفة وصياح وحالة مثال واقعي///
زوجي كثير الجلوس ع اللابتوب وكثير الطلعات وخاصة يوم الاربعاء والخميس لاهو يعرفني ولا انا اعرفه ومع الدوام والنوم مايبقى لي وقت فاحيانا اطلبه يجلس معي وهو منسجم مع اللابتوب وانا أزن فوق راسه لين اشبع وبعدها ابوزم واطنش وزوجي يسألني ليش الزعل واقله إلي بقلبي وانك مقصر ومن هالكلام ويزعل ويقول ماعندك اسلوب وانا اجي ارد عليه بعشر وبصوت عالي وهو بعدي بصوت عالي وهواش بالدور وزوجي يعصب إذا زعلت منه وجلست اصارخ عليه وخاصة إذا هو شايف المشكله تافهه لدرجة يجلس يضرب نفسه عشان لايضربني واحيان يكسر الاغراض ويركل الدولاب وانا استفزه اكثر واذا حسيت إنه بيضربني او بيرميني بشي اهرب الغرفه الثانية واتقفل واجلس ابكي واريح شوي وزوجي يجلس ربع ساعة ويجي يراضيني وبالغصب ارضى واحيان انا ارضيه وبعدها نجلس نتفاهم بهدوء
يعني مانرتاح إلا بهواش ونجرة انا عنيده مرة وهالشي يضايق زوجي واغلب المشاكل ااشوف إن انا الصح وهو الغلطان بس خلاص تعودت ع المشاكل والبكا ما اتعض و ما ارتاح إلا كذا وإذا تركنا المشاكل فترة احس شي ناقص بحياتي احيان افكر اعرس زوجي عشان يرتاح بس اخاف اجني ع نفسي واحيان افكر بالطلاق بس استغفر ربي لأني احب زوجي وما ابغى ابني يتشتت زي ما انا اتشتت واخاف زوجي ياخذه لأنه متعلق فيه واحيان افكر انتحر بس اقول انا الخسرانة وراح اخسر رضا الله و الجنة واحيان افكر إننا محسودين
وقبل 3 ايام قلتله اني ابغى نفترق وبخلي ابني معك وبشوف حياتي اقولها بمزح بس زي مايقولو مزحة برزحة وقتها لو تشوفون كيف جلس يطالع فيني انصدم مرة بس علطول قلت امزح امزح مستحيل اتخلى عنك وغيرت السالفة وموقف ثاني ذكرت له الطلاق قالي لعد اسمعها منك

الحين برايكم مين تحسون الغلطان انا ولا زوجي؟؟؟
كيف اقدر احسن من حياتنا؟؟؟
كيف اجذب زوجي لي؟؟؟

وفي الآخير ابغاكم تدعون لي ان الله يسخرنا لبعض ويبعد عنا المشاكل ويهدينا ويحفظ لنا ابنا

بنات اعذروني إذا كتابتي ملخبطة لأني اكتب من الجوال:3_3_103: