هل من الخطأ أن اكتفي بدور أم .. وزوجة..وربة بيبت فقط

السلام عليكم أخواتي الحوائيات

أنا أنا وحدة كنت ما أتخيل نفسي أجلس في البيت يعني مابين دراسة وتدريس وهكذا وكنت انسانة متفوقة وخطي جميل ووهوايتي القراءة والكتابة .. وكنت أعشق التدريس وأحلق في آمال التربية والتعليم وأحلم بأن أكون مربية الأجيال تلك التي يشار لها بالبنان .. انها المعلمة هههههه

لكن الآن توائمت (إيش رايكم بس حلوة توائمت ) هههه
لكن الآن توائمت بشكل أكبر مع شغل البيت رغم ما عندي غير طفل واحد والسنة الي فاتت خلصت دبلوم في نفس تخصصي
هذه السنة ما ابغى غير البيت .. خلاص انعدم الطموح .. مات ..وصار مالي خلق لا دراسة ولا تدريس ولا شغل .. ابغى البيت وبس ..حتى خرجات بس آخر الاسبوع وراضية .. احس كرهت حياة الجري واللهث مع الدوام أقوم الصبح وألبس وأركض وارجع من التعب مافي حيل أقوم بشغلي .. شغاله ما تعودنا رغم نفسي احد يساعدني..

المهم فقررت ان اكون بيتوتية .. انظم أهدافي لنفسي .. مابين قراءة ورياضة ورعاية ولدي وغيره طبعا مع شغل البيت .. الخ
وحاسة بنوع من الرضا النفسي الا انه تجيني حالات من الاكتئاب الحاد واكره البيت وأحس لازم اختلط بالناس واشتغل لكن ماتطول الحالة أجلس أصبر نفسي واتذكر الهلاك الي كنت عايشته وأرضى بالامر الواقع وأذكر نفسي انو مافي راحة بالدنيا ...
يعني باختصار مرتاحة على الوضع تقريباً

تجيني حالات أسأل نفسي هل أنا صح ؟ هل كدا أنا راضية عن نفسي ؟ هل أنا انسان مفييدة؟ كائن منتج ؟ ما أدري


وتجيني الصدمة من احدى قريباتي .. تقولي وضعك مو عاجب أبداً
أنا تنحت
تقولي : يارب تهمي وتشوفي لك صرفة ماجستير

على فكرة أنا حاولت أسجل ماجستير بس ما انقبلت ولغيت الفكرة خلاص احس مالي خلق ما ابغى دراسة ولا شغل

المهم هادي الانسانة انا متأكدة قصدها خير وتحب الخير لي لأنها كانت تشوفني شي ممكن يطلع منو شي رائع (فسروها عاد) فتحس إنو آمالها خابت فيني ..

لكن كلمتها صدمتني جداً وحسيتها زي الصفعة .. هل أنا صح .. أريد أن أكون ربة بيت .. فقط.. مهنتي أم .. فقط ..هل أنا خطأ ..
خاصة نحن في مجتمع ينظر بتقدير (متفاوت نسبياً قل أوكثر )لمن تدرس أوتشتغل
وبشيء من الدونية للأسف للمرأة البيتوتية (يتفاوت نسبياً قل أوكثر)

فما رأيكم .. أشعر أني مشوشة