السلام عليــــــــــــكم

ياهلا والله بريحة القصيم
تفضلوا عازمتكم على قهوة وكليجا <-- إشتهيت كليجا


قبل ( ماأحتسي ) وعشان ماتحسبوني أمدح عشان أبيع ..
تراني والله لا أبيع ولا لي عمولة ولا عطتني تخفيض عشان الدعاية


هذي وحده بالقصيم.. تسوي بهارات وغيرها..

أنا من زباينها إللي ماااااااانستغني عن منتجاتها لأنه..

لابهارات إلا بهاراتها
ولا حناء إلا حناها
ولا.....................

وأسعار بلاش!

ونظافه ماتتخيلونها!

شغالتها مستحييييييل تلمس أي شي من إللي تسويه.. هي تنقي وهي تنظف وهي تعبي وهي كل شي..

ولاحتى بناتها مع إنهم موسوسات بالنظافه مثلها حتى لو كانت تعبانة ماتخلي أحد يساعدها حتى!

لو أقولكم وش تطلع من الحناء لما تنقيه كان حلفتوا ماتشترون من أحد حناء مطحون

هونت بقولكم عشان تحوم تسبودكم مثلي <-- الله يعين على الدعاوي ههههههههههه
طلعت منه: حصا.. و.. الله يعزكم وصاخة خرفان.. و.. صراصيــ<--كملوها





المهم هذي قائمة بالأشياء إللي عندها:

* بهارات ( بعلبة حجم 400 غرام يعني قد علبة حليب الأطفال) : 10 ريال!

* ليمون أسود مطحون ومجهز (بعلبة حجم 400 غرام) : 15 ريال!

* كركم أصلي أصلي أصلي (علبة) : 10 ريال!

* قرفة (كيلو) : 15 ريال!

* زنجبيل وهذا عندها نوعين:
زنجبيل ساده (علبة) :10 ريال!
زنجبيل مع زعفران ونعناع (علبة) : 15 ريال!

* حناء ( علبة 1800 غرام يعني قد العلبة الكبيرة لحليب البودرة) :25 ريال!

* خلطة لتثبيت لون الحناء بالشعر..خاصة للشيب (علبة) : نسيت كم سعرها







إللي تبي رقمها ترسل لي عالخاص وأبشروا فيه
ولو مو ممنوع كان أحط رقمها هنا عشان ماأتعبكم

السعيد من يحمل جوه معه..
لايهمه إن كانت السماء صحواً أو مطراً...!





*
لا
أقبل
الــــرد
مــــــــن
الرجـــــــال

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

ماشاءالله اسعارها حلوه

الله يوفقها ويقويها



تحيتي
نور@القلوب
يعطيك العافيه
بس ممكن الرقم؟
يا حبيل القصمان حبيلالالالاه ..

عطيني رقمها أذا كانت بالرياض .. وأذا في القصيم بريدة .. كمان عطيني رقمها ..

وعلى قولتس الحنا .. أي والله أعرف ناس يقولون .. والله الحنا اللي ما ينظف .. وينقى زين

قبل ما يطحن .. يصير مليان جنحان صوارير يعععععععععععععععععع

ومن عقبها وحنا نوصي عليه من القصيم ..كلش عاد ولا هالعلم ..

وشكرننننننننن ..
& من الرياض وتعينت بالقويعية لغة عربية متوسط وثانوي .. تعالوا أفيدونا ..

http://forum.hawaaworld.com/showthre...3641692&page=4


نور@القلوب

هي قنوعه وعندها ذمه.. الله يبارك برزقها

الله يجزاك خير على الدعوات


جــوود

الله يعافيك
أرسلت لك الرقم


*_*

من دريت بكذا وأنا أتذكر كل ذيك السنين إللي أحط حناء
من أي مكان وأنقرف

أرسلت لك الرقم
السعيد من يحمل جوه معه..
لايهمه إن كانت السماء صحواً أو مطراً...!





*
لا
أقبل
الــــرد
مــــــــن
الرجـــــــال


الساعة الآن 04:17 .