ابوي يهدنني يرميني بمستشفى شهار

سلام عليكم ورحمه الله وبركاته
اخواتي بطرح لكم جانب من معانتي ويعلم الله لو بكتب كتاب كامل ومجلدات ماراح اوصل لكم ربع معاناه الي عايشتها بحياتي
بكتب لكم بعض والقليل من معاناتي بهذه الحياه
انا بنت من اصل 4بنات ابوي تزوج امي رحمها الله وطلقها وانا عمري سنتين واخذنتني زوجه ابوي وابوي تربيت عندها وانواع المشاكل والهواشات وتربيت طفوله متعبه وشقيت كثير بحياتي وبعدين استقرينا ببيت لحالنااا امام بيت والدي وزوجته وعياله
الي صار يابنات وبحكي لكم شوي من المعاناه يمكن ا حس ان في احد بهالكون يحس بالي اعاني فيه وشقيانه والله العظيم
ابوي هذا مايحبني دائمن من بين اخواتي وينعتني بابشع الالفاظ دام ادائما وكلام كثير ودائما احس الكره ناط من عيونه ومبين عليه مثلا بقولكم
اذا تخاصمت مع واحده من اخواتي ينزل من عند حرمته مدرعم اذا سمع الصوت على طول يضربني ويهاوشني وينحاز لاختي الثانيه حتى من دون مايسال من الغلطان وهو عارف انها غلطانه وعلى طول يسحبني من شعري ويتكلم علي
واي مشكله يسبني ويقولي يامريم الغضبان يابرميل الزباله لان طولي 165 ةةوت ووزني ثنين وسبعين يعني مو زايده مره كرهني بنفسي ولما اقوله ودني موعد للمستشفى مايوديني مع ان وجهي طلع فيه حب شباب كثير والله يابنات شايف حاله وجهي واقولهودني بس موعد يرفض يقول اشوف اشوف وزوجته وعياله يوديهم المستشفيات الخاصه وانواع الجوالات واقسم بالله ماعمره صرف علي ريال واحد من الى كل شي شريته من فلوس يعطوني خواتي من حوافزهمم ولا مره مد لي بريال واحد وبرمضان كسى عمتي وعيالها لكل شخص 600 واخواتي قالو مانبي كسوه بناخذ من حوافزنا وقالو باقي اختنا الي هي انا ماعندها فلوس ولا حافز ينزل لها اعطيها وماعطاني وبعدين كلمته اختي وعطاني 300 بس وجلس ينافخ ولما جيت اخذها منه يعطيني ياها وكان ماله نفس يسحبها سحب من يده ولاوده وجلس ينفخ وخواتي لاحظو هالشي ويقول هاه شوفيني عطيتك 300 والله ماتلاقين اب زيي يعطي بناته
مره حارمني من المصروف ولاشتكيت ولاطالبت ابدا ولاقلت جيبلي ولا اعطني زي عيالك ابدااااا ساكته وصابره مع ان مانيزل لي لاحافز ولاشي وهو عرف انهم ماينزلون لي حافز وصار ينافخ علي اكثر ويتمصلح مع اخواتي لانهم يعطونه نص حوافزهم
ودائما ا حاول اتقرب منه بس الكره مايقدر يسيطر عليه مره رحت معه للمدرسه عشان اقدم ملفي وجالسين نسولف بالسياره قلت له شفت الوحه يابوي قال ايه شايفها شايفه انتي ماح د يقرى ويكتب غيرك قلت لا والله انت ذكي معروف عنك مشاء الله سواق من زمان وارفع فيه واتقرب منه وهو حاقد وينافخ علي يقول انتي ع طلتيني عن شاغالي انا ماني فاضي لك وينزل يشتري لبن يقول عندكم لبن نتو يقصد انا واخواتي قلت له لا والله يقول مامعي بجيب علبه بس ويجيب لعياله ومايشتري لنا وكله وانا ساكته وماتكلمت ابداا غيره كثير كثيره مواقف ماتعند ولاتحصى بس هذي الي صارت موخرا اليومين ذي
امس جى وانا كنت نايمه على السرير وجا جلس على كرسي جلس يسب ويتكلم علي ويقول يابرميل الزباله يامريم الغضبان ويتكلم يقول موخرتك كانها كفرات مرسيدس والله بكيت بكاء يابنات واقسم بالله وجا يدف الباب لولا اختي قفلته وكان يبي يضربيني لاني قلت اله ا لله ينقم لي منك ياظالم وجلس يدف الباب بالكرسي بقوه ويسبني ويقول والله ل ارميك بشهار واقولهم مجنونه ومحد بيكذبني بيصدقوني
لان امي كان عندها اكتئاب بسيط ويقول بقولهم ا نها طالعه لامها والله يابنات والله العظيم صار يهددني بهالشي طول الوقت وكلامه كله جارج جلست ابكي لين احرقتني عيوني واختي تصبر فيني تقول حرام عليه شفيه عليك والله يابنات دعيت عليه من حرقت قلبي ومن الظلم عمره ماحسسني انه ابوي مع ان عمري ماسات له ابدا ولااطالبه لابفلوس ولا بصرف ولا بحب وحنان وهو كل شي كل شي يجيبه ليعاله من زوجه ابوي لو يطلبون لبن العصفور والحب والدلع ومراعاه المشاعر لهم وانا محرومه من اميمن وانا صغيره عشت محرومه من كل شي ولاطالبته بشي بس ليه يجرحني ليه يهددني بمصير مجهول ومظلم وش سويت له ا سائله كثيره ببالي ليه يكرهني ليه يعاملني كذا ويحلف ويطلق انه بيرميني بشهار لاني قلت الله ينتقم منك ياظالم شخص ظلمني مادعي عليه ليه يعتدي علي ويعايرني يقولي يافاشله لاني وقفت سنه عن الدراسه وبرجع ع هالسنه اكمل دراستي ويعايرني بشكلي وبدراستي ويتكلم علي يقول يابرميل زباله قصده شكلي ودائمن يقلل من شاني ويحسسني اني اقل من غيري واي مشكله تصير بيني وبين اخواتي واكون انا طرف فيها يجي من فوق ومعصب ويطلع حرته فيني ويضربني والله العظييييييييم انه اختي يوم تسبني وقت المشكله ا حسه يتشفى وينبسط ويم تتفل عليه مايقولها شي يسكت ويسوي نفسه يمسكها ولايهزئها ولايقولها شي بس انا لما اتكلم واسبها وادافع عن نفسي يهاوشني بقوه ويقول اوووووووووووووووووص انطمي والله لارميك بشهار زي الكلبه والله لاخليك منومه بالمستشفى واخلي دمك ئش سائل
انا تعبت ساعدوني والله العظيم مابي لافلوس ولاصرف ولاشي ابي احس اني انسانه واقسم بالله هذي جزئمن معاناتي مع هذا الاب الظالم وفي اشياء كثثيره لو بذكرها يبيلي ايام مع المعاناه انا وش سويت له
تخيلووو حتى مقاضي مايوديني اشتري اغراضيو اذا رحت للبقاله الي يم بيتنا ا شتري يرجع يهاوش ويخاصم ويتكلم علي يقول برميل زباله تبين الاكل انتي
شوفو معاناتي واحكمو وا سالكم بالهل تدعون لي صار يهددني الفتره الاخيره بكثره وتسلط علي بشكل قوي
للمعلوميه ابوي رمى جدتي بدار العجزه عشان ياخذ ضمانها الاجتماعي الي تصرفه لها الحكومه ووخلوها تبصم على اوراق تنازل عن الاراضي ونصيبها منها
واهمل اخوي الكبير الي من امي لحد ماخويانحرف ومرض نفسيا وجسديا والان راميه بالسجن وماسئل فيه ويصرف ضمانه وفلوسه الي تعطيه الدوله وا لحكومه ولاسال فيه واخوي يتصل فينا يبكي وابوي يتهرب منه مايبي يطلعه من السجن ولايتنازل عنه واخواني من زوجه ابوي مهما يسوون مايرد لهم طلب ويخاف عليهم من نسمه الهواء
بنهايه رمضان قمت من نومي بروح للحمام والتوت رجلي وطحت وجاني تمزق بالقدم اليوم الثاني كلمته اختي قالت له اني طحت وكذا طبعا كان نازل السوق مع زوجته ووخذاني بطريقه طول الطريق يهزئ فيني تخيلو بنات اصيح من الالم رجلي متمزقه والله على ماقول شهيد وابكي يخاصمني يقول ليه تطيحين انتي مو صغيهر تطيحين
ماتشوفين انتي ماتركزين وينفخ علي يولمح اني خربت عليهم ليله العيد ومانزلو السوق وقضو مقاضي ووداني وراح وبعدين حنا كنا بنعيد بجده
والله العظيم ماقدر امشي واقسم بالله رجلي متمزقه القدم ولااقدر اتحرك ومنتفخه رجلي جلس يهاوشني يقول تنزلين جده وتمشين على عكاز وجابلي العكاز وانا نايمه على لاسرير ورماه عندي ويتكلم معي باسلوب وقح يقول ت مشين انا رجال كبير انكسرت رجلي ومشيت لا تمشين اناابكي واقوله انا ماقدر امشي واختي قالت له حرام عليم تتمشون وتنبسطون والبنت رجلها متمزقه انا بجلس معها خلاص وانتو رحو رفض وحقد علي وكل شي ينزل يهاوش انتي خربتي على بيت كامل واختك من زوجه ابوك ضعيفه تبكي تبي تتمشى بجده والله يلعنك يالفاشله يالي ماكملتي دراستك واللله لارميك بشهار وانا باكي ومرهقه نفسيا واقسم بالله تمنيت اموت لحظتها من وين ا لاقيها من وجع رجلي ولا من وجع كلامها الي زي السم وعلى الطالعه والنازله تهديد بشهار والدكتور قايل ماتتحرك اسبوع لحد مارجلها ترجع لحالتها لاطبعيه وهو سامع هالشي باذنه من الدكتور لما جا ياخذني
اعذروني ع بعض الاخطاء الاملائيه اكتب ودموعي تتساقط ع الكيبورد
الكلميه الاخيره صار يهدنني بشهار وكل كلمه والثانيه بوديك وارميك بشهار ؟ معقوله بيكون مصيري شهار بين المجانين ؟؟؟؟ هل هذا مصيري حقا بهذه الدنيا