كل الي تدخل الهه دعوه في ضهر الغيب

السلام عليكم خواتي انا قصتي طويله عويصه للاسف حياتي راحت هدر ورزقنه راح وانقلبت حياتنه قلب
كنت عايشه بلسويد ازوجت هناك وولدت اطفالي هناك وعشت سبع سنين ولكن شاء القدر ان نغير مكان سكنه وبيوم وليلة وبعد عناء وتعب انتقله على لندن بس كلشي راح بيتي راح اغراضي عفته بلشقه وهجينه منهه بيوم اضلم شغل زوجي تركه وهسه عايشين بلندن منتضرين المساعدات دفعولنه بس الايجار ولسه ما دفعولنه مصروف صارلنه شهرين بلندن
طولتهه عليكم وهيه قصيره
انا لما صارت مشكلتي رجعت عله بلدي لكن لاحضت الناس كلهه ادور مصلحتهه ومحد وگفلي مع العلم انو احنه طول عمرنه اني وزوجي ماخلينه احد ماساعدنا اتصورو حته اقرب الناس الي يردون بس ينهشون بلحمي ويفكرون بشنو راح يستفادو وبشنو راح يتضررو
اما الشماته اففففففففففف شحكيلكم عنهه كلهه تشمت لانه اني كنت عايشه احسن منهم وعيني مليانه بس مااگول غير الله يسامحمهم
المهم اني اريد هسه ابريطانيا اوگف على رجليه من جديد واتطور واتعلم واستغل وقتي وادرس واريد منكم مساعده انكم اتنوروني شلون استغل قعدتي بلبيت واستفاد منهه
شنو احله واحسن العنوان الي ممكن ادرس بيهه انگلش من البدايه للاتقان
الله يوفقكم واي وحده ترد وتساعد راح ادعليهه من قلبي لان بجد محتاجتكم تساعدوني علشان نفسي وعلشان اكسر عيون الشمات وارجع احسن من الاول.