اخت زوجي واللي صار لي انا واختي منها

بسم الله الرحمن الرحيم

والله العطيم اني حاسه انكم انتوا اللي ممكن تقولون لي الطريقه الصحيحه لحل مشكلتي بعد الله لاني محتاره كيف احلها
مابطول عليكم انا متزوجه من تسع سنوات زواج يعلم الله انه زواج ماساوي بكل ماتعنيه الكلمه لان هالزوج طلع متزوج بالسر ومدمن في وقت واحد وقدر الله عليه وكملت حياتي معاه في تعب مايعلم فيه الا رب العالمين يشهد الله ان اهله بداية الامر وقفوا معاي وكانوا معاي ضده وماعمرهم قصتروارامعي ولانه تزوجني وانا صغيره وصدقت وعوده وكذبه استمرت حياتنا بكل تعاسه المهم انا بعد كل هالتعب معاه خرجته من حياتي وماصرت افكر في وجوده اوغيابه وسخرت نفسي لبيتي وعيالي لكن ماطولت فرحتي لان اخته خطبت اختي لولدها ويشهد الله الولد طيب وابن حلال وكل بنت تمناه والجميع كانوا يبونه واستمرت الحياه لاكن بعد ماجابت اختي اول مولود وزاد اهتمام رجلها فيها بدات النار تشب في قلب امه وحست ان اختي اخذت ولدها منها خاصه انه متعلق في اختي وبنتها ويشهد الله ان اختي ماحرمتها منه وقبلت تعيش معاهم في نفس البيت حتى مايتغير عليهم الوضع بعد زواجه لاكن هالحرمه ماطفت نارها وكرهتني من كرهها لاختي وبدات اول شي تتغير في تعاملها معاي وتتكلم في
ظهري وانا اسمع واعديها واقول لها فضل علي وعلى عيالي وحرمه مريضه متاراح اكون مثلها الله هو اللي يتولاها لكن تفاجات انها متصله بامي تقول انا خلاص كرهت بناتك لانهم مايصلون وهي عمرها وحياتها ماعاشت معي عشان تقول هالكلام كلمتها هذي نزلت على قلبي زي النار كل شي الاصلاتي وعلاقتي برب العالمين وصلتوا لها وش خليتوا انتوا وولدكم واختي يوم انها عرفت بها الكلام مسكت زوجها وسالته انت شليف اني مقصره بصلاتي قالها لا انا اشهد اني ماشفتك قصرتي لابصلاتك ولا بغيرها ولما واجهتهتا مع امي نكرت الكلام وماكنهاقالته بكل وقاحه وحقاره بس انا ياجماعه قلبي شاب نار من هالكلام وش اسوي وانا حتى زوج زي الناس ماعندي يدافع عني ويوقف جنبي وللعلم انا وضع اهلي مايسمح اني اخذ عيالي واروح عندهم جربت ومانفع والله اني ادعي من قلبي ان الله ياخذ لي حقي منها شوهت صورتي انا واختي قدام امي بكذبها وظلمها والخوف من اللي جاي اكبر تكفون انصحوني