السلام عليكم ورحمة الله وبركاته

انا عندي تقريبا 100.000 ريال واريد ان اضعها في صندوق استثماري وسمعت عن صندوق الرائد وعن صندوق الأمانة والصراحة مني عارفة احط فلوسي في اي واحد منهم

اسألتي هي:
1- ايهم الأفضل من حيث الأرباح الشهرية واذا كان في صندوق افضل منهم قولوا لي؟

2-انا سمعت عن سعر الوحدة وش معناه وايش ورها في معرفة الارباح والخسائر؟

3-اذا اشتركت في احد هذين الصندوقين او غيرهما كيف اتابع الاسعار حقت الصندوق؟

4-طيب اذا احد مجرب احد هذين الصندوقين كم اتوقع الارباح الشهرية لأن النقطة هذي مرة تهمني مو لازم بالضبط شي تقريبي

ارجوكم جاوبوني ولكم مني الشكر والتقدير

تحياتي
07-08-1426 هـ, 07:02 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي شلونتس
اولا ها الصندوقين ممتازات وشرعيات بس لازم يكون استثمارك على المدى الطويل افضل .. مو مدى قصير وارباح شهريه ... لان السوق ربح وخسارة بس المحصله باذن الله الربح .. فنصيحتي حطيهم ولا تسحبينهم الا بعد سنتين على الاقل جدا جدا .. وكلما طولتي كلما زادت

الامانة حققت المركز الاول والراد الثاني وكلهم ممتازات .. بس انصحك حطي خمسين الف هنا وخمسين الف هناك وخليهم يتنافسون وانتي الرابحه من ها التنافس

الوحدة هي مقياس الشراء والبيع والربح والخسارة ... بمعنى تمتلكين وحدات تضارب في السوق اما تضاعف ارباحها وقيمتها او العكس ...

من ناحية المتابعة جبت لك الرابط من موقع تداول حق الصناديق تضغطين على البنك وتروحين تشوفين اداء الصندوق وربحه والرابط :
http://www.tadawul.com.sa/wps/portal/!ut/p/.cmd/cs/.ce/7_0_A/.s/7_0_49L/_s.7_0_A/7_0_49L
انسخيه والصقيه لاني ما اعرف اجيبه خخخخخ
او من موقع تداول نفسه
http://www.tadawul.com.sa

بس لاحظي ... لو تتابعينه شهريا بتلاحظين صعود اكثر من النزول على حسب الوضع الاقتصادي .. بمعنى لما توفي رحمة الله عليه حبيبنا وولي امرنا الملك فهد كل الاسهم هبطت بقوه ولما جا بيان بيعة الملك عبد الله الله يحفظه وزاد البترول رجعت تربح بشكل اقوى واقوى ... بس راااح تتعبين بالمتابعه لا تابعين الا كل اربعه او ستة اشهر حتى لو خسر اصبري علييييه لا تسحبينه لان هدفه مدى طويل مو قصير ولا متوسط

من ناحية التجربه انا وزوجي دخلنا فيها وفعلا بعد توفيق الله جدا مشجعه

اتمنى ساعدتك باللي اقدر عليه
07-08-1426 هـ, 03:27 مساءً
 
أهلين أخواتي ..

حبيت اسألك يام فهد انا عندي مبلغ 10,000

وأبغى ادخل فيها الرائد تنصحيني من خلال تجربتك ادخل الان وكيف الارباح السنويه

تقريبا..

والله يجزاك عنا كل خير
07-08-1426 هـ, 03:48 مساءً
 
الله يجزيك كل اخير اختي ام فهد ماقصرت

انا سمعت انه في صناديق تحطين فيها فلوسك وفي الشهر تطلع لك من 20 الى 30 الف ريال اذا كان المبلغ 100.000 بس ما ادري هل الكلام هذا صحيح ولا لأ

واذا احد عنده فكرة عنها ياليت مايبخل علينا وكمان علشان اتأكد من هذا الكلام هل هو صحيح ولا اشاعات

وشكرا لكم
07-08-1426 هـ, 07:25 مساءً
 
اهلين اختي طموحه. ابقولك على قرايبي مستثمرين مبالغ كبيره مره في الرائد اعتقد تبع البنك الامريكي وتقولي قريبتي الارباح مره حلوه و ما تتوقعينها وتبيني استثمر فلوسي قبل ما تروح علي الفرصه . وكمان زوجي قال لي نفس الكلام بس انا لين الحين ما قررت شي. يا ليت احد له خبره بها المواضيع يساعدنا. شكرا
08-08-1426 هـ, 02:15 مساءً
 


الساعة الآن 11:02 .