المعلمات المستجدات والقديمات (( اجتماع وتبادل خبرات))

قمة الاحباط يعني 16وحدة ومالقيت اي رد


:(

وعليكم السلام ورحمة الله وبركاته ..

مشكورة بوح على طرحكِ للموضوع ونتمنى يكون التفاعل بين الاخوات لتعم الفائدة للجميع ..

تفضلوا هنا ..

إن شاء الله يفيدكم .. :27:

ولا يهمك حبيبتي
معلمة لغة عربيه ابتدائي صفوف عليا
عندي خلفيه عن مادة العلوم
موكل لي اعمال المكتبه
والي عندها استفسار انا حاضرة

ومشكوره بوح على روح التعاون الي عندك

بوح حبيبتي بشريني شكلك توظفتي

السلام عليكم
بسم الله نبدأ

( حقيبة المعلمة )...............................................

احضري ملف حلو بناتي مو تشتري حقات الأرشيف (هذا اذا تبغي شغلك مرتب وحلو ....وكل انسان شغله يعكس شخصيته ) وبعدها اشتري الجيوب الشفافه الخاصة بالملفات وتجي مخرومه ....الحين اطبعي على الكمبيوترعناوين ملونه
1ـ سجل المتابعه
2ـ سجل الدرجات
3ـ اشعار مواد التقييم
4ـ اوراق عمل
5ـ اختبارات الطالبات
6ـ اعمال اخرى (في حال كان عندك انشطه او افكار مسويتها وحابه الموجهه تطلع عليها)

بعدين اسحبي كل عنوان على ورق لاصق والصقي كل عنوان على احدى الجيوب وضعي كل سجل او عمل داخل الجيب المناسب وما تنسي تلصقي عنوان الملف على الغلاف.....راح يكون ملفك قمة النظام والترتيب
بما ان التعاميم كثيره راح نحطهم في ملف مستقل
رتبي التعاميم الي عندك حسب التواريخ وسوي لهم فهرس .....واطبعي للغلاف عنوان( ملف التعاميم ) واسمك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لتحفيز الطالبه على حل الواجب
اطلبي من كل طالبه تطلع سجلها وتكتب عليه بخط يدها ( انا وعدت معلمتي ان انفذ واجبي باستمرار وسأفي بوعدي لاني مسلمة ) انا شخصيا جربتها فعالة جدا وحتى لو جت ما نفذت لا تصرخي عليها او تعاقبيها لكن بكل هدوء خليها توقف وتقرا العباره


صندوق الهدايا

روحي السوق واشتري هدايا رخيصه ومنوعه واترسي الصندوق منها وبعدين فرجي الطالبات عليه .....وعطيهم خبران هذا للمجتهده والي تحافظ على واجباتها
لكن امانه ابعدو عن محل بو ريالين لان اغراضه تتكسر بسرعه والبنات تتكسر قلوبهم معاها

الصندوق ممكن تغلفيه غلاف الوانه جذابه للاطفال وتكتبي عليه بخط واضح صندوق الهدايا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الأم لها دور كبير في مستوى بنتها ......البنات المتميزات في موهبه معينه او ممتازات او خلوقات المهم فيها حاجه ملفته للنظر اكتبي لامها رسالة شكر ممكن تطبعيها على ورق عادي وتلفيها بشكل اسطواني وتربطيها بشريطه وترسليها مع البنت ..........هذا حافز كبير للأهل وانتي الي راح تجنين الثمار