ليش صديقتي سوت كذا/ تتجاهلني بعد أن تعينت .. معدل

السلام عليكم.                                                                                 ماعليش لو طولت عليكم بس ما عندي احد افضفض له الا انتم أنا اتزوجت وسكنت الرياض ودرست الجامعة وتعرفت على صديقه كنا اكثر من الأخوات درسنا اربع سنوات في الجامعة ولنا الان خمس سنوات مخرجات وعلاقتنا زي الفل  نكلم بعض نلبي طلبات بعض اعلمها بكل شي اي مناسبة فرح تصير عندي وهي نفس الشي تعلمني بكل شيء كنا متفوقات في الجامعة وبعد التخرج قدمنا  معيدات وماستر سبحان الله هي قبلت ماستروانا لا على الرغم اني اعلى منها معدل لكن الحمدلله والله فرحت لها ودعيت لهاوكملت دراستها وانتهت .ومن السنة اللي فاتت أحاول اتصل ارسل صارت ماترد الا نادرا واذا اردت تحججت انها مشغوله واسكر الخط وكنت اذا سمعت اعلان وظائف معيدات ارسلها ع الواتس اسألها ما ترد اتصل عليها ما ترد ، المصيبة  الي صارت لي امس قابلت وحده قريبه لها سألتها قالت ما تدرين هذي عينوها معيده في جامعة الملك سعود من السنه اللي فاتت ما صدقت رحت فتحت موقع الجامعة شفت اعضاء هئية التدريس لقيت اسمها مكتوب انصدمت حسيت بغصه في حلقي ليش خبت علي ماصار بيننا اي شئ وهي كانت تعلمني بكل شيء يعني طلعت من يوم تعينت وهي صايره ما ترد لا مكالمه ولا واتس ليش خافت أعطيها عين ولا وش تفسرونه.والله كنت احبها مثل خواتي واعاملها أحسن منهم.