السلام عليكمـ ..
اتمنى انكم تكونا بخير وعآفيهـ ...
يااعاقلات ويا امهات فهموني انا كيف اتعامل مع ماما
انا دوامي يبدا تلاته الظهر الى عشره الليل تمام
دحين وقت جيت اخواني وبابا من الدوامات يدوب يتغدوا ويناموا
فمررره اتبهدل وينلعن خيري بكل روحه وانا اكره اصحي احد وهوا نايم عشان يوديني
وبالجيه الكل يكون برا مع اصحابه كل مين يصرفني ع التاني
والله مره طفشت كدا مره اروح واخلاقي مقفله وكاره نفسي
فجلست اترجى بالبنات يجيبولي سواق
جابتلي وحده من البنات سواق من معارفها واكلم ماما
صح انها ماقالت شي بس انا اعرفها ماهي راضيه
ولو سويت اللي ابغاه حتجلس تتكلم فيا ويرتفع ضغطها من جديد
احاول فيها واقولها انتي تشوفي انا كيف اتبهدل ليش اسوي بنفسي كدا وانا عندي فلوس
مو محتاجه لاحد .. بس ماهي راضيه تقوولي اصلا متى تاخرتي ع دوامك
واخوانك عادي يودوا ويجيبوا .......................................تحسسني اني
اللي كان بسير حلم عشتو لوحدي مو حقيقه .. انا قفلت ع الموضوع
وقلتلها خلاص ما ابغى سواق وراح اعتذر من البنت
لانها تعبانه وما ابغى ازيدها ..
بس وربي طفشت ماما ماتخليني اتخذ قرار بنفسي يعني ما احس اني اقدر اسوي شي بنفسي
كل شي لا لا لا لا لا تحسسني اني من جد مو قد الشي
المشكله انو اختي عادي وتبدل بالسواقين كل شهر ...
mimOoo@ @mimooo_1
عضوة فعالة
يلزم عليك تسجيل الدخول أولًا لكتابة تعليق.
mimOoo@
•
:icon33::icon33::icon33:
قولي لوالدتك توصي وتحرص على أخوانك يودونك يمكن لانها خايفه عليك وبهالوقت من السواقين فاكيد ماراح تكون راضيه بس زي ماقلت لك كلمي والدتك تشد عليهم يودوك
mimOoo@
•
انا فاهمه انو ماما خايفه عليا بس لو شدت ع اخواني اخاف تسمعلها كلمها
ويرتفع ضغطها زي الربوع لمن جيت كانت تعبانه بالمره
انا اعارف وقت دوامي صعب شويه بس قبل كان الصباح ومره كان ع الظهر
ومافي شي فيهوم اتغير ... حاولت افهمها انو انا ماراح اكون لوحدي البنت معايه ينزلني قبلها
وياخدني بعدها ...
ويرتفع ضغطها زي الربوع لمن جيت كانت تعبانه بالمره
انا اعارف وقت دوامي صعب شويه بس قبل كان الصباح ومره كان ع الظهر
ومافي شي فيهوم اتغير ... حاولت افهمها انو انا ماراح اكون لوحدي البنت معايه ينزلني قبلها
وياخدني بعدها ...
الصفحة الأخيرة