السلام عليكم ورحمه الله ...
اخواتي العزيزات بالمنتدى انااا عندي موضوع ياليت تساعدوني فيه واكون شاكره لكم
انا جمعت من حافز 8الاف ريال وابي استثمرها بشي يزيد الدخل بس ماني عاااارفه كيف ماقدر ابيع بضاعه لاني مو جريئه ولاعندي توصيل وش رايكم اشتري بها ذهب صافي اي شي يطلع بها وبعدين ابيعها وزي كذااا
من جربت تجاره الذهب وربحت منها ياليت تدلني وتعطيني معلومات وربي يوفقها دنيا واخره
ولا يحرمهااا من جنته
لان كثير يدخلون ارباح من الذهب ياليت اتاجر فيه وربي يرزقني من واسع فضله
18-11-1433 هـ, 05:52 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1

اهلين اختي ..

شوفي الذهب انواع في عيار 24 وهذا مايجي منه الاسبايك

وعيار 22

وعيار 21 هذا الشائع الي يصنعون منه اساور.. طقم ..حلق ..خواتم ....الخ

وعيار 18 لونه فاتح ..

الي يتاجرون بالذهب يتاجرون بعيار 24 لانه سبايك ذهب صافي .. ولا يتغير سعره يعني اشتريتيه ب 2000 وبعتيه ثاني يوم نفس السعر يشترونه منك ب 2000 ( حسب سعر الذهب لانه كل يوم يا يرتفع يا ينزل تابع صفحات اسعار الذهب )
فالي يشترونه بغرض التجاره يشترونه واذا ارتفع سعرالذهب يبيعونه ويكسبون ..

نجي للنوع الثاني عيار 21 كثير يغلطون ويشترون ذهب بنية انهم يلبسونه واذا ارتفع سعره يبيعونه .. تشتري مثلا طقم ب 5000 خمسة الف ..
وبعد فتره تبيعه تتفاجأ بانهم يشترونه بسعر اقل بكثير من السعر الي شرته ... ليش ؟؟؟

لازم تعرفين ان البائع اذا باع اي قطعه ذهب يحسب الذهب وزنه وبكم الجرام ويحسب مصنعيته .. المقصود من مصنعيته سعر الشغل ..هذي يحسبونها الشكل شكل التعليقه مثلا كل ماكان فيها شغل كل مارتفع سعره .. لكن اذا جيتي تبيعينه مايحسبونها يحسب لك وزن الذهب فقط والبيع ارخص من انك تشترين ..

ويزيد اطين بله اذا شريتي قطعه فيها فصوص هذا مالها قيمه ابداا كانك شاريه قزاز خخخخخخخ اذا تبيعين قطعه فيها فصوص يطلعونه حبه حبه .. ويوزنون الذهب لحاله ..

الا اذا الفصوص عليها ضمان ...

نجي للذهب عيار 18 لونه فاتح واشكاله يجنن لكنه ذهب فيه شوائب مش ذهب صافي .. واكبر غلط انك تشترين ذهب عيار 18 بقصد التجاره ...سعره ارخص ووقت البيع مايجيب لك شيء ..

وفيه عيار 22 ذهب لونه شوي برتقالي اشكاله استغفر الله العظيم ..هذا ينفع للتجاره ..لان سعره فيه ..

هذا الي اعرفه وحبيت افيدك بمعلوماتي المتواضعه

18-11-1433 هـ, 08:48 صباحاً
 
بتوفيق
18-11-1433 هـ, 11:32 صباحاً
 
مشكوره اختي عطر الكلمات استفدت منك والله يوفقك اختي ام همس666
18-11-1433 هـ, 11:49 صباحاً
 
مشكوره
18-11-1433 هـ, 05:33 مساءً
 


الساعة الآن 05:01 .