السلام عليكم ورحمة الله وبركاته

انا مصممة أزياء من حايل
ابي ابدأ مشروعي الخاص طبعا فساتين مبدئيا وابي مشورتتكم
أول شيء للحايليات هل الناس تفضل المصممات أو تفضل الجاهز عندنا انا اشوف كذا وكذا انتن وش تقولن

وثاني شيء فكرتي هي ولاني خايفة من عدم الاقبال
اني استأجر مشغل خياطة فقط ويكون جاهز ومستقل طبعا وعاملة خياطة بالايجار طبعا مثل حركة الخادمات
لمدة شهر شهرين ...أذا نجحت كملت واسست مشروع كامل واستقدمت الخياطات
بس انا مادري هل شرط الشهادة ضروري ولاا لا

وانا الحمد لله املك افكار راح تثري المشروع ***** الله
الي ابيه هينا راي صاحبات الخبرة وش لازم اسوي وش محتاجة عشان ابدا صح
وبكم اسعار قسم الخياطة لمدة شهر مثلا أو أكثر وهل يمكن القى خياطة ايجار
وش رايكن بفكرتي

واكون شاكرة لكن

اهلآ اختي الله يوفقك في مشروعك صراحه جدا حلو انا ماعندي خبره ^_^

لكن حبيت اقولك انا اختي وقرايبي ساكنين في حايل وماعندهم محلات زينه لما يبغون فساتين يروحون للقصيم يشترون ..

لان الفساتين مومره واسعارها غاليه فأقترح تخلينه زي البوتيك للفساتين الجاهزه وتكون اسعارها مقبوله ويقدرون عليها الناس ...

وتقدرين تاخذين من المواقع فساتين رخيصه وتبدين مشروعك فيها عندك موقع علي اكسبرس حلو

موفقه

دعواتك ربي يرزقني بوظيفه ^_^


قصة شتاء اشكرك على ردك
البوتيك الخطوة الثانية ان شاء الله

والاسئلة الباقية وين الخبيرات يردن علي
اشوف حايل حيل محتاجه للفساتين

بس اهم شي يكون بموقع جغرافي ممتاز لجل الكل يعرفك

وتنشرين بروشورات لك بالاسواق فيها عرض مبسط لك وموقعك

بالتوفيق لك يارب
اختي Ads Shopping
أشكرك على ردك وان شاء الله تيسر الامور واكمل مشروعي

بس سؤالي عن ايجار مشغل خياطة مع عاملة بكم
ليش ما يجيبني احد
وين نصايح وفزعات بنات حواء


الساعة الآن 12:57 .